September

மன்னார் அகத்திமுறிப்பு குளத்தை அண்டியுள்ள சுமார் 2000 ஏக்கர் நெற் காணிகளில் பெரும்போக செய்கையை மேற்கொள்ள கமநல சேவைகள் திணைக்களம் நடவடிக்கை எடுத்துள்ளது.

இதற்கமைய நாளை முதலாம் திகதி அருவியாற்றிலிருந்து அகத்தி முறிப்பு குளத்திற்கும், கட்டுக்கரை குளத்திற்கும் நீர் திறந்துவிடப்படவுள்ளது.

வவுனியா, பரயனாளங்குளம் அருவியாற்றின் தேக்கம் அணைக் கட்டிலிருந்து இடதுபக்கமாகச் செல்லும் வாய்க்கால் ஊடாக அருவியாற்றுக்கும்,  அடுத்த கால்வாய் ஊடாக கட்டுக்கரை குளத்திற்கும் நீர் திறந்து விடப்படவுள்ளது. நாளை காலை 10.00 மணியளவில் அணைக்கட்டிலிருந்து நீர் திறந்து விடப்படுவதுடன் கடந்த 20 வருடங்களின் பின்னர் தரிசு நிலங்களாகக் கிடந்த விளைநிலங்களில் செய்கை பண்ணவும் விவசாயிகளுக்கு வசதிகள் செய்யப்பட்டுள்ளன.

யுத்தம் காரணமாக தரிசு நிலங்களாக காடு மண்டிக் கிடக்கும் விளை நிலங்களை துப்புரவு செய்வதற்காக ஏக்கருக்கு 8870 ரூபா வீதம் விவசாயிகளுக்கு வழங்கப்படுவதுடன் நிலத்தை உழுவுவதற்காக ஏக்கருக்கு 4000 ரூபா வீதமும், விதை நெல், உரம் என்பனவும் வழங்கப்படவுமுள்ளன.

அகத்திமுறிப்பு குளத்தை அண்டிய 2000 ஏக்கர் நிலத்தில் சுமார் 1100 விவசாயிகளுக்கு செய்கை பண்ணுவதற்கு முதற்கட்டமாக வசதிகள் செய்யப்பட்டுள்ளன.

அடுத்த கட்டமாக நெற்களஞ்சியம் என்றழைக்கப்படும் மாந்தை மேற்குப் பகுதி விவசாயத்திற்கான அனுமதி வழங்கப்படவுள்ளது எனவும் மன்னார் நீர்ப்பாசன பொறியியலாளர் சிவபாத சுந்தரம் தெரிவித்தார்.

அவுஸ்ரேலியாவுக்குள் பிரவேசிக்கும் சட்டவிரோத குடியேற்றவாசிகள் பொருளாதார நோக்கத்துடனேயே வருவதாக அந்த நாட்டின் எதிர்க்கட்சி தெரிவித்துள்ளது. இவர்கள் அகதிகள் என்ற போர்வையில் அவுஸ்ரேலியாவுக்குள் பிரவேசிக்கின்ற போதிலும், பெரும்பாலானோர் பொருளாதாரத்தை மையமாகக் கொண்டே பிரவேசிப்பதாக எதிர்க்கட்சி நாடாளுமன்ற உறுப்பினரான ‘பானபி ஜோய்சி” தெரிவித்துள்ளார்.

புகலிடம் கோருவோராக நேற்று முன்தினம் 40 பேர் வரை அவுஸ்ரேலியாவுக்குள் பிரவேசித்தமையை அடுத்தே இந்த கருத்து வெளியிடப்பட்டுள்ளது.  அகதிகளாக வருவோரில் பெரும்பாலானோர் மல்டி விட்டமின் போசனை வில்லைகளை எடுத்து வருவதாக தெரிவித்துள்ள ஜோய்சி அவர்கள் மகிழ்ச்சியாகவே காணப்படுவதாக குறிப்பிட்டுள்ளார்.

எனவே, அவுஸ்ரேலியாவுக்குள் சட்டவிரோதமாக வரும் குடியேற்றவாசிகளை கட்டுப்படுத்தும் நோக்கில் தற்போதைய குடிவரவு கொள்கையில் மாற்றங்கள் ஏற்படுத்த வேண்டும் எனவும் அவர் வலியுறுத்தியுள்ளார்.

பாலியல் தேவைகளுக்காக இந்தியாவில் பெண்கள், சிறுவர்கள் கடத்தப்படுவது குறித்து இந்திய பெண்கள் அமைப்பு அக்கறை செலுத்தியுள்ளது.

இந்தியாவின் உத்தரப் பிரதேஷ், குஜராத், ராஜஸ்தான், புதுடில்லி ஆகிய மாநிலங்களிலே பெருமளவான பெண்களும் சிறுவர்களும் கடத்தப்படுகின்றனர்.

இவர்கள் பின்னர் பாலியல் தேவைகளுக்காகவும் தொழிலுக்காகவும் மத்திய கிழக்கு நாடுகளுக்கு அனுப்பி வைக்கப்படுகின்றனர். இந்த வேலையை குறிப்பிட்ட குழுவொன்று செய்து வருகின்றது. நேபாளத் திலிருந்தும் பெண்கள் இந்தியாவுக்குள் அழைத்து வரப்பட்டு பாலியல் தொழில்களுக்காக அனுப்பி வைக்கப்படுகின்றமை தெரியவந்துள்ளது.

இது குறித்து பெண்கள் அமைப்பு அதிக அக்கறை செலுத்தியுள்ளது.

வடபகுதியில் கண்ணிவெடி அகற்றும் பணிகளுக்கென ஐந்து மில்லியன் அமெரிக்க டொலர் பெறுமதியான 10 கண்ணிவெடி அகற்றும் இயந்திரங்களை வழங்க அகதிகளுக்கான ஐ. நா. உயர் ஸ்தானிகராலயம் இணக்கம் தெரிவித்துள்ளது.

வட மாகாணத்திற்கான ஜனாதிபதி செயலணியின் தலைவர் பசில் ராஜபக்ஷவின் வேண்டுகோளின் பேரில் மனித உரிமைகள் மற்றும் அனர்த்த முகாமைத்துவ அமைச்சர் மஹிந்த சமரசிங்க நேற்று (29) அகதிகளுக்கான ஐ. நா. உயர் ஸ்தானிகர் எந்தோனியோ கெட்டஸ¤டன் பேச்சு நடத்தினார்.

இதன் போதே மிதிவெடி அகற்றும் இயந்திரங்களை வழங்க இணக்கம் காணப்பட்டது. ஜெனீ வாவில் நடைபெறும் அகதிகளுக்கான ஐ. நா. உயர் ஸ்தானிகராலயம் நிறை வேற் றுக்குழுக் கூட்டத்தில் இலங்கை சார்பாக அமைச்சர் மஹிந்த சமரசிங்க கலந்து கொண்டு ள்ளார்

யாழ். தேவி ரயில் சேவையை யாழ்ப்பாணம் வரை விஸ்தரிக்கும் வகையில் காங்கேசன் துறை வரையான ரயில் நிலையங்களை மீளமை க்கும் பணிகள் 27 உள்நாட்டு வெளி நாட்டு நிறுவனங்களுக்கு இன்று (30) உத்தியோகபூர்வமாக கையளிக்கப்பட உள்ளதாக போக்குவரத்து அமைச்சு தெரிவித்தது.

யாழ்தேவி ரயில் சேவையை காங்கேசன்துறை வரை விஸ்தரிக்கும் திட்டத்தின் கீழ் இந்த வருட முடிவுக்குள் தாண்டிக்குளத்தில் இருந்து முகமாலை வரையான ரயில் சேவைகள் ஆரம்பிக்கப்பட உள்ளன.

தாண்டிக்குளத்தில் இருந்து காங்கேசன்துறை வரையுள்ள 27 ரயில் நிலையங்களையும் நிர்மாணிக்கும் பொறுப்புகளை 27 உள்நாட்டு வெளிநாட்டு அனுசரணையாளர்கள் பொறுப்பேற்றுள்ளனர்.

மேற்படி ரயில் நிலையங்களை மீளமைக்கும் பணிகள் போக்குவரத்து அமைச்சர் டளஸ் அழகப்பெருமவினால் இன்று (30) உத்தியோகபூர்வமாக கையளிக்கப்பட உள்ளது. இது தொடர்பான வைபவம் இன்று மாலை மேல் மாகாண கலாசார மையத்தில் இடம்பெற உள்ளது.

இலங்கையின் வடக்கே யுத்தச் சூழ்நிலை காரணமாக இடம்பெயர்ந்து, இந்தியாவில் தஞ்சமடைந்திருந்த பின்னர் தாயகம் திரும்பியுள்ள குடும்பங்களைச் சேர்ந்த குழந்தைகளுக்கு இலங்கைக் குடியுரிமை வழங்குவதற்கான நடமாடும் சேவையொன்று திங்களன்று வவுனியாவில் நடைபெற்றது.

ஐக்கியநாடுகளின் அபிவிருத்தி செயற்திட்டத்தின் ”நீதி நியாயத்தை சமமாக அணுகும் கருத்திட்டத்தின்” அனுசரணையோடு, இலங்கை குடிவரவு, குடியகல்வு திணைக்களம் இணைந்து இந்த நடமாடும் சேவையை ஒழுங்கு செய்திருந்தது.

குடியுரிமைப் பத்திரம் மட்டுமல்லாமல் ஏனைய அத்தியாவசிய ஆவணங்களைப் பெற்றுக்கொடுப்பதற்கான நடவடிக்கையும் எடுக்கப்பட்டிருப்பதாக ஐக்கியநாடுகளின் அபிவிருத்தி செயற்திட்டத்தின் ”நீதி நியாயத்தை சமமாக அணுகும் கருத்திட்டத்தின்” வடபிராந்திய இணைப்பதிகாரியான ஹனிபா மொகமட் சியால் கூறுகின்றார்.

பான் பசுபிக் பகிரங்க டென்னிஸ் தொடரின் ஒற்றையர் முதல் சுற்றில் இந்திய வீராங்கனை சானியா மிர்சா அதிர்ச்சி தோல்வியடைந்து வெளியேறினார். ஜப்பான் தலைநகர் டோக்கியோவில் பான் பசுபிக் பகிரங்க டென்னிஸ் தொடர் நடக்கிறது. இதில் நேற்று முன்தினம் நடந்த ஒற்றையர் முதல் சுற்றுப் போட்டியில் இந்தியாவின் சானியா மிர்சா, சீனாவின் ஜீ ஜெங்கை சந்தித்தார். விறுவிறுப்பான போட்டியின் முதல் செட்டை சானியா 7 – 5 என சற்று போராடி கைப்பற்றினார்.

பின்னர் எழுச்சி கண்ட சீன வீராங்கனை இரண்டாவது செட்டை 6 – 2 என தன்வசப்படுத்தி, பதிலடி கொடுத்தார். வெற்றியாளரை நிர்ணயிக்கும் மூன்றாவது சுற்றில் தொடர்ந்து அபாரமாக ஆடிய ஜெங் 6 – 3 என கைப்பற்றினார். இறுதியில் சானியா 7 – 5, 2 – 6, 3 – 6 என்ற செட் கணக்கில் அதிர்ச்சி தோல்வியடைந்து வெளியேறினார்.

மற்ற ஒற்றையர் முதல் சுற்றுப் போட்டியில் ரஷ்யாவின் மரியா ஷரபோவா, நடியா பெட்ரோவா, அவுஸ்திரேலியாவின் சமந்தா ஸ்டோசுர், செக் குடியரசின் இவடா பெனிசோவா, சுலோவேகியாவின் டேனியலா ஹண்டுசோவா, பிரான்சின் மரியன் பர்டோலி உள்ளிட்ட வீராங்கனைகள் வெற்றிபெற்று, இரண்டாவது சுற்றுக்கு தகுதிபெற்றனர்.

ஒற்றையர் இரண்டாவது சுற்றில் உலகின் ‘நம்பர் – 1’ வீராங்கனையான ரஷ்யாவின் டினரா சபினா, சீன தைபேயின் கெய்-சென் சங்கிடம் 6 – 7, 6 – 4, 5 – 7 என்ற செட் கணக்கில் அதிர்ச்சி தோல்வியடைந்து வெளியேறினார்.

கிழக்கு மாகாணத்தில் சுனாமி மற்றும் யுத்தத்தினால் பாதிக்கப்பட்ட சுமார் 48,000 விதவைகளுக்கு நல்வாழ்வளிக்க இந்திய சேவா நிறுவனம் முன்வந்துள்ளதாக இலங்கையின் கிழக்கு மாகாண மகளிர் விவகார அமைச்சர் எம்.எல்.ஏ.எம். ஹிஸ்புல்லாஹ் தெரிவித்துள்ளார்.

இது தொடர்பாக இலங்கைக்கான இந்திய உயர்ஸ்தானிகருடன் மேற்கொண்ட சந்திப்பினைத் தொடர்ந்து மூவர் கொண்ட குழுவினர் கிழக்கு மாகாணத்துக்கு வந்து இது குறித்த ஆய்வினை மேற்கொண்டுள்ளதாகவும் அவர் தெரிவித்துள்ளார். இத்தகைய நடவடிக்கைகளுக்கு இந்தியா, சார்க் பெண்கள் அபிவிருத்தி நிதியம் மூலம் 100 மில்லியன் டாலர்களை ஒதுக்கீடு செய்துள்ளதாகவும், இந்தியாவுக்கு வெளியே இந்த நிதி செலவிடப்படும் நிலையில் கிழக்கு மாகாணமும் இதற்கான கணிசமான நிதியைப் பெற்றுக்கொள்ள முடியும் எனவும் அமைச்சர் ஹிஸ்புல்லா தெரிவித்துள்ளார்.

தென் மாகாண சபைத் தேர்தலுக்கான தபால் மூல வாக்களிப்புகள் நேற்று (29) இடம்பெற்றன. வாக்களிப்புகள் சுமுகமாக இடம்பெற்றதாக மேலதிக தேர்தல் ஆணையாளர் டபிள்யூ.பி. சுமணசிரி தெரிவித்தார்.

இதேவேளை, தபால்மூலம் வாக்களிக்க விண்ணப்பித்து நிராகரிக்கப்பட்டவர்களுக்கு தேர்தல் தினத்தில் வாக்களிக்க முடியும் எனவும் மேலதிக தேர்தல் ஆணையாளர் தெரிவித்தார். தபால் மூல வாக்களிப்பு இன்றும் (30) இடம்பெற உள்ளது. இரு தினங்களிலும் வாக்களிக்க முடியாத தபால் மூல வாக்காளர்களுக்கு இந்த வாரத்திற்குள் வேறொரு தினத்தில் வாக்களிக்க சந்தர்ப்பம் வழங்கப்பட உள்ளது.

கியூபா – அமெரிக்க உறவுகளை கெட்டியான முறையில் வளப்படுத்த அமெரிக்கா வரவேண்டுமென கியூபா வெளிநாட்டமைச்சர் அழைப்பு விடுத்துள்ளார். ஐ.நா. கூட்டத் தொடரில் உரையாற்றிய கியூபா வெளிநாட்ட மைச்சர் ரொட்ரிக் மேலும் கூறியதாவது, அமெரிக்கத் தலைவர்களின் ஐ.நா. உரை கியூபாவுடனான உறவுகளை பல ப்படுத்தும் வகையில் அமையவில்லை என்பது துரதிர்ஷ்டமான விடயம்.

சகல நாடுகளுக்கும் நன்மையளிக்கும் வகையிலான உறவுகளை அமெரிக்கா முன்னெடுக்க வேண்டும். இதற்கு சர்வதேச சமூகம் அவசரமாக பணியாற்ற வேண்டும்.

அமெரிக்கா, கியூபாவிடையே ஐம்பது வருடங்களாக நல்லுறவு இல்லை. கியூபா ஜனாதிபதி பிடல் கெஸ்ட்ரோ ஓய்வுபெற்ற பின்னர் அமெரிக்காவின் அணுகுமுறைகள் மாறத் தொடங்கின. சென்ற ஏப்ரல் மாதம் கியூபா மீதான சில தடைகள் தளர்த்தப்பட்டன. அமெரிக்கர்கள் தடை யின்றி கியூபா சென்றனர்.

செய்மதிச் சேவைகள் உள்ளிட்ட முக்கிய சேவைகள் அமெரிக்க கம்பனிகளால் கியூபா வில் நடத்தப்பட்டன. இது போன்ற நடவடிக்கைகள் இரு நாடுகளிடை யேயும் நல்லுறவுகளை வளப்படுத்த உதவுகின்றன. கியூபா பொருட்கள் சேவைகளை அமெரிக்காவுக்கு ஏற்றுமதி செய்யவுள்ளதாகவும் அந்நாட்டின் வெளிநாட்டமைச்சர் குறிப்பிட்டார்.