19

தமிழ் கட்சிகளின் மாநாட்டில் கலந்துகொள்ள சுவிற்சர்லாந்திற்கு வந்திருக்கும் ஈழமக்கள் ஜனநாயகக் கட்சியின் செயலாளர் நாயகமும் அமைச்சருமான டக்ளஸ் தேவானந்தாவுடனான சந்திப்பு நவம்பர் 20ல் சுவிஸில் நடைபெறவுள்ளது. ‘சுவிஸ் வாழ் புலம்பெயர் உறவுகளை சந்தித்து மனம் திறந்த கருத்து பரிமாற்றங்களை நடத்துவதற்கான நிகழ்வு’ இதுவென இச்சந்திப்பினை ஏற்பாடு செய்துள்ள அக்கட்சியின் செய்திக் குறிப்புத் தெரிவிக்கின்றது. இச்சந்திப்பில் ‘சமகால மற்றும் எதிர்கால அரசியல் நிகழ்வுகள் குறித்தும் தமிழ் பேசும் மக்களுக்கான சாத்தியமான எதிர்கால அரசியல் தீர்வு குறித்தும் புலம்பெயர் உறவுகளின் கருத்துக்களும் ஆரோக்கியமான விமர்சனங்களும் எதிர்பார்க்கப்படும்’ எனவும் அச்செய்திக் குறிப்பில் குறிப்பிடப்பட்டு உள்ளது.

நாளை (நவம்பர் 20ல்) ஆரம்பமாக உள்ள மாநாட்டிற்கு நேற்று (நவம்பர் 18ல்) பெரும்பாலான தமிழ் முஸ்லீம் கட்சிகளின் உறுப்பினர்கள் சுவிஸ் வந்தடைந்தனர். இவர்களுக்கு மாநாட்டினை ஆரம்பித்து வைக்கு முன்னர் இன்று மாலை (நவம்பர் 19) விருந்துபசாரம் ஒன்றுக்கு ஏற்பாடு செய்யப்பட்டு உள்ளது. (தமிழ் பேசும் கட்சிகளின் மாநாட்டின் திரைக்குப் பின்னால்: த ஜெயபாலன்)

இம்மாநாட்டுக்கு வந்திருந்த கிழக்கு மாகாண முதலமைச்சர் சந்திரகாந்தனுடனான சந்திப்பு ஒன்று நவம்பர் 18ல் இடம்பெற்றது. கிழக்கு மாகாணம் வந்து அபிவிருத்தியில் பங்கெடுக்க வேண்டும் என்று விடுக்கப்பட்ட அழைப்பிற்கு புலம்பெயர்ந்த மக்கள் சற்றுத் தள்ளி நிற்பதாக முதலமைச்சர் குறைப்பட்டுக் கொண்டுள்ளார் எனத் தெரியவருகிறது. கிழக்கு மாகாண வரவுசெலவுத் திட்ட அறிக்கை சமர்ப்பிக்கப்பட இருப்பதால் முதலமைச்சர் தமிழ் கட்சிகளின் மாநாடு முற்றுப்பெறுமுன் இலங்கைக்குத் திரும்புவார் எனத் தெரியவருகிறது.

அமைச்சர் டக்ளஸ் தேவானந்தாவின் சந்திப்பில் தேசம்நெற் வாசகர்கள் கேட்கும் கேள்விகளும் அமைச்சரிடம் கையளிக்கப்பட்டு அதற்கான பதில்கள் பெறப்பட்டு தேசம்நெற்றில் பிரசுரிக்கப்படும். ஆகவே தேசம்நெற் வாசகர்கள் தங்கள் கேள்விகளைப் பதிவு செய்யவும்.

அமைச்சரைச் சந்திப்பதற்காக லண்டனில் இருந்தும் கட்சி உறுப்பினர்கள் பலர் சுவிஸ் சென்றுள்ளனர்.

சந்திப்பு நடைபெறவுள்ள காலம்
மாலை 6:00 நவம்பர் 20 2009

சந்திப்பு நடைபெறவுள்ள இடம்
Katholische Universitätsgemeinde (AKI)
Alpeneggstrasse 5 
3012 Bern

தமிழ் தேசியக் கூட்டமைப்பின் நாடாளுமன்ற உறுப்பினர் சிவநாதன் கிஷோர் நேற்று அலரி மாளிகையில் ஜனாதிபதி மஹிந்த ராஜபக்ஷவை நேரில் சந்தித்து பிறந்த தின வாழ்த்துக்களை தெரிவித்துள்ளார்.

யாழ்ப்பாண பல்கலைக்கழத்தின் பட்டப் பின்படிப்பு கல்விப் பீடத்துக்கு புதிய கட்டடம் ஒன்றை நிர்மாணிக்க அமைச்சரவை அனுமதி வழங்கியுள்ளது. உயர் கல்வி அமைச்சர் பேராசிரியர் விஸ்வா வர்ணபால இதற்கான அமைச்சரவைப் பத்திரத்தை சமர்பித்திருந்தார்.
 
அதன்படி 42.35 மில்லியன் ரூபா செலவில் 600 சதுர மீற்றர் பரப்பளவில் இதற்கான மூன்று மாடிக் கட்டடம் அமைக்கப்படவுள்ளது.தற்போது இந்தப் பீடத்தில் சுமார் 600 மாணவர்கள் பட்டப் பின்படிப்பை மேற்கொண்டு வருகின்றனர்.

இது என்னடா தலையங்கம் வித்தியாசமாய் இருக்குதென்று யோசிக்காதையுங்கோ. புலம்பெயர் மக்களிடம் வட்டுக்கோட்டையிலும் பார்க்க முள்ளிவாய்க்காலிலும் பார்க்க இதுதான் பொப்பியூலர். விடயத்திற்கு வருவம்.

பிரபாகரனோடை முடிந்தது இராணுவ மாயை மட்டும்தான். அரசியல் இன்னும் சாகவில்லை. ஆனால் அவர்கள் சிங்கள முற்போக்கு சக்திகளைப் பிரித்தார்கள், இந்தியாவைப் பிரித்தார்கள், உலக நாடுகளைப் பிரித்தார்கள் எம் மக்களிடமிருந்து. இதிலிருந்து தமிழ் சமூகத்தை விடுவிக்க வேண்டுமாயின் முதலில் அறிவு ஜீவிகள் தொடக்கம் பத்திரிகைகள் வானொலிகள் ரிவீக்கள் இன்ரநெற்றுகள் வரை உண்மையை பேசுவோம். உண்மையை எழுதுவோம். மனித உரிமைகளை மதிப்போம். சகிப்புத் தன்மையை வளர்ப்போம். அரசியல் நாகரீகத்தை வளர்ப்போம். விமர்சனங்களை செய்வோம். ஆக்கபூர்வமாக தற்போதைய சூழ்நிலையில் துப்பாக்கி இல்லாமல் எதைப்பற்றியும் கதைப்போம். யாருடனும் கதைப்போம். இதைத்தானே நாங்கள் எதிர்பார்த்தது. இதனை வீணடிக்காமல் பயன்படுத்துவோம்.

நிமிர்ந்து வாழ்ந்த சமுதாயம் பிச்சைக்கார நிலையில் இருக்கிறது. அவர்களுக்கு உடனடித்தேவை பசித்த வயிற்றுக்கு உணவு, இருக்க இடம், வேலை, பிள்ளைகளின் கல்வி இதை புலம்பெயர் தமிழர்கள் உணருவதாகத் தெரியவில்லை. அவர்களுக்கும் இவர்களுக்கும் நீண்ட இடைவெளி கொண்டதான உறவு உண்டாகியுள்ளது. யதார்த்தத்தை புரியாமல் தேவையற்ற ஒன்றுகூடல், மறியல்ப் போராட்டம், கவனயீர்ப்புப் போராட்டம், வட்டுக்கோட்டைத் தேர்தல் இவற்றால் அம்மக்களுக்கு என்னத்தைச் செய்யப் போகிறோம்.

முகாமில் உள்ளவர்கள் விடுவிக்கப்பட வேண்டும்தான் அதில் யாவருக்கும் எந்த மாற்றுக் கருத்தும் கிடையாது. ஆனால் உண்மையில் பல மக்களுக்க போக இடமில்லை. வேலை இல்லை பணம் இல்லை, அவர்கள் எங்கே போவார்கள். எப்படிச் சாப்பிடுவார்கள். அங்குள்ள சிலருடன் கதைக்கையில் முகாமில் உணவும் தங்க இடமாவது கிடைக்குதே என்ற நிலையில் இருக்கிறார்கள். இது தொடர வேண்டும் என்பதல்ல உண்மைநிலை. எப்படித் தீர்ப்பது என்பதுதான் உணரப்பட வேண்டியது.

மகிந்தா மீது நாம் தற்சமயம் நம்பிக்கை வைத்துத்தான் ஆகவேண்டியது அவசியம். இதுவரை யாருமே செய்யாத அதிரடி மாற்றங்கள் புலிகளில் இருந்து பாதாளக் கோஷ்டிவரை அடக்குகிறார்தான். முன்பிருந்த தலைவர்களுடன் ஒப்பிட்டால் இது சாதனைதான். ஓத்துக் கொள்ளத்தான் வேணும். அரசியல் தீர்வுகள் வைக்கப்பட வேண்டிய சூழ்நிலையிலும் இருக்கினம். அப்படி இல்லையாயின் உலகின் சந்தேகப் பார்வை அரசின் மீது விழும். இதனை மழுங்கடிக்காமல் அவர்கள் கையில் பந்தைக் கொடுப்போம். அதை விட்டுவிட்டு ஈழநாடு பாலச்சந்திரனும் ஜிரிவியும் லங்காசிறீயும் ஜபிசியும் தங்களையே விக்கிற மாதிரி கட்டுரையும் செய்தியும் எழுதித் தள்ளுகிறார்கள். ஆரம்ப காலங்களில் பாலச்சந்திரன் நாட்டுப் பற்றுள்ளவர்தான். இயக்க பேரணிகளுக்கு உதவி செய்தவர்தான். ஆனால் இப்ப சீமானை மிஞ்சி கட்டுரை எழுதி தன்னையே விற்கக் கூடாது. ஜெகனும் தான் படித்த நல்ல கல்லூரியை நாறடிக்காமல் நடந்தால் நல்லது.

எல்லாவற்றையும் மீறி தமிழக சஞ்சிகைகள் (உதாரணமாக ஆனந்தவிகடன்) பத்திரிகை விற்பதற்காக பிரபாகரன் போய் இப்ப பொட்டு வாறாராம் மாவீரர் உரைக்கு. இதற்கு பேட்டி வேற. பொட்டருக்கு ஏன் பொட்டு பெயர் வந்ததென்றே தெரியாத இவர்கள் அடேல் புத்தகத்தை சாட்சிக்கு வைத்து கதை விடுகிறார்கள். பழைய கூட்டணிகாரருக்கு கையை வெட்டி இரத்தப் பொட்டு வைத்ததால்தான் அவருக்கு பொட்டு பெயர்.

இதைவிட வேடிக்கை வடபகுதி பத்திரிகையாளர்கள் யு என் பி கூட்டணி கூட்டாக முடிவெடுக்க இருக்கினமாம். இதில் உதயன் பத்திரிகை இந்தியாவையும் கருணாநிதியையும் தாழ்த்தி எழுதி எதைச் சாதிக்கப் போகிறார்கள். இவர்களால் 100 கோடி ரூபாய் கொடுக்க முடியுமா திரும்பத் திரும்ப ஏனைய்யா இடைவெளியைக் கூட்டிறியள். பார்ப்பதற்கு செய்தியா இல்லை. இலங்கையில் R K Hottelல் வடிவேலு வடை சுட்டார் என்று எழுதுகிற உதயன் ஏதும் ஆரோக்கியமாய் எழுதலாமே. கருத்து அறிவுப் பஞ்ஞமென்றால் நீங்கள் தேனீயிலிருந்து தேசம்வரை போய்ப் பாருங்களேன்.

எல்லோரையும் அரவணைப்பது என்பதை விட்டுவிட்டு விஜய் ராகுலோட கதைத்தா குற்றம் சூர்யா சிங்களப் படத்தில் நடித்தா குற்றம். (ஆனால் ஆங்கிலப் படம் நடிக்கலாம்.) அவர்கள் எல்லாம் எங்கள்பால் அக்கறை கொண்டவர்கள்தான் இந்த சீமான் நெடுமாறன் வைகோவிலும் பார்க்க. இந்த மூன்று பேரும் இந்தியாவில் ஒரு பிரச்சினைகளும் இல்லாத மாதிரியும் சேரியில் சனங்கள் சந்தோசமாக வாழ்கின்ற மாதிரியும் ஏனய்யா எங்களிட்டை வந்து எங்கடை பிரச்சினைகளுக்குள் தலையிடுகிறீர்கள்.

பத்திரிகைகள் மக்கள் நலனை முன்னிறுத்தி செயற்பட வேண்டும், எழுத வேண்டும். உதாரணமாக தற்போதைய சூழலில் டக்ளஸ் என்ன செய்கிறார் என்ன செய்ய வேணும் என்ன பிழை செய்கிறார் எப்படி அணுக வேண்டும் என்று எழுதலாமே, விமர்சனங்களை செய்யலாமே. புலத்தில் இருந்து அந்த மக்களுக்கு நாங்கள் தலைமை தாங்க முடியாது. அந்த மக்கள்தான் தங்களுக்கான தலைமையை தெரிவுசெய்ய வேண்டும். புலம்பெயர் தமிழர்கள் தங்களாலான பங்களிப்பை செய்யலாம். தற்போதைய நிலையில் சூளைமேட்டு டக்ளஸ் அல்ல இப்ப இருக்கும் டக்ளஸ். 25 வருட அனுபவம் பாதிப்புக்கள் 13 தடவைகள் மரணத்தின் பிடியில் இருந்து தப்பியது மட்டுமல்லாது பங்கருக்குள் வாழவில்லை. தன்னால் முடிந்தவற்றை அங்குள்ளோரிலும் பார்க்க ஏதோ செய்கிறார். நேடியாக யாரும் கதைக்க முடிகிறது. பிரபாகரனையோ பொட்டரையோ அன்ரன் பாலசிங்கத்துடனோ நாங்கள் அணுகத்தான் முடிந்ததா. கனடா பாரிஸ் சுவிஸ் லண்டன் போன்ற நாடுகளில் இருந்து அவர்களுக்கு வேண்டியவர்கள் போய் கைத்தொலைபேசியில் படம் எடுத்து இங்குவந்து புலுடா விட்டார்கள். இதைத்தானே இவ்வளவு காலமும் பார்த்தோம்.

லங்காசிறீக்கு செய்தி இல்லாட்டி (புதினம் இல்லைத்தான்) நிருபமாக்கு நாலு பேர் கொடி கட்டினார்கள், கடல்கன்னி கண்டுபிடிப்பு, மாவடிவேம்பு கிராமத்தில் அதிசயம் உங்களுக்கு சொரணையே இல்லையா. தயவுசெய்து இனியாவது மனச்சாட்சிப்படி உண்மையை எழுதுங்கள். உண்மையைப் பேசுங்கள்.

அந்த மக்களை மீண்டும் முகாமுக்குள் கொண்டுபோய் அடைக்காதேங்கோ. அவர்களும் சந்தோசமாக இருக்கட்டுமே. அவர்கள் பிள்ளைகளும் எங்கள் பிள்ளைகள் மாதிரி படிக்கட்டுமே. அவர்களும் மானாட மயிலாட பார்க்கட்டுமே. நாங்களும் அதைப் பார்த்த பின்புதானே ஏதோவெல்லாம் எழுதித் தள்ளுறம்.

எங்களுக்கு வட்டுக்கோட்டையும் வேண்டாம். முள்ளிவாய்க்காலும் வேண்டாம். முதலில் கொசுவுக்கு மருந்தடிப்போம். பிறகு கொசோவா பற்றிக் கதைப்போம்.

அவுஸ் திரேலியாவின் சுங்கப்பிரிவுக் கப்பலான ஓசனிக் வைக்கிங்கிலிருந்து 36 பேர் 5 படகுகளில் நேற்று புதன்கிழமை காலை ஏற்றிச்செல்லப்பட்டுள்ளனர். இவர்கள் இந்தோனேசியாவின் பின்ரன் தீவிலுள்ள தஞ்ஜுன் பினாங்கிலுள்ள தடுப்பு நிலையத்தில் தங்கவைக்கப்படவிருப்பதாக ஏ.ஏ.பி. செய்திச் சேவை தெரிவித்தது.

இதற்கு முன்னர் இந்தோனேசியாவின் சிரேஷ்ட இராஜதந்திரியான டாக்டர் சுஜாத்மைக்கோ தலைமையிலான அதிகாரிகள் குழு கப்பலுக்கு சென்று புகலிடம் கோருவோர் தொடர்பாக பரிசீலனைகளை மேற்கொண்டது. கப்பலிலிருந்த இலங்கையரின் உடல் ஆரோக்கியம் மற்றும் ஆலோசனைகள் என்பன பரிசீலிக்கப்பட்டன. கப்பலிலிருந்து புகலிடம் கோருவோர் யாவரும் இறங்கிச் சென்றவுடன் ஓசனிக் வைக்கிங் இந்தோனேசியாவுக்கு திரும்பிச் செல்லவுள்ளது.

அகதிகளென்பது நிரூபிக்கப்பட்டால் சில மாதங்களில் இவர்கள் அவுஸ்திரேலியாவில் குடியமர்த்தப்படுவர் என்ற உறுதிமொழியை புகலிடம் கோரும் இலங்கையர் இப்போது ஏற்றுக்கொண்டதையடுத்து இந்தோனேசியாவின் தடுப்பு நிலையத்துக்கு அவர்கள் அனுப்பிவைக்கப்பட்டுள்ளனர்.

முப்படை வீரர்களுக்கு விசேட கொடுப்பனவுகளை வழங்க அமைச்சரவை அங்கீகாரம் அளித்துள்ளது. ஜனாதிபதி மஹிந்த ராஜபக்ஷ நிதி அமைச்சர் என்ற வகையில் இதற்கான அமைச்சரவைப் பத்திரத்தை சமர்பித்திருந்தார்.

அதன்படி குறிப்பிட்ட சில பிரதேசங்களில் கடமையாற்றும் படை வீரர்களுக்கு மட்டும் வழங்கப்பட்டு வந்த 80 ரூபா முதல் 100 ரூபா வரையிலான நாளாந்த விசேட கொடுப்பனவுத் தொகை ஏனைய படைவீரர்கள் அனைவருக்கும் வழங்கப்படவுள்ளது.

இதேவேளை முப்படை அதிகாரிகள் அனைவருக்கும் மாதந்தம் 1000 ரூபா விசேட மேலதிகக் கொடுப்பனவாக வழங்கப்படவுள்ளது. மேலும் அரச சேவையிலுள்ள அனைவருக்கும் வாழ்க்கைச் செலவு கொடுப்னவாக ஒரு மாதத்துக்கு 750 ரூபாவையும் ஓய்வுபெற்றவர்களுக்கு 375 ரூபாவையும் வழங்க முடிவு செய்யப்பட்டுள்ளது.

மேற் கூறப்பட்ட கொடுப்பனவுகள் 2009 நவம்பர் முதல் அமுலுக்கு வருவதுடன் 2010 ஜனவரி முதல் வழங்குவதற்கும் முடிவு செய்யப்பட்டுள்ளது.

ஐ.நா.  மனிதாபிமான நடவடிக்கைகளுக்கான செயலாளர் நாயகம் ஜோன் ஹோம்ஸ் நேற்று வவுனியா நிவாரணக் கிராமங்களுக்கு விஜயம் செய்தார். இதன் போது அவர் மீள்குடியேற்றம் தொடர்பாக தமது திருப்தியை வெளியிட்டுள்ளதாக தெரிவிக்கப்பட்டுள்ளது

இரண்டு நாள் உத்தியோகபூர்வ விஜயத்தை மேற்கொண்டு இலங்கை வந்த அவர் நேற்று விசேட விமானம் மூலம் அங்கு சென்று நிலைமைகளைப் பார்வையிட்டார்.

கதிர்காமர், அருணாசலம், ஆனந்த குமாரசாமி ஆகிய நிவாரணக் கிராமங்களுக்குச் சென்ற அவரை, வவுனியா அரசாங்க அதிபர் திருமதி பி. எஸ். எம். சார்ள்ஸ் வன்னி பாதுகாப்பு படைகளின் தளபதி மேஜர் ஜெனரல் கமால் குணரட்ன ஆகியோர் வரவேற்றனர். இதன் பின்னர் கொழும்பு திரும்பிய அவர் மாலை வெளியுறவுத்துறை அமைச்சர் ரோஹித்த போகல்லாகமையை சந்தித்து உரையாடினார். இன்றைய தினம் அவர் ஜனாதிபதியை சந்திக்கவுள்ளார்

நாட்டின் சில பகுதிகளில் பெய்த கடும் மழை காரணமாக கொழும்பு, களுத்துறை, கண்டி மாவட்டங்களில் வெள்ளம் ஏற்பட்டுள்ளது. இதனால் 2 ஆயிரத்துக்கும் அதிகமான குடும்பங்கள் பாதிக்கப்பட்டதுடன் ரயில், பஸ் போக்குவரத்துக்கும் தடங்கல் ஏற்பட்டுள்ளதாக இடர் முகாமைத்துவ நிலையம் தெரிவித்தது.

நாட்டின் பல் வேறு பகுதிகளில் இடைக்கிடை மழை பெய்து வரும் போதிலும் நேற்று முன்தினம் (17) இரவு முதல் காலை வரை திடீரென தொடர்ந்து மழை பெய்தது. இதனால் தாழ்நிலங்கள் நீரில் மூழ்கியதுடன் 2 ஆயிரம் வீடுகள் பாதிக்கப்பட்டன. சில பகுதிகளில் மக்கள் வேறு இடங்களுக்கு இடம்பெயர்ந்து சென்றனர். சில வீதிகளில் மூன்று அடிக்கு மேல் நீர் நிறைந்திருக்கிறது.

நேற்றுக் காலை கொழும்பு உட்பட பல பகுதிகளில் போக்குவரத்து தடைப்பட்டதாக இடர் முகாமைத்துவ நிலையம் கூறியது.  சில பகுதிகளில் மின்சாரமும் தடைப்பட்டுள்ளது.

தொடர் மழை காரணமாக கொழும்பு மாவட்டத்திலேயே அதிக பாதிப்பு ஏற்பட்டது. புறக்கோட்டை, தெஹிவளை, மருதானை, மாளிகாவத்தை, புளுமெண்டல் வீதி, மஹரகம, கிரேண்ட்பாஸ், ரத்மலானை, நுகேகொட, பெபிலியான, பொரலஸ்கமுவ, வெஹரஹர, கடுவெல, மீதொடமுல்ல, கொலன்னாவை, காசல் வீதி, குணசிங்கபுர உட்பட பல பகுதிகளில் 600க்கும் அதிகமான வீடுகள் பாதிக்கப்பட்டதோடு பல வீதிகள் நீரில் மூழ்கியிருப்பதாக இடர் முகாமைத்துவ நிலைய உதவிப் பணிப்பாளர் பிரதீப் கொடிப்பில தெரிவித்தார்.

பல பிரதான வீதிகளில் நீர் நிரம்பியிருந்ததால் வாகன நெரிசல் காணப்பட்டது. குண சிங்கபுர பஸ் தரப்பிடம் புளுமெண்டல் உப மின் நிலையம் ஆகியவை நீரில் மூழ்கியுள்ளன. கொழும்பு 13, 14, 15 பகுதிகளில் காலை வேளையில் மின்சாரம் தடைப்பட்டிருந்தது. வெள்ள நீர் மாளிகாவத்தை ஆஸ்பத்திரி பகுதியில் புகுந்ததால் ஆஸ்பத்திரி பணிகள் தடைப்பட்டன.

களுத்துறை மாவட்டத்தில் தொடர்ந்து பெய்த கடும் மழை காரணமாக தாழ்ந்த பகுதிகளில் பல நீரில் மூழ்கியுள்ளன.பாணந்துறை, பேருவளை, பயாகலை, மதுகம, களுத்துறை, வஸ்கடுவ, பொது பிடிய, வாத்துவை, பின்வத்த போன்ற பகுதிகளில் தாழ்ந்த பகுதிகளில் உள்ள வீடுகள் நீரில் மூழ்கியுள்ளன. இதனால் 1200 குடும்பங்கள் பாதிக்கப்பட்டன. தொடர் மழையினால் தோட்டங்களில் பால் சேகரிப்பு, சீவல், கடற்றொழில், விவசாய நடவடிக்கைகள் பாதிக்கப் பட்டுள்ளன.

கண்டி மாவட்டத்தின் சில பகுதிகளும் கடும் மழையினால் பாதிக்கப்பட்டன. அக்குறணை பகுதியில் பல வீதிகள் வெள்ளத்தில் மூழ்கின. பிங்காஓயா பெருக்கெடுத்ததால் இப்பகுதியில் வெள் ளம் ஏற்பட்டது. மஹய்யாவ பகுதியில் ஏற்பட்ட மண் சரவில் 4 வீடுகள் சேதமடைந்துள்ளன.

கம்பொல – கண்டி ரயில் வீதியில் பொல்கும்புர எனும் பகுதியில் பாரிய மரமொன்று சரிந்து விழுந்ததில் ரயில் சேவை பாதிக்கப்பட்டது. மரம் விழுந்ததில் 3 வீடுகள் சேதமடைந்ததுடன் ஒருவர் காயமடைந்ததாக அறிவிக்கப்படுகிறது.

மாத்தறை மாவட்டத்தில் தொடர்ச்சியாக பெய்து வரும் மழையின் காரணமாக ஜின் கங்கை, மற்றும் நில்வள கங்கை என்பவற்றின் நீர் மட்டம் உயர்ந்து காணப்படுவதுடன் தாழ்நிலங்கள் நீரில் மூழ்கியுள்ளன.

தாழமுக்கம் நகர்ந்தது

நாட்டின் தென் பகுதியில் ஏற்பட்ட தாழமுக்கம் காரணமாக மேல் மாகாணத்தின் கரையோரப் பிரதேசத்தில் கடும் மழை பெய்ததாக வானிலை அவதான நிலையம் கூறியது.  இந்த தாழமுக்கம் இலங்கையை விட்டும் நகர்ந்துள்ளதாகவும் அறிவிக்கப்படுகிறது. தொடர்ச்சியாகப் பெய்த கடும் மழையினால்ஆகக் கூடுதலாக இரத்மலானை யில் 210.0 மி.மீ. மழை வீழ்ச்சி பதிவாகியுள்ளது. கொழும்பில் 207.0 மி.மீ. மழை வீழ்ச்சியும் கண்டியில் 93,0 மி.மீ. மழை வீழ்ச்சியும் பதிவாகியுள்ளன.

எதிர்வரும் தினங்களில் மாலை வேளையிலும் இரவு வேளையிலும் இடைக்கிடை இடியுடன் கூடிய மழை பெய்யும் என எதிர்பார்க்கப்படுவதாக வானிலை அவதான நிலையம் கூறியது. 4 வருடங்களின் பின்னரே கொழும்பில் அதிகூடிய மழை வீழ்ச்சி பதிவாகியுள்ளது.

கொழும்பில் நேற்று பெய்த கடும் மழையினால் கொழும்பு மாநகர சபை வெள்ளத்தில் மூழ்கியுள்ளது.

இந்த நாட்டில் வாழும் முஸ்லிம்களை உல்லாசப் பயணிகள் என்றும் நாட்டின் நிருவாகத்தில் எதனையும் பெற அருகதையற்றவர்கள் என்று முஸ்லிம் சமூகத்தை அவமதித்து ஏளனம் செய்தவர் ஜெனரல் சரத் பொன்சேகா என கண்டனம் தெரிவித்திருக்கும் மேல்மாகாண ஆளுநர் அலவிமௌலானா அவரால் வெட்டப்படும் குழியில் எவரும் விழுந்து விடக் கூடாது எனவும் எச்சரித்துள்ளார்.

தற்போது உருவாகியுள்ள அரசியல் நிலைமைகள் தொடர்பில் முஸ்லிம் மக்களின் கவனத்துக்கென ஆளுநர் அலவிமௌலானா ஒரு அறிக்கையை நேற்று வெளியிட்டிருக்கின்றார். அந்த அறிக்கையில் அவர் தெரிவித்திருப்பதாவது நமது நாட்டில் நடந்து முடிந்துள்ள யுத்தத்தினாலும், பல்வேறுபட்ட பொருளாதாரச் சிக்கல்களினாலும் திணறிக்கொண்டிருக்கும் எமது மக்கள் இன்று படிப்படியான முன்னேற்றங்களை கண்டு வருகின்றனர். சமூகங்களுக்குள் விதைக்கப்பட்டிருக்கும் இனவாத வித்துக்களைக் களைந்து ஒரே நாடு ஒரே மக்கள் என்ற விழிப்புணர்விற்கான செயற்திட்டங்களை அரசு முனைப்புடன் மேற்கொண்டுள்ளது.

இந்நிலையில், நாட்டின் முன்னேற்றத்தில் சிந்தித்தேனும் அக்கறை கொள்ளாத சக்திகள் மீண்டும் மக்களை குழப்பி சதிசெய்து, அரசியல் அதிகாரத்தைக் கைப்பற்றக் கனவு கண்டு கொண்டிருக்கிறது. மக்களாகிய நீங்கள் இந்த சதி வலையில் சிக்கிக் கொள்ளாது சதிகாரர்களுக்கு பாடம் புகட்ட வேண்டிய சந்தர்ப்பம் மீண்டும் உங்கள் வசம் மிக விரைவில் வந்தடையும்.

முன்னாள் இராணுவத் தளபதி சரத் பொன்சேகா சிறிது காலத்துக்கு முன்பு வெளியிட்ட கருத்து சிறுபான்மை மக்களிடையே பெரும் மனக் கிலேசத்தினை ஏற்படுத்தியதை நாம் மறந்து விடமுடியாது. அவர் படைத் தளபதியாக இருந்த காலத்தில் சிறுபான்மை முஸ்லிம்களை உல்லாசப் பயணிகள் என்று ஏழ்மை செய்தார். அவர்கள் நிர்வாகத்தில் எதனையும் பெற அருகதையற்றவர்கள் என்றும் அவதூறு செய்தார். இவர் வெட்டிய குழியில் எவரும் விழுந்து விடக்கூடாது.

ஐக்கிய தேசியக் கட்சி சின்னத்தில் வெற்றி பெற்ற ரவூப் ஹக்கீம், மனோகணேசன் போன்றவர்களும் அதிருப்தி அடைந்தவர்களாக அன்று காட்டமான அறிக்கைகளை விட்டிருந்தனர் என்பதை மக்கள் இன்னும் மறந்து விடவில்லை. நாட்டின் முன்னேற்றத்திற்கும், சமூக ஒற்றுமைக்குமான ஆக்கபூர்வமான கருத்துகளை இவர்களினாலும் இன்னும் முன்வைக்க முடியாமல் உள்ளது. எவ்வழியிலேனும் அதிகாரத்தைக் கைப்பற்றி விட்டால் போதும் என்ற மனப்பான்மையை எதிர்க்கட்சிகளிலும், சுயநலத் தலைவர்களிடத்தும் மேலோங்கி இருப்பதை அறிவு சார்ந்த மக்கள் அறிந்தே வைத்துள்ளனர்.

இன்று வடக்கு, கிழக்கு, தெற்கு,மேற்கு என்ற புவியியல் கோடுகளை களைந்து நாம் இலங்கையர் என்று பெருமையுடன் கூறும் காலம் உதயமாகியுள்ளது. சுதந்திர இலங்கையில் சமூகங்களுக்கு இடையேயான ஒற்றுமையை வலுப்பெறச் செய்வதற்கும் நாடு எவரிடமும் தங்கி நிற்காது. பொருளாதாரத்தில் அபிவிருத்தியடைவதற்கும் நாட்டின் அனைத்து மக்களும் ஒரே நாடு ஒரே மக்கள் என்ற மனப்பான்மையோடு செயல்பட வேண்டியது காலத்தின் தேவையாகும்.

2001 இல் ஐக்கிய தேசியக் கட்சியின் அரசினால் பேசப்பட்ட போலி சமாதானத்தில் முஸ்லிம் சமூகத்தை மோசமாகக் கையாண்டதில் சிறுபான்மை மக்களிடையே பெருமளவிலான எதிர்ப்புக் கிளம்பியது. அந்த எதிர்ப்பை சமாளிக்கத் தக்க வகையில் முஸ்லிம் தரப்பை மூன்றாம் தரப்பாக்கி, ரவூப் ஹக்கீமை பேச்சு மேசைக்கு ஓட்டிச் சென்றதை ரவூப் ஹக்கீம் மறந்தே போய்விட்டார்.

புலிகளினால் முஸ்லிம் சமூகம் அச்சுறுத்தலுக்குள்ளாகியிருந்த காலத்தில், முஸ்லிம் சமூகத்தின் அரசியல் நியாயத்தினை முதன்மைப்படுத்தி மர்ஹும் அஷ்ரப்பினால் உருவாக்கப்பட்ட முஸ்லிம் காங்கிரஸ், ரணிலின் தலைமையை ஏற்றுக் கொள்ளவோ அல்லது ஐக்கிய தேசியக் கட்சிக் கூட்டுக்குள்ளோ செல்லவேயில்லை. அவ்வாறு மர்ஹும் அஷ்ரப்பினால் ஒதுக்கப்பட்ட ஐக்கிய தேசியக் கட்சியின் கூட்டில் ஹக்கீம் சங்கமமாவதால் முஸ்லிம் சமூகம் என்ன நன்மையடையப் போகிறது? என்பதை ஹக்கீம் இதுவரை முஸ்லிம் சமூகத்திற்கு சொல்லாதிருப்பது ஏன் என்பதை முஸ்லிம் மக்கள் அறிந்தே வைத்துள்ளனர்.

முஸ்லிம் சமூகத்திற்கு ஐக்கிய தேசியக் கட்சியினால் நன்மைகளை விட திரைமறைவில் மோசமான கழுத்தறுப்புகள் நடத்தப்பட்டதை இங்கு பட்டியலிடலாம். துயரம் என்னவென்றால் ஹக்கீம் கோடரிக் காம்பாகி இருப்பதுடன் தனது சுயநல அரசியலுக்காக முஸ்லிம்களை கறிவேப்பிலையாக்கிக் கொண்டிருப்பதேயாகும்.

சியோனிசக் கதிரையில் அமர்ந்து கொண்டு முஸ்லிம் அரசியல் பேசிக் கொண்டிருப்பவர்களை இன்று முஸ்லிம்கள் நன்கு இனம் கண்டு வைத்துள்ளனர். வரலாறு இவர்களுக்கு தகுந்த பாடம் புகட்டும் என்பதை இவர்கள் மறந்து விடக்கூடாது.

இத்தாலியின் லெவன்ட் சர்வதேச திரைப்பட விழாவில் சிறந்த நடிகைக்கு கிடைத்த விருதுடன் நடிகை மாலினி பொன்சேகா நேற்று இலங்கை வந்துசேர்ந்தார். அவரை வரவேற்பதற்காக சக நடிக, நடிகையர் பலரும் திரையுலக பிரமுகர்களும் கட்டுநாயக்க விமான நிலையத்தில் கூடியிருந்தனர்.

திரைப்பட இயக்குநர் பிரசன்ன விதான கேயின் ‘ஆகாசகுசும்’ (ஆகாயப் பூக்கள்) திரைப்படத்தில் நடித்தமைக் காகவே மாலினி பொன்சேகா வுக்கு இந்த விருது கிடைத்தது. சர்வதேச திரைப்பட விழாவில் இதே படத்துக்காக சிறந்த நடிகை விருதை மாலினி பெறுவது இது இரண்டாவது தடவையாகும்.