15

பெப்ரவரி 14 உலகம் முழுவதும் காதலர் தினத்தைக் கொண்டாட லண்டன் தமிழ் இளைஞர் ஒருவர் தனது தலையில் பெற்றோலை ஊற்றி தற்கொலை செய்ய முயற்சித்து உள்ளார். பிரித்தானிய பிரதமரின் உத்தியோகபூர்வ இல்லத்திற்கு முன்னால் இச்சம்பவம் பெப் 14 பிற்பகல் இடம்பெற்று உள்ளது. பிரித்தானிய பிரதமரின் அலுவலகத்திற்க முன்னால் இலங்கை அரசுக்கு சார்பாக ஏற்பாடு செய்யப்பட்ட போராட்டத்திற்கு அருகேயே தனது நண்பர்களுடன் வந்த இளைஞர் தன்மீது பெற்றோலை ஊற்றி தீக்குளிக்க முயன்றுள்ளார். ஆனால் அவ்விளைஞர் தன்னைப் பற்ற வைக்க முன்னதாகவே பொலிசார் உடனடியாக செயற்பட்டு இன்னுமொரு மனிதத் தீப்பந்து கொழுந்தவிட்டு எரிவதைத் தடுத்து உள்ளனர்.

மற்றுமொரு லண்டன் தமிழ் இளைஞர் முருகதாஸ் ஐக்கிய நாடுகள் சபையின் முன்னால் தீக்குளித்து தன்னை மாய்த்துள்ளார். அவரை கௌரவப்படுத்தும் ஆயிரக்கணக்கான சுவரொட்டிகள் லண்டன் முழுவதும் ஒட்டப்பட மகனைப் பறிகொடுத்த தந்தை சுவிஸ்லாந்தக்குப் பயணமாகிறார். முத்துக்குமாரனுடன் ஆரம்பமான தீக்குளிப்பு இன்று மேற்குலகு நோக்கியும் நகர்ந்துள்ளது. வட இலங்கையின் வன்னிப் பிரதேசத்து மக்களின் அவலங்கள் தமிழ் மக்கள் மத்தியில் பாரிய உணர்வலையை ஏற்படுத்தி உள்ளது. இந்த உணர்வலையை குறுகிய அரசியல் நோக்கங்களுடன் இன உணர்வைத் தூண்டும் வகையில் பிரச்சாரப்படுத்தி அரசியல் லாபம் பெறும் போக்கு ஒன்று இன்று ஏற்பட்டு உள்ளது.

கடந்த இரு வாரங்களில் தீக்குளித்தவர்கள்:
முருகதாசன் (26), சுவிஸ்லாந் – 13 பெப்ரவரி 2009
ராஜா (27), மலேசியா – 08 பெப்ரவரி 2009
ரவிச்சந்திரன் (47), இந்தியா – 07 பெப்ரவரி 2009
முத்துக்குமார் (27), இந்தியா – 29 ஜனவரி 2009

அறியப்பட்ட தீக்குளிப்பு முயற்சிகள்:
பெயர் தெரியவில்லை, தீக்குளிப்புத் தடுக்கப்பட்டது, பிரித்தானியா – 14 பெப்ரவரி 2009
கோசல்ராம், மருத்துவமனையில் அனுமதிக்கப்பட்டார், இந்தியா – 10 பெப்ரவரி 2009
ராஜசேகரன், பொலிசாரால் கைது செய்யப்பட்டார், இந்தியா – 01 பெப்ரவரி 2009
தீனதயாளன், இந்தியா – 01 பெப்ரவரி 2009

வன்னி மக்கள் எதிர்நோக்குகின்ற அவலத்தை நிறுத்துவதற்கு எந்த வகையிலும் பயனளிக்காத வெறும் பரபரப்பை ஏற்படுத்தும் ஒரு செயலாகவே இந்த தீக்குளிப்புகள் அமைந்து உள்ளது. தீக்குளித்த இளைஞர்கள் ஒவ்வொருவரும் வன்னி மக்கள் மீதான தங்கள் உணர்வுகளை எழுதி வைத்து அம்மக்கள் காப்பாற்றப்பட வேண்டும் என்ற நோக்கில் தங்களை அழித்து உள்ளனர். அவர்களுடைய ஆழமான சமூகப்பற்று மதிக்கப்பட வேண்டும். ஆனால் அவ்வாறு ஆழ்ந்த சமூகப்பற்று உடையவர்கள் தங்களைத் தாங்களே அழித்துக் கொள்வதன் மூலம் அவர்களால் எதனையும் சாதித்து விடமுடிவதில்லை என்ற உண்மையை அவர்கள் உணர்வதில்லை. அவர்களது அழிவில் குறுகிய அரசியல் லாபம் தேடுபவர்களும் அந்த உண்மையைச் சொல்ல முன்வருவதில்லை.

வன்னி மக்களின் படுகொலையைக் கண்டித்து தங்களது இன்னுயிரைக் கருக்கியவர்களின் தன்னலமற்ற பிறர் நலன் சிந்திக்கும் எண்ணம் மகத்தானது.  அவர்களது குடும்பத்தினருக்கு ஆறுதல் அளிக்க  வார்த்தைகள் இல்லை.

ஆனால் இவ்வாறான சம்பவங்களை ஒருபோதும் ஊக்குவிக்க முடியாது. இவ்வாறான உணர்ச்சி வசப்பட்டு எடுக்கும் தீக்குளிப்புச் செய்ல்கள் தடுக்கப்பட வேண்டும். ஒவ்வொரு உயிரும் மகத்தானது. இவ்வாறான அநியாய இழப்புகள் உடன் நிறுத்தப்பட வேண்டும். ஈழத் தமிழர்கள் கொல்லப்படுவதை அனைவரும் கண்டிக்க வேண்டும். அதற்கான எதிர்ப்பு நடவடிக்கைகளில் தீவிரமாக செயற்படவும் வேண்டும். ஆனால் அதற்காக தங்களைத் தாங்களே அழிப்பது இப்பிரச்சினைக்கு தீர்வாகாது.

இந்த நல்ல உள்ளங்கள் நீண்டகாலம் உயிர்வாழ்ந்திருந்தால் தமிழ் சமூகத்திற்கு மட்டுமல்ல மனிதகுலத்திற்கு நல்ல பல காரியங்களைச் செய்திருக்கலாம். அவர்கள் இவ்வாறு தங்களை அழித்துக் கொள்வதை எக்காரணம் கொண்டும் ஊக்குவிக்க முடியாது.

1983க்களில் இனக்கலவரத்தைத் தொடர்ந்து தமிழ்நாடு கொந்தளித்து இவ்வாறான பல தீக்குளிப்புச் சம்பவங்கள் இடம்பெற்றது. அதனால் தமிழ் சமூகம் எவ்வித நன்மையும் அடையவில்லை. இறுதியில் தமிழர்களை இந்திய அரசு தனது நலன்களுக்காகப் பயன்படுத்திக் கொண்டது.  நல்லுள்ளங்களின் இந்த செயல்கள்  குறுகிய அரசியல் நோக்கங்களுக்கே பயன்படும்.

இன்று ஈழத்தமிழர்கள் அவலத்திற்கு உள்ளாகின்றனர் என்பதன் அடிப்படையில் வெறும் இனவாதம் கக்கப்படுகிறது. இதனால்  இந்த இளைஞர்கள் அப்பாவி உணர்வாளர்கள் தூண்டப்பட்டு குற்ற உணர்வுக்கு உள்ளாகி தீக்குளிப்பு என்ற விபரீத முடிவுக்கு தள்ளப்படுகிறார்கள். குறுகிய நோக்கங்களுடன் இவ்வாறான தீக்குளிப்புச் சம்பவங்களை ஊக்கப்படுத்துவதும் அதனை போற்றுவதும் மிகப்பெரும் தவறு. ஒரு மனித அவலத்தை கண்டிக்க இன்னொரு மனித அவலத்தை ஏற்படுத்துவது தவிர்க்கப்பட வேண்டும்.

மாறி மாறிப் பதவிக்கு வந்த பேரினவாத அரசியல் தலைமைகள் தங்கள் வாக்கு வங்கிகளை மட்டுமே கருத்திற் கொண்டு இனவாதத்தை ஊட்டி வளர்த்தனர். சிறுபான்மையினங்களை எதிரிகளாக்கி அந்த இனவாதத் தீயில் தங்கள் அரசியலை செயற்படுத்தினர். இதற்கு பதிலாக எழுந்த தமிழ் அரசியல் தலைமைகளும் தங்களது வாக்கு வங்கியை நிரப்புவதற்காக தாங்களும் இனவாதத்தைக் கக்கினர். ஆயினும் காலத்திற்குக் காலம் சிங்கள இனவாதத் தலைமைகளுடன் – சிங்கள அதிகார வர்க்கத்துடன் சமரசம் செய்து கொண்டு தங்களது சந்தர்ப்பவாத அரசியலை நடாத்தினர். ஆயினும் இரு பக்கத்து மக்களும் இனவாதத்தினால் தூண்டப்பட்டு பரம எதிரிகளாகி உள்ளனர்.

இரு பங்கங்களிலுமுள்ள குறும் தேசிய இனவாதத் தலைமைகளின் செயற்பாடுகளுக்கு இலங்கையின் ஒட்டு மொத்த மக்களும் இன்று மிகுந்த விலையைச் செலுத்துகின்றனர். விடுதலைப் புலிகள் மீதான இராணுவ வெற்றியானது தமிழினத்தின் மீதான வெற்றியாக மகிந்த ராஜபக்ச குடும்ப அரசியலால் கற்பிதப்படுத்தப்பட்டு உள்ளது. தமிழ் மகனுக்கும் சிங்கள மகனுக்கும் முஸ்லிம் மகனுக்கும் மலையக மகனுக்கும் உள்ள பொதுப் பிரச்சினைகளை எல்லாம் புறம்தள்ளி இனவாதத்தினால் அவர்களைக் கூறுபோட்டு சகல இன மக்களையும் ஆளும் அதிகார வர்க்கங்கள் பலவீனப்படுத்தி உள்ளது.

ஒடுக்கப்பட்ட மக்களுக்கு தலைமை தாங்க முற்பட்டவர்களும் தங்களது சுயநல அரசியலுக்கு அப்பால் அதிகார வேட்கையுடன் செயற்பட்டனரே அல்லாமல் ஒடுக்குமுறைக்கு எதிரான ஒன்றுபட்ட போராட்டம் ஒன்றை மேற்கொள்ள இயலவில்லை. அன்றைய தமிழ் மிதவாதிகளை சந்தர்ப்ப வாதிகள் என்று கூறி ஒதுக்கி அவர்களது உண்ணாவிரதப் போராட்டங்களில் உணவூட்டி குழப்பம் விளைவித்ததும் பின்னர் எண்பதுக்களில் இத்தலைமைகள் கொன்றொழிக்கப்பட்டதும் வரலாறு.

போராட்டத்தை தமது கைகளில் எடுத்த இளைஞர்களிடமும் வேகம் இருந்த அளவுக்கு விவேகம் இருக்கவில்லை. அதிகாரத்துக்கான வேட்கையில் தங்களுக்கு உள்ளேயே மோதி அழிந்து கொண்டனர். எஞ்சிய ஏனைய இயக்கங்களையும் உறுப்பினர்களையும் அழித்து விடுதலைப் புலிகள் தமிழ் மக்களின் அதிகாரத்தலைமை ஆயினர். தமிழர் விடுதலைக் கூட்டணி துப்பாக்கி ஏந்தாத புலிகள் என்றால் புலிகள் துப்பாக்கி ஏந்திய கூட்டணியினர். இவ்விரு அமைப்புகளினதும் அரசியலில் எவ்வித மாற்றமும் இல்லை. மூன்று தசாப்தங்களுக்கு முன்பாக அன்று கூட்டணித் தலைமைகள் மேடை போட்டு இனவாதத்தை முழங்கினர். இன்று புலத்தில் உள்ள பெருமக்கள் ஐபிசி போன்ற வானொலிகளிலும் இணையங்களிலும் இனவாதத்தை கக்குகின்றனர்.

அன்று உணர்வலைகளால் தூண்டப்பட்ட தமிழ் இளைஞர்கள் தங்கள் கைகளை பிளேட்டினால் கீறி அந்தத் தலைவர்களுக்கு இரத்தத் திலகம் இட்டனர். இன்று இளைஞர்கள் பல படிகள் தாண்டிச் சென்று தங்களையே தீப்பந்தங்களாக்கி உள்ளனர்.

போராட்டம் மனித வாழ்வை மேம்படுத்துவதற்காகவே அமைய வேண்டும். தமிழ் மக்களின் போராட்டத் தலைமைகளின் குறுகிய அரசியல் நோக்கங்களால் தமிழ் மக்களின் வாழ்க்கையே போராட்டமாகி தமிழ் மக்களின் வாழ்நிலை மிக மோசமாகி உள்ளது. இன்று உணர்ச்சி வசப்பட்டு தங்களைத் தீப்பந்தங்களாக்கியவர்கள் மீண்டும் உயிருடன் வந்து கேள்வி கேட்க மாட்டார்கள். ஆனால் மக்கள் நிதானமாக சிந்திக்கும் போது கேள்விகள் எழும். அப்போது குறும்தேசிய கூட்டணித் தலைமைகளை மக்கள் எவ்வாறு ஓரம்கட்டினரோ அவ்வாறே இன்றைய தலைமைகளும் ஓரம்கட்டப்படுவது தவிர்க்க முடியாது.

தமிழ் சமூகத்தின் மத்தியில் தற்கொலைக் கலாச்சாரம் பற்றிய ஆய்வுகள் மிகவும் அவசியமாகி உள்ளது. பொதுவாகவே கல்வி, காதல், மணவாழ்வு நெருக்கடிகள் ஏற்படும் போது தற்கொலை செய்து கொள்கின்ற நிகழ்வுகள் விடுதலைப் போராட்டத்திற்கு முன்னரேயே இருந்துள்ளது. அதன் பின்னரும் தங்களது நெருக்கடிகளில் இருந்து தப்புவதற்கான ஒரு வழிகோலாகவும் இந்தத் தற்கொலைகள் அமைந்து இருந்தது. 2004 சுனாமி நிகழ்வின் பின்னர் தமது அன்புக்குரியவர்களை இழந்தவர்கள் மன அழுத்தத்திற்கு உள்ளாகியதும் அவர்கள் தற்கொலைக்கு முயற்சித்த சம்பவங்களும் தற்கொலை செய்து கொண்ட நிகழ்வுகளும் பெருமளவில் இடம்பெற்றது.

இவற்றுக்கு அப்பால் விடுதலைப் புலிகள் தற்கொலைக் கலாச்சாரம் ஒன்றைக் கட்டமைத்து உள்ளனர். இவற்றின் சரி பிழைகளை விவாதிப்பது இக்கட்டுரையின் நோக்கமல்ல. ஆனால் விடுதலைப் புலிகளின் இந்தத் தற்கொலைக் கலாச்சாரம் சமூகத்தில் ஏற்படுத்தகின்ற தாக்கம் பற்றிய ஆய்வுகள் கல்வியியலாளர்களால் மேற்கொள்ளப்படுவது மிகவும் அவசியம்.

ஈழத் தமிழர்கள் புலம்பெயர்ந்து வாழ்கின்ற நாடுகளிலும் தற்கொலைகள் பொதுவான விடயமாகவே உள்ளது. குறிப்பாக நடுத்தர வயது இளைஞர்களே கூடுதலாகத் தற்கொலை செய்து கொண்டுள்ளனர். அதற்கான காரணங்கள் பல்வகைப்பட்டாலும் தனிமை, அரசியல் தஞ்சம் நிராகரிக்கப்பட்டு கேள்விக்குறியான எதிர்காலம், குடும்பப் பிணக்குகள் என்பன முக்கிய காரணமாகின்றது. இப்பிரச்சினைகளில் இருந்து வெளியேறுவதற்கு தற்கொலையை ஒரு வழியாகக் கொள்கின்றனர்.

தற்போதைய ஆய்வாளர்கள் தற்கொலையைத் தூண்டுகின்ற பரம்பரையியல் கூறுகள் சிலரில் சில சமூகத்தவரில் செயலூக்கம் பெற்றிருப்பதான முடிவுகளுக்கும் வந்துள்ளனர்.

குறிப்பாக இலங்கையும் தற்கொலை வீதம் அதிகமுள்ள ஒரு நாடக உள்ளது. தமிழ் சமூகத்தில் தற்கொலை வீதம் பற்றிய சரியான ஆய்வுகள் பதிவுள் இல்லை. இவை பற்றிய ஆய்வுகள் மிகவும் அவசியமானது.

தற்போதைய தீக்குளிப்புகள் ஒரு அரசியல் நோக்கமுடையவை. ஆயினும் இவை ஒரு கொப்பிகற் முறையில் பிரதி செய்யப்பட்டு அடுத்தடுத்து நிகழ்ந்துள்ளது. இந்த தீக்குளிப்புகளை பெருமிதப்படுத்துவதும் கௌரவிப்பதும் இவ்வகையான செயற்பாடுகளைத் தூண்டுவதாகவே அமைகின்றது. அதனாலேயே இந்த கொப்பிக்கற் தீக்குளிப்புகள் அடுத்தடுத்து நிகழ்ந்துள்ளது. மறத் தமிழன், வீரத்தமிழன் போன்ற பதங்களைச் சூட்டி மாயையான ஒரு கௌரவத்தை ஏற்படுத்துவதன் மூலம் இலகுவான மனநிலையுடையவர்களை ஆபத்திற்குள் தள்ளுகின்றது. ஏற்கனவே மனஅழுத்தங்களுக்கு உள்ளான ஒருவர் இவ்வாறான இன உணர்வுத் தூண்டுதல்களாலும் தற்கொலை என்பது கௌரவமான விடயமாகப் பார்க்கப்படுவதாலும் அந்த வழியை நோக்கித் தூண்டப்படுகிறார். ஒரு தெளிவான மனநிலையில் உள்ள ஒருவர் தற்கொலை செய்துகொள்வதாக எந்த மருத்துவ ஆய்வும் தெரிவிக்கவில்லை.

இவ்வாறான தீக்குளிப்பு போன்ற தற்கொலைகள் தமிழ் மக்களது அரசியல் போக்கில் எவ்வித மாறுதலையும் ஏற்படுத்தாது. இவ்வாறான உயிரிழப்புகள் அர்த்தமற்றவை. பயனற்றவை. வீணாணது. இது தமிழ் சமூகம் எதிர்கொள்ள வேண்டிய சமூகநோய். தமிழ் சமூகத்தின் ஆழ்மனதில் உள்ள ஆரவாரமற்ற அழுகை. இதற்கு முற்றுப்புள்ளி வைக்கப்பட வேண்டும்.

நேற்று (14) நடைபெற்றுமுடிந்த மத்திய வடமேல் மாகாணசபைத் தேர்தலில் இதுவரை வெளிவந்த முடிவுகளின்படி ஐக்கிய மக்கள் சுதந்திர முன்னணி அமோக வெற்றிபெற்றுள்ளது. கடந்த மாகாணசபைத் தேர்தல் (2004) மற்றும் ஜனாதிபதித் தேர்தல் (2005) பாராளுமன்ற பொதுத் தேர்தல் (2004) ஆகியவற்றுள் ஒப்புநோக்கும்போது ஐக்கிய மக்கள் சுதந்திர முன்னணி அனைத்துத் தேர்தல் தொகுதிகளிலும்.அனைத்து மாவட்டங்களிலும்,  மாகாணங்களிலும் அதிகமான வாக்குகளைப் பெற்றுள்ளதை அவதானிக்க முடிகின்றது.

மத்திய மாகாணத்தில் மாத்தளை, கண்டி,  நுவரெலியா மூன்று மாவட்டங்களிலும் ஐக்கிய மக்கள் சுதந்திர முன்னணியே வெற்றியீட்டியுள்ளது. மத்திய மாகாணத்தில் 56 ஆசனங்களின் 34 ஆசனங்களை ஐக்கிய மக்கள் சுதந்திர முன்னணி பெற்றுள்ளது. போனஸ் ஆசனங்களையும் சேர்த்து மத்திய மாகாணசபையில் ஐக்கிய மக்கள் சுதந்திர முன்னணியின் அங்கத்தவர் எண்ணிக்கை 36 ஆகும். ஐக்கிய தேசியக்கட்சி 22 ஆசனங்களை வென்றுள்ளது. ஜே.வி.பி. எந்தவொரு ஆசனத்தையும் வெல்லவில்லை.

மத்திய மாகாணத்தில் கண்டி மாவட்டத்தில் கண்டி தேர்தல் தொகுதியில் நுவரெலியா மாவட்டத்தில் நுவரெலியா மஸ்கெலிய தேர்தல் தொகுதியிலும் மாத்திரமே ஐக்கிய தேசியக்கட்சி வெற்றிபெற்றுள்ளது.

Central Province   Council Result 
 
United People’s Freedom Alliance        650203         59.53%           36*  Including Two Bonus Seats
United National Party           422125         38.65%                    22
People’s Liberation Front            15416         1.41%         
United Socialist Party             1234            0.11% 0
Jathika Sangwardena Peramuna         964             0.09%
Eksath Lanka Podujana Pakshaya          533           0.05%
Ruhunu Janatha Party          468              0.04%
United National Alliance         346            0.03%  
Left Front        178            0.02%
Eksath Lanka Maha Sabha           168             0.02% 
National Peoples Party       132         0.01% 
Sinhalaye Mahasammatha Bhoomiputra Pakshaya        130       0.01% 
Socialist Equality Party       98         0.01% 
Patriotic National Front       87         0.01%
Sri Lanka Progressive Front   66                0.01%  
the liberal party       17        0.00% 
* 
Valid         1092165 #        93.56%
Rejected   75171         6.44%
Polled       1167336    0.00%
Electors   1746449 
 
வடமத்திய மாகாணத்தின் குருநாகல் மாவட்டத்தில் ஐக்கிய மக்கள் சுதந்திர முன்னணி அமோக வெற்றியீட்டியுள்ளது. ஐக்கிய மக்கள் சுதந்திர முன்னணி 24 ஆசனங்களையும், ஐக்கிய தேசியக் கட்சி 9 ஆசனங்களையும்,  ஜே.வி.பி. 1 ஆசனத்தையும் வென்றுள்ளது.

புத்தளம் மாவட்டத்தில் புத்தளம் தேர்தல் தொகுதி முடிவு இதுவரை வெளிவரவில்லை. புத்தளம் மாவட்டத்தில் ஆனமடுவ, நாத்தான்டிய, சிலாபம், வென்னப்புவ ஆகிய நான்கு தொகுதிகளிலும் ஐக்கிய மக்கள் சுதந்திர முன்னணியே வெற்றியீட்டியுள்ளது. 

மாத்தளை மாவட்டம்

தம்புள்ளை தேர்தல் தொகுதி

United People’s Freedom Alliance    49785          75.00%
United National Party       14668           22.10%
People’s Liberation Front        1568             2.36%

லக்கல தேர்தல் தொகுதி

United People’s Freedom Alliance        27169            71.30% 
United National Party         9912            26.01%
People’s Liberation Front       759              1.99%

மாத்தளை தேர்தல் தொகுதி

 United People’s Freedom Alliance        25759            61.84%
 United National Party         14789            35.51%
 People’s Liberation Front           740           1.78%

ரத்தொட தேர்தல் தொகுதி

United People’s Freedom Alliance          30826            65.19%
United National Party             15139            32.01%
People’s Liberation Front             808              1.71%

மாத்தளை மாவட்ட இறுதிப் பெறுபேறு

United People’s Freedom Alliance          140295         69.48%           Seats    07
United National Party                                56009          27.74%           Seats   03
People’s Liberation Front                           4084            2.02%                             0

Valid           201,911       92.45%
Rejected       16,495        7.55%
Polled         218,406      0.00%
Electors     409,308

கண்டி மாவட்டம்

கலகெதர தேர்தல் தொகுதி

United People’s Freedom Alliance     21646     66.13%
United National Party     10446     31.91%
People’s Liberation Front      548       1.67%

ஹரிஸ்பதுவ தேர்தல் தொகுதி

United People’s Freedom Alliance       53858    58.87%
United National Party       35928     39.27%
People’s Liberation Front        1402      1.53%

பாத்தும்பர தேர்தல் தொகுதி

United People’s Freedom Alliance       26629     56.14%
United National Party        20309      42.81%
People’s Liberation Front       333       0.70%

உடுதும்பர தேர்தல் தொகுதி

United People’s Freedom Alliance       22911     68.81%
United National Party          9906       29.75%
People’s Liberation Front       398       1.20%

தெல்தெனிய தேர்தல் தொகுதி

United People’s Freedom Alliance          17881     62.97%
United National Party          9997      35.21%
People’s Liberation Front       351      1.24%

குண்டசால தேர்தல் தொகுதி

United People’s Freedom Alliance          32964      60.99%
United National Party          20078      37.15%
People’s Liberation Front         870      1.61%

ஹேவாஹெட தேர்தல் தொகுதி

United People’s Freedom Alliance        22752     57.02%
United National Party          16523     41.41%
People’s Liberation Front         469        1.18%

செங்கடகல தேர்தல் தொகுதி

United People’s Freedom Alliance          24125     54.04%
United National Party          19507       43.70%
People’s Liberation Front         760       1.70%

கண்டி தேர்தல் தொகுதி

United National Party              12146     53.12%
United People’s Freedom Alliance   10243      44.80%
People’s Liberation Front             355      1.55%

யடிநுவர தேர்தல் தொகுதி

United People’s Freedom Alliance       28967     59.95%
United National Party       18654      38.61%
People’s Liberation Front       591       1.22%

உடுநுவர தேர்தல் தொகுதி

United People’s Freedom Alliance      27269     57.09%
United National Party        19708      41.26%
People’s Liberation Front        652       1.37%

கம்பளை தேர்தல் தொகுதி

United People’s Freedom Alliance      29628     53.91%
United National Party       24745      45.02%
People’s Liberation Front       410      0.75%

நாவலப்பிட்டிய தேர்தல் தொகுதி

United People’s Freedom Alliance       32016     65.07%
United National Party         16126      32.78%
People’s Liberation Front        813       1.65% 

கண்டி மாவட்ட இறுதிப் பெறுபேறு

United People’s Freedom Alliance           363490           59.41%        Seats 18
United National Party                                   237827           38.87%        Seats 12
People’s Liberation Front                                 8293              1.36%                       0

Valid     611,788      95.05%
Rejected     31,829     4.95%
Polled      643,617      0.00%
Electors       409,308

நுவரெலியா மாவட்டம்

நுவரெலியா மஸ்கெலிய தேர்தல் தொகுதி

United National Party          79153      51.57%
 United People’s Freedom Alliance         69323       45.17%
 Independent Group 10           1640       1.07%

கொத்மல தேர்தல் தொகுதி

United People’s Freedom Alliance              24789     56.35%
United National Party              17933      40.77%
People’s Liberation Front                 656        1.49% 

ஹங்குராங்கத தேர்தல் தொகுதி

United People’s Freedom Alliance             24639    63.26%
United National Party                13740     35.28%
People’s Liberation Front          374        0.96%

வலபென தேர்தல் தொகுதி

United People’s Freedom Alliance              23972     57.98%
United National Party           16260      39.33%
People’s Liberation Front             457      1.11%

நுவரெலியா மாவட்ட இறுதிப் பெறுபேறு

United People’s Freedom Alliance   146418       51.77%        Seats 9
United National Party                       128289       45.36%       Seats 7
People’s Liberation Front  3039        1.07%                                          0

Valid    282,819      91.33%
Rejected     26,847       8.67%
Polled    309,666      0.00%
Electors     409,308

வடமேல் மாகாணம்
குருநாகல் மாவட்டம்

கல்கமுவ தேர்தல் தொகுதி

United People’s Freedom Alliance   40531     75.77%
United National Party           11431      21.37%
People’s Liberation Front            1417        2.65%
 
நிகவரட்டிய தேர்தல் தொகுதி

United People’s Freedom Alliance    35663     72.29%
United National Party             12309     24.95%
People’s Liberation Front            1232        2.50%

யாப்பஹ{வ தேர்தல் தொகுதி

United People’s Freedom Alliance    41915      73.96%
United National Party    12623      22.27%
People’s Liberation Front    1954     3.45%

ஹிரியால தேர்தல் தொகுதி

United People’s Freedom Alliance  36154     73.95%
United National Party     11806     24.15%
People’s Liberation Front    808     1.65%

வாரியபொல தேர்தல் தொகுதி

United People’s Freedom Alliance  31462    76.96%
United National Party      8481     20.75%
People’s Liberation Front    856      2.09%

பன்டுவஸ்நுவர தேர்தல் தொகுதி

United People’s Freedom Alliance    28235     68.20%
United National Party         12408     29.97%
People’s Liberation Front          652       1.57%

பிங்கிரிய தேர்தல் தொகுத

United People’s Freedom Alliance    31695    68.46%
United National Party     13910    30.05%
People’s Liberation Front    569     1.23%

கட்டுகம்பளை தேர்தல் தொகுதி

United People’s Freedom Alliance       36064     67.21%
United National Party      16290      30.36%
People’s Liberation Front    1146      2.14%

குளுயாபிடிய தேர்தல் தொகுதி

United People’s Freedom Alliance      38751     60.56%
United National Party           18459      31.71%
People’s Liberation Front         865        1.49%

தம்பதெனிய தேர்தல் தொகுதி

United People’s Freedom Alliance      39844      70.71%
United National Party      15195      26.97%
People’s Liberation Front    1179      2.09%

பொல்கஹவல தேர்தல் தொகுதி

United People’s Freedom Alliance         29710     69.33%
United National Party       11429     26.67%
People’s Liberation Front    1372      3.20%

குருநாகல தேர்தல் தொகுதி

United People’s Freedom Alliance      29974     64.46%
United National Party             15058      32.38%
People’s Liberation Front          1317        2.83%

மாவத்துகம தேர்தல் தொகுதி

United People’s Freedom Alliance            31950    64.99%
United National Party         16061      32.67%
People’s Liberation Front         950      1.93%

தொடங்கஸ்லந்த தேர்தல் தொகுதி

United People’s Freedom Alliance    23608    61.79%
United National Party       13340     34.92%
People’s Liberation Front     1133       2.97%

குருநாகல் மாவட்ட இறுதிப் பெறுபேறு

United People’s Freedom Alliance             497366        70.13%      Seats  24
United National Party                                 193548        27.29%       Seats    9
People’s Liberation Front                             16084          2.27%                       1

Valid    709,186 96.38%
Rejected    26,660 3.62%
Polled    735,846 0.00%
Electors    1,171,881

புத்தளம் மாவட்டம்

புத்தளம் தேர்தல் தொகுதி

புத்தளம் தொகுதியில் அமைக்கப்பட்ட நாயக்கர்சேனை தமிழ் வித்தியாலயத்தில் இடம்பெற்ற வாக்கு மோசடிகளை அடுத்து குறித்த தொகுதிக்கான தேர்தலினை தேர்தல்கள் செயலகம் இரத்துச் செய்துள்ளது.

ஆனமடுவ தேர்தல் தொகுதி

United People’s Freedom Alliance    39996     79.12%
United National Party         9236      18.27%
People’s Liberation Front   1117     2.21%

சிலாபம் தேர்தல் தொகுதி

United People’s Freedom Alliance      39789     70.13%
United National Party      15647      27.58%
People’s Liberation Front     965        1.70%

நாத்தான்டிய தேர்தல் தொகுதி

United People’s Freedom Alliance    29367      68.53%
United National Party  12315      28.74%
People’s Liberation Front  923       2.15%

வென்னப்புவ தேர்தல் தொகுதி

United People’s Freedom Alliance  32186       65.05%
United National Party  16092         32.52%
People’s Liberation Front  908         1.84%

புத்தளம் மாவட்ட இறுதிப் பெறுபேறு

புத்தளம் நாயக்கர் வித்தியாலய தேர்தல் தொகுதி மறு வாக்குப் பதிவுக்குட்படுத்தப்படும் – தயானந்த திஸ்ஸாநாயக்க

வடமேல் மாகாண புத்தளம் தொகுதியில் அமைக்கப்பட்ட நாயக்கர்சேனை தமிழ் வித்தியாலயத்தில் இடம்பெற்ற வாக்கு மோசடிகளை அடுத்து குறித்த தொகுதிக்கான தேர்தலினை தேர்தல்கள் செயலகம் இரத்துச் செய்துள்ளது. புத்தளம் மாவட்ட தேர்தல் தெரிவத்தாட்சி அலுவலர் செய்த முறைப்பாட்டின் அடிப்படையில் அதனை இரத்துச் செய்திருப்பதாக தேர்தல்கள் ஆணையாளர் நாயகம் தயானந்த திஸ்ஸாநாயக்க தெரிவித்துள்ளார். இந்தத் தொகுதிக்கான மறு வாக்குப் பதிவு நடவடிக்கை தொடர்பான விபரம் பின்னர் அறிவிக்கப்படும் என அவர் குறிப்பிட்டுள்ளார்.

வடக்கில் படையினரால் கைப்பற்றப்பட்ட பிரதேசங்களின் பாதுகாப்பினை உறுதி செய்வதற்கு 20 புதிய பொலிஸ் நிலையங்களை அமைப்பதற்கு திட்டமிட்டுள்ளதாக வவுனியா மாவட்டத்திற்கு பொறுப்பான பிரதி பொலிஸ்மா அதிபர் நந்தன முனசிங்க தெரிவித்துள்ளார்.

வவுனியா ஓமந்தை முதல் ஆணையிறவு வரையான பிரதேசங்களில் இந்த புதிய பொலிஸ் நிலையங்கள் அமையவுள்ளதாகவும் கிழக்கு வன்னி என்ற பெயரில் பிரதான பொலிஸ் தொழில்பாட்டுப் பிரிவொன்றை அமைக்க தீர்மானித்துள்ளதாக தெரிவித்துள்ளார். இதற்கு பொறுப்பாக பிரதிப் பொலிஸ்மா அதிபர் தீபால் தல்பதாதுவை நியமிக்க ஆலோசித்துள்ளதாக குறிப்பிட்டுள்ளார்.

இலங்கை யில் ராணுவத்துக்கும் புலிகளுக்கும் இடையே நடந்து வரும் போர், தற்போது இறுதிக்கட்டத்தை எட்டியுள்ளது. இந்நிலையில், விடுதலைப்புலிகள் தமிழகத்துக்குள் ஊடுருவக் கூடும் என்றும், தமிழகத்தில் இருந்து பல்வேறு வகையான பொருட்கள் இலங்கைக்கு கடத்தப்படலாம் என்றும் உளவுத்துறைக்கு தகவல்கள் வந்துள்ளன. இதையடுத்து, தமிழக கடலோர பகுதிகளில் பாதுகாப்பு பலப்படுத்தப்பட்டுள்ளது.

சேதுபாவாசத்திரம், புதுக்கோட்டை மாவட்டம் திருப்புனவாசல், கன்னியாகுமாரி, ராமநாதபுரம் மாவட்டம் தேவிபட்டினம், மண்டபம் உள்பட 12 இடங்களில் கடலோர காவல் நிலையங்கள் அமைக்கப்பட்டுள்ளன. இந்த இடங்களில் தமிழக கடலோர காவல்படை எஸ்.பி. பாஸ்கரன் சமீபத்தில் ஆய்வு செய்தார்.கண்காணிப்பு பணிக்காக 15 க்யூ பிராஞ்ச் போலீசாரும் நியமிக்கப்பட்டுள்ளனர்.

இவர்கள், க்யூ பிராஞ்ச் இன்ஸ்பெக்டர் தியாகராஜன் தலைமையில் ராமேஸ்வரம், பாம்பன், மண்டபம், வேதாளை, புதுமடம், கீழக்கரை, தேவிபட்டினம் ஆகிய பகுதிகளில் வாரம் ஒருமுறை சுழற்சி முறையில் கடலோரப்பகுதிகளில் தீவிர சோதனையில் ஈடுபட்டு வருகின்றனர். கடலோரப் பகுதிகளுக்கு செல்லும் வாகனங்களை கஸ்டம்ஸ் அதிகாரிகளும் சோதனை நடத்தி வருகின்றனர்.

ஊவா வெல்லஸ்ஸ பல்கலைக்கழத்தின் கல்வியாண்டு 2008/2009 மாணவர் அனுமதிக்கான தகுதிகாண் பரீட்சைக்கு விண்ணப்பங்கள் கோரப்பட்டுள்ளன. இலங்கைப் பல்கலைக் கழங்களில் 2008/2009 கல்வியாண்டில் பட்டப்படிப்பை மேற்கொள்வது தொடர்பில் பல்கலைக்கழக மானிய ஆணைக்குழு வெளியிட்ட கையேட்டில் 3.2 பிரிவில் குறிப்பிடப்பட்டுள்ள குறைந்தபட்ச அனுமதித்தகுதி கொண்டவர்கள் இத்தகுதிகாண் பரீட்சைக்கு விண்ணப்பிக்கலாம்.
ஊவா வெல்லஸ்ஸ பல்கலைக்கழகத்தில் விஞ்ஞானமும் தொழில்நுட்பமும் தொழில் முயற்சியும் முகாமைத்துவமும் கணினி விஞ்ஞானமும் தொழில்நுட்பமும், விலங்கு விஞ்ஞானமும் ஏற்றுமதி விவசாயம், தேயிலை தொழில்நுட்பமும் பெறுமதி சேர்ப்பும், கைத்தொழில் தகவல் தொழில்நுட்பம், நீர்வாழ் வளங்கள் தொழில்நுட்பம், விருந்தோம்பல் சுற்றுலா மற்றும் நிகழ்ச்சிகள் முகாமைத்துவம், கனியப்பொருள் வளங்களும் தொழில்நுட்பமும் பனை இனத்தாவரம் மற்றும் இறப்பர் பால்தொழில்நுட்பமும் பெறுமதி சேர்ப்பும் ஆகிய துறைகளில் பட்டப்படிப்பை மேற்கொள்வதற்காகவே இத்தகுதிகாண் பரீட்சை விண்ணப்பங்கள் கோரப்பட்டுள்ளன.

விண்ணப்பப்படிவம் மற்றும் தகுதிகாண் பரீட்சைத் திகதி போன்றவை இணையத்தளத்தில் பெற்றுக்கொள்ளமுடியும். விண்ணப்பதாரிகள் ஏ4 தாளின் ஒரு பக்கத்தில் மட்டும் தயார் செய்யப்பட்ட விண்ணப்பப்படிவங்களுடன் ஊவா வெல்லஸ்ஸ பல்கலைக்கழகத்தின் இலங்கை வங்கி பதுளை கிளையின் கணக்கு இலக்கம் 3114820 இற்கு 250 ரூபாவை வைப்புச்செய்த காசோலையையும் இணைத்து அனுப்பவேண்டும்.

இத்தகுதிகாண் பரீட்சையில் தகுதி காண்பதற்கான வினாத்தாள் மற்றும் தெரிவு செய்யப்பட்ட பாடநெறி தொடர்பான அறிவை பரிசோதிக்கும் வகையிலான வினாத்தாள் என இரண்டு வினாத்தாள்கள் வழங்கப்படும்.இப்பரீட்சை ஆங்கில மொழி மூலம் மட்டுமே நடத்தப்படும் என்பது குறிப்பிடத்தக்கதாகும்.

விண்ணப்பங்களை 25.02.2009 இற்கு முன்னர் கிடைக்குமாறு பதிவாளர் ஊவாவெல்லஸ்ஸ பல்கலைக்கழகம், பசறைவீதி பதுளை என்ற முகவரிக்கு அனுப்பவேண்டும். கடிதவுரையின் இடதுபக்க மேல் மூலையில் தகுதி காண் பரீட்சை 2008/2009, என குறிப்பிடல்வேண்டும்.

ஊவா வெல்லஸ்ஸ பல்கலைக்கழகத்தின் 2008/2009 கல்வியாண்டில் மேற்குறிப்பிடப்பட்ட பட்டப்படிப்புகளை மேற்கொள்ளவுள்ளோர் ஏனைய தகுதிகளுடன் இத்தகுதிகாண் பரீட்சையிலும் தகுதி பெறவேண்டும் என்பது குறிப்பிடத்தக்கதாகும்.

ஜனாதி பதியிடம் யாழ்.ஆயர் வேண்டுகோள் யாழ்ப்பாணம், மன்னார் மாவட்டங்களிலிருந்து இடம்பெயர்ந்து வன்னியில் தங்கியிருந்த மக்கள் மீண்டும் இடம்பெயர்ந்துள்ள நிலையில், அவர்களை வவுனியாவுக்கு கொண்டு செல்லாது சொந்த இடங்களில் குடியேற்ற நடவடிக்கையெடுக்குமாறு யாழ்.ஆயர் தோமஸ் சௌந்தரநாயகம் ஜனாதிபதியிடம் வேண்டுகோள் விடுத்துள்ளார்.  இது தொடர்பாக யாழ்.ஆயரால் ஜனாதிபதிக்கு அனுப்பிவைத்துள்ள கடிதத்தில் தெரிவிக்கப்பட்டுள்ளதாவது;

வன்னியில் விடுவிக்கப்படாத பிரதேசங்களிலிருந்து இதுவரை 35 ஆயிரம் மக்கள் வெளியேறியுள்ளனர்.

இவ்வாறு வெளியேறும் மக்களை அந்தந்த மாவட்டங்களில் மீள குடியேற்றுவதற்கு நடவடிக்கை எடுக்கப்பட வேண்டும்.

குறிப்பாக யாழ்ப்பாணம், மன்னார் மாவட்டங்களில் இருந்து இடம்பெயர்ந்து வன்னியில் இருந்த மக்கள் மீண்டும் இடம்பெயர்ந்துள்ளனர். இவ்வாறு இடம்பெயர்ந்தவர்களை அவர்களது சொந்த மாவட்டங்களில் மீளக்குடியேற்ற வேண்டும்.

யாழ்ப்பாண மக்களை தென்மராட்சியின் மிருசுவில் மற்றும் அதை அண்டிய பிரதேசங்களில் உள்ள காணிகளில் தற்காலிக வதிவிடங்களை அமைத்து மீளக்குடியேற்றலாம்.

எனவே, இவ்வாறு இடம்பெயர்ந்த மக்களை வவுனியாவுக்குக் கொண்டு செல்லாது அவர்களது சொந்த இடங்களில் குடியேற்ற நடவடிக்கை எடுக்க வேண்டும் எனக் குறிப்பிடப்பட்டுள்ளது.

இதேவேளை, இக்கடிதத்தின் பிரதிகள் ஜனாதிபதியின் ஆலோசகர் பசில் ராஜபக்ஷ, பாதுகாப்பு செயலர் கோதாபய ராஜபக்ஷ, புனர்வாழ்வு அமைச்சர் ரிச்சோட் பௌடின் மற்றும் வவுனியா, யாழ்ப்பாண மாவட்டங்களின் அரச அதிபர்களுக்கும் அனுப்பி வைக்கப்பட்டுள்ளது.

இலங்கை யில் ஐந்து வயதுக்குக் குறைவாக உள்ள சிறுவர்களில் 22 சதவீதத்தினர் நிறைகுறைவான பிள்ளைகளாக காணப்படும் நிலையில், இச் சிறுவர்களின் போஷாக்கை கணிசமான அளவுக்கு மேம்படுத்த வேண்டுமென உலக வங்கி சுட்டிக்காட்டியுள்ளது.

மிலேனியம் அபிவிருத்தித் திட்டத்தின் கீழ், இச்சிறுவர்களின் போஷாக்கை மேம்படுத்தவுள்ளதுடன், அதே அளவுக்கு போஷாக்கின்மையால் அவதியுறும் மக்களின் போஷாக்கின் நிலையை மேம்படுத்த வேண்டியுள்ளதையும் உலக வங்கி சுட்டிக்காட்டியுள்ளது.

ஐந்து வயதுக்கும் குறைவான சிறுவர்களில், 18 வீதத்தினர் குறைந்த வளர்ச்சி நிலையைக் கொண்டுள்ளதுடன், 15 வீதத்தினர் மிக மெலிந்த உடலமைப்பை கொண்டுள்ளதாகவும் உலக வங்கியின் அறிக்கையில் சுட்டிக்காட்டப்பட்டுள்ளது.

“இலங்கையில் உள்ள உள்ளூர் நிறுவனங்களுக்கு அபிவிருத்திக்கான கூட்டான முயற்சிகளை முன்னெடுக்க வாய்ப்புகள் காணப்படுவதுடன், அரசசார்பற்ற நிறுவனங்கள், பொது சுகாதார சேவைகள் ஊடாக, சத்துணவுத் திட்டத்தை நடைமுறைப்படுத்துவதற்கான புதிய வழிவகைகள் பற்றியும் ஆராய்ந்து வருவதாக, உலக வங்கியின் இலங்கைக்கான பணிப்பாளர், நாகோ இஸ்கீ தெரிவித்தார்.

போஷாக்கை மேம்படுத்துவதற்கான, புதிய வழிமுறைகள் வெற்றியளிக்குமாயின், சத்துணவுக்கான நன்கொடை வழங்கலை மேலும் அதிகரிக்க முடியுமெனவும் அவர் குறிப்பிட்டார்.

போட்டியடிப்படையில், போஷாக்கை மேம்படுத்துவதற்கான முயற்சிகள் இனங்காணப்பட்டுள்ளதோடு, இதன்மூலம் தெற்காசியாவில் வாழும் சிறுவர்கள், குழந்தைகள் மற்றும் கர்ப்பிணித் தாய்மார்களுக்கான போஷாக்கை மேம்படுத்தும் புதிய அணுகுமுறையிலான திட்டங்களுக்கு நிதியுதவி அளிக்க முடியுமென உலக வங்கியின் தெற்காசிய பிராந்தியத்துக்கான உபதலைவர், இஸ்ஸாபெல் கியூறேறோ குறிப்பிட்டார்.

போஷாக்கின்மையின் பாதிப்பால், தெற்காசியாவில் இளம் சிறுவர்கள், குழந்தைகள் மரணமடைந்துள்ளதாகவும் அவர் தெரிவித்தார்.

கட்டுநாயக்க சர்வதேச விமான நிலையத்தாக்குதல் சம்பவம் தொடர்பான வழக்கு விசாரணைக்கு சமூகமளிக்காத குற்றப்புலனாய்வுப்பிரிவு விசேட விசாரணைப்பகுதி பொறுப்பதிகாரிக்கு கொழும்பு மேல் நீதிமன்றம் அழைப்பாணை பிறப்பித்துள்ளது. இந்த வழக்கு கொழும்பு மேல் நீதிமன்ற நீதிபதி டபிள்யூ.ஏ.ரி. ரட்னாயக்க முன்னிலையில் நடைபெற்ற போது இந்த அழைப்பாணையை நீதிபதி பிறப்பித்தார்.

முக்கியமான வழக்கு குற்றப் புலனாய்வுப் பிரிவில் இருந்து எந்த ஒரு அதிகாரியும் நீதிமன்றத்திற்கு வருவதில்லை என நீதிபதியின் கவனத்திற்கு சுட்டிக்காட்டப்பட்டதையடுத்து எதிர்வரும் ஏப்ரல் 25 ஆம் திகதி பொறுப்பதிகாரியை மன்றில் ஆஜராகுமாறு நீதிபதி அழைப்பாணை பிறப்பித்தார்.

2001 ஜூலை 24 ஆம் திகதி கட்டுநாயக்க சர்வதேச விமான நிலையத்தின் மீது விடுதலைப் புலிகள் தாக்குதல் நடத்தியதாக வழக்கில் தெரிவிக்கப்பட்டுள்ளதுடன். இரத்தின சிங்கம் புஷ்பகுமரன், விக்டர் அல்பிறட் டொமினி, சுப்பிரமணியம் தவராஜசிங்கம், நாகேந்திரம் நாகலஷ்மன் மற்றும் தனபாலசிங்கம் ஜெயலக்ஷ்மி ஆகியோர் மீது குற்றம் சுமத்தப்பட்டுள்ளது.

எதிரிகளில் சுப்பிரமணியம் தவராஜசிங்கம் என்பவர் சிலரால் கடத்திச் செல்லப்பட்டு படுகொலை செய்யப்பட்டுள்ளதாக எதிரிகளின் சார்பில் ஆஜரான சட்டத்தரணி நீதிமன்றத்தில் தெரிவித்தார்.

இந்த வழக்கில் 422 சாட்சிகள் உள்ளன. அவர்களில் அதிகமானோர்கள் பொலிஸார். கட்டு நாயக்க விமான நிலையத்தாக்குதலில் பதினொரு விமானங்கள் அழிக்கப்பட்டன. இருபத்தைந்து விமானங்கள் சேதமடைந்தன.

அத்துடன் விமானப்படையைச் சேர்ந்தவர்கள் இராணுவத்தைச் சேர்ந்தவர்கள் உட்பட பலர் இச்சம்பவத்தில் கொல்லப்பட்டனர் என்பதும் குறிப்பிடத்தக்கது.