April

தலைவரும் புலம்பெயர் தமிழர்களிடம் பிச்சை கேட்டார் – நானும் புலம்பெயர் தமிழர்களிடம் பிச்சை கேட்கின்றேன் – பா உ அர்ச்சுனா

பெண்களை கேவலப்படுத்தி அவமானப்படுத்தும் நடவடிக்கைகளுக்காக பாராளுமன்றத்தில் சிறப்புரிமை தடை செய்யப்பட்டதற்கு எதிரான முறைப்பாட்டை பாராளுமன்ற சபாநாயகரிடம் நேற்று கையளித்தார் பா உ இராமநாதன் அர்ச்சுனா. தன்னுடைய சிறப்புரிமை மீளளிக்கப்படாவிட்டால் அதற்கு எதிராக தான் சட்ட நடவடிக்கை எடுக்கப் போவதாகவும் தன்னுடைய காணொலியில் சூளுரைத்துள்ளார் பா உ இராமநாதன் அர்ச்சுனா.

இதற்காகவும் அர்ச்சுனா மீது அவரால் பாதிக்கப்பட்ட பலரும் போட்டுள்ள குற்றச்சாட்டுக்களுக்கு எதிராகவும் வழக்குகளை நடாத்துவதற்கும், தன்னுடைய காரைத் திருத்துவதற்கும், பண உதவி செய்யுங்கள் – ‘பிச்சை போடுங்கள்’ என்று, புலம்பெயர் தமிழர்களை நோக்கி கேட்டு, ஏப்ரல் 8இல் பா உ அர்ச்சுனா ஒரு பதிவை இட்டுள்ளார்.

தான் புலம்பெயர்ந்த தமிழர்களிடம் பணம் பெறுவதை நியாயப்படுத்துவதற்கு அர்ச்சுனா, தமிழீழ விடுதலைப் புலிகளின் தலைவரைத் துணைக்கு அழைத்துள்ளார். வே பிரபாகரனும் புலம்பெயர்ந்த தமிழர்களிடம் பிச்சை எடுத்திருந்தார். நானும் அதனையே செய்கின்றேன் என அவர் அதற்கு ஒரு விளக்கமும் கொடுத்திருக்கின்றார்.

தமிழீழ விடுதலைப் புலிகளின் தலைவர் பிரபாகரன் மீது பல கடுமையான அரசியல் விமர்சனங்கள் உள்ளது. ஆனால் தமிழீழ விடுதலைப் புலிகளை கடுமையாக விமர்சிப்பவர்கள் கூட “விடுதலைப் புலிகளின் தலைவர் தன்னுடைய சொந்த தேவைகளுக்கு பணம் கேட்டார். மோசடி செய்தார்” என்ற குற்றச்சாட்டுக்களை வைப்பதில்லை. ஆனால் வே பிரபாகரனையும் மாவீரர்களையும் வைத்துப் பணம் பறிக்கும் கும்பல்கள் பல உலகின் பல பாகங்கிலும் உருவாகியுள்ளது.

‘பா உ அர்ச்சுனா போல் தலைவரும் பிச்சை எடுத்தார் தானும் அந்த விழயில் பிச்சை எடுக்கின்றேன்’ என வழக்குகளை நடாத்த, காரைத் திருத்த, காசை அனுப்பி வைக்கும்படி கோருகின்றார். சுவிஸில் உள்ள அப்துல்லா என அறியப்பட்ட ரகுபதி ‘தலைவர் குடும்பத்துடன் நோய்வாய்ப்பட்டு இருக்கின்றார். அவருக்கு சிகிச்சையளிக்க பணம் வேண்டும்’ என்று கோருகின்றார். 1990க்களின் முற்பகுதியில் தளபதி கிட்டு லண்டனில் இருந்த போது சொன்னது, “எங்களுக்கு எதிரி ஒரு பிரச்சினையில்லை, அவர்களை எங்களுக்கு நன்கு தெரியும். ஆனால் எங்களோடு கூட இருப்பவர்கள் தான் மிக ஆபத்தானவர்கள்.” அது போல் புலிகளையும் மாவீரர்களையும் பயன்படுத்துபவர்கள் பற்றி மக்கள் விழிப்பாக இருக்க வேண்டும்.

பா உ அர்ச்சுனா தொடர்பில் அவருடைய சுயேட்சைக்குழுவில் போட்டியிட தங்கள் குடும்ப உறுப்பினர்கள் மூவரை வழங்கிய பாதிக்கப்பட்ட பெண் அர்ச்சுனா மீது தங்கள் நவாலிப் பகுதி அண்ணன் ஒருவர் அர்ச்சுனாவுக்கு பணம் அனுப்பியதாகவும் ஆனால் இவர் தங்கள் வேட்புமனுக்களை தாக்கல் செய்யவே இல்லை என்றும் குற்றம்சாட்டியிருந்தமை குறிப்பிடத்தக்கது.

ரிக்ரொக் சாளினியால் பாராளுமன்ற சிறப்புரிமையை இழந்த அர்ச்சுனா அதனை மீளக் கோருகின்றார் !

பாராளுமன்ற உறுப்பினர் இராமநாதன் அர்ச்சுனா, கிளிநொச்சி ரிக் ரொக் சாளினியை விபச்சாரி என்று பாராளுமன்றத்தில் கூறியது தெரிந்ததே. ஒரு பெண்ணை விபச்சாரி என்று கூறியது பாராளுமன்ற விதிமுறைகளுக்கு முரணானது என்றும், இது பெண்களை அவமானப்படுத்தும் செயல் என்றும் பெண்ணியவாதியும் மனித உரிமைவாதியுமான அருளலிங்கம் சுவாஸ்திகா கண்டித்திருந்தார். அத்தோடு இதனை பாராளுமன்ற பதிவுகளிலிருந்து நீக்க வேண்டும் என்றும் சுவாஸ்திகா சுட்டிக்காட்டியிருந்தார்.

இது தொடர்பான விசாரணைகளை பலரும் கோரியிருந்தானர். இந்தப் பின்னணியில் பா உ அர்ச்சுனாவின் பாராளுமன்ற சிறப்புரிமை சிறிதுகாலம் பறிக்கப்பட்டது. அதன்படி அவருடைய பாராளுமன்ற உரைகள் வெளியிடப்படாது. அவரும் அதனை தன்னுடைய காணொலிகளில் பதிவிட முடியாது. இந்தத் தடையை நீக்குமாறு அர்ச்சுனா பாராளுமன்றத்தில் நேற்று எழுத்து மூலம் வேண்டுகோள் விடுத்துள்ளார்.

பா உ அர்ச்சுனாவின் பெண்களுக்கு எதிரான மோசமான கருத்துக்களுக்கு அர்ச்சுனா மட்டும் பொறுப்பல்ல அவருக்கு நிதியை வாரி வழங்கும் புலம்பெயர்ந்த மக்களும் வாக்களித்தவர்களும் கூட, பெண்கள் தொடர்பான ஆணாதிக்க மனநிலையோடு இருப்பதாக சுவஸ்திகா அருளலிங்கம் குற்றம்சாட்டியுள்ளார்.

ரிக்ரொக் சாளினியை அவமானப்படுத்த முயன்று தற்போது அவமானப்பட்டுள்ள பா உ அர்ச்சுனா, தன்னுடைய சிறப்புரிமையை மீள வழங்காவிடில் அதற்கு எதிராகச் சட்ட நடவடிக்கை எடுப்பது தொடர்பாகவும் சிந்தித்து வருவதாகத் தெரிவித்தள்ளார்.

பா உ அர்ச்சுனாவிற்கு எதிரான குற்றச்சாட்டை பாராளுமன்றத்தின் கவனத்திற்குக் கொண்டுவந்தவர் பிரதம கொரடாவான விமல் ரத்நாயக்கா. இது தொடர்பில் பாராளுமன்றத்தில் விமல் ரத்நாயக்கா உரையாற்றி இருந்தார். அவர் சுவாஸ்திகா சுட்டிக்காட்டியதை தவறாக சுவாஸ்திகாவை பாராளுமன்றத்தில் அரச்சுனா விபச்சாரி என்று சொன்னதாகக் குறிப்பிட்டார். அதாவது கிளிநொச்சிப் பெண் ரிக்ரொக் சாளினியையே பா உ அர்ச்சுனா பாராளுமன்றத்தில் விபச்சாரி என்று விபரித்தார். அர்ச்சுனா அருளலிங்கம் சுவாஸ்திகாவை பாராளுமன்றத்துக்கு வெளியே விபச்சாரி என்று விபரித்திருந்தார். ஆனால் விமல் ரத்நாயக்கா சாளினி என்று குறிப்பிடாமல் சுவாஸ்திகாவைச் சுட்டிக்காட்டி அர்ச்சுனாவின் சிறப்புரிமையை குறகியகாலம் தடை செய்ய வைத்தார். இதுதொடர்பில் அருளலிங்கம் சுவாஸ்திகா கபிடல் தொலைக்காட்சிக்கு வழங்கிய நேர்காணல்:

இந்த அடிப்படையை வைத்துக்கொண்டு பெயரை மாறிச் சாளினி என்று குறிப்பிடுவதற்குப் பதிலாக சுவாஸ்திகா என்று சொன்னதை வைத்துக்கொண்டு தன்மீதான ஒழுங்காற்று நடவடிக்கை தவறு என்றும், தான் தமிழர் என்பதால் திட்டமிட்டமுறையில் தனது குரல் ஒடுக்கப்படுவதாகவும் குறிப்பிட்டு தனது குற்றச்சாட்டை சபாநாயகரிடம் பா உ அர்ச்சுனா இன்று கையளித்தார். அர்ச்சுனா தன்மீது விமர்சனங்கள் குற்றச்சாட்டுக்கள் வருகின்ற போது தான் ஒரு ஒடுக்கப்படுகின்ற இனம், தமிழீழ விடுதலைப் புலிகளை நேசிப்பவர், தேசியத் தலைவரை நேசிப்பவர் என்ற துருப்புச்சீட்டுக்களை வீசி விளையாடுவதில் கைதேர்ந்தவர். இது அவருடைய கபிடல் ரிவி நேர்காணலில் அம்பலமாகி இருந்தது.

பிரபாகரனே தமிழர்களை துப்பாக்கி முனையிலேயே ஒற்றுமைப்படுத்தினார் ! தமிழ் தேசியத் தலைவர்கள் ஒற்றுமைப்படுவார்களா ?

அரசியல் சமூக செயற்பாட்டாளர் முல்லைமதியுடன் நேர்காணல்

இலங்கையில் கொழும்பு மாவட்டத்தில் ஒரு சதுர கிலோ மீற்றருக்கு 3 ஆயிரத்து 549 பேரும், முல்லைத்தீவு மாவட்டத்தில் ஒரு சதுர கிலோ மீற்றருக்கு வெறுமனே 50 நபர்கள் வசிக்கின்றமை குடித் தொகை மதிப்பீட்டில் தெரியவந்துள்ளது. 2024 ஆம் ஆண்டுக்கான குடிசன மற்றும் வீட்டு வசதிகள் தொகை மதிப்பு கணக்கெடுப்பின்படி, இலங்கையின் மொத்த சனத்தொகை 2 கோடியே 17 இலட்சத்து 63 ஆயிரத்து 170 ஆக பதிவாகியுள்ளது.

தொகை மதிப்பு மற்றும் புள்ளிவிபரத் திணைக்களத்தால் நடத்தப்பட்ட “குடிசன மற்றும் வீட்டு வசதிகள் தொகைமதிப்பு 2024″ அறிக்கை நேற்று திங்கட்கிழமை ஜனாதிபதி அலுவலகத்தில் ஜனாதிபதி அநுரகுமார திஸாநாயக்கவிடம் கையளிக்கப்பட்டது.

2024 ஆம் ஆண்டு ஒக்டோபர் மாதம் முதல் ஆரம்பமாகிய 15 ஆவது தேசிய சனத்தொகை கணக்கெடுப்பு 2025 ஆம் ஆண்டு பெப்ரவரி மாதம் இரண்டாவது வாரம் நிறைவு செய்யப்பட்டது. இறுதியாக 2012 ஆம் ஆண்டு நடத்தப்பட்ட சனத்தொகை கணக்கெடுப்புடன் ஒப்பிடுகையில் சனத்தொகை 14 இலட்சம் அதிகரித்துக் காணப்படுகின்றது. சனத்தொகை தொடர்ந்து அதிகரித்து வந்தாலும் சனத்தொகை வளர்ச்சியில் மந்தநிலை காணப்படுகின்றது.

28.1 சதவீதத்துடன் மேல் மாகாணம் அதிக சனத் தொகை கொண்ட மாகாணமாக 5.3 சதவீதம் பேருடன் வடக்கு மாகாணம் குறைந்தளவான 11 இலட்சத்து 50 ஆயிரம் சனத்தொகையைக் கொண்ட மாகாணமாக பதிவாகியுள்ளது. 24 இலட்சத்து 34 ஆயிரம் பேருடன் கம்பஹா மாவட்டம் சனத்தொகையில் முதலிடம் பிடித்துள்ளது.

வடக்கு மாகாணத்தில் முல்லைத்தீவு (ஒரு இலட்சத்து 23 ஆயிரம் ), மன்னார் (ஒரு இலட்சத்து 24 ஆயிரம் ), கிளிநொச்சி (ஒரு இலட்சத்து 36 ஆயிரம் ) மற்றும் வவுனியா (ஒரு இலட்சத்து 72 ஆயிரம் ) ஆகிய மாவட்டங்கள் மிகக் குறைந்தளவான சனத்தொகை கொண்ட மாவட்டங்களாகத் தொடர்ந்து காணப்படுகின்றன. முல்லைத்தீவு மாவட்டம் 2.23 சதவீத ஆண்டு வளர்ச்சி விகிதத்தில் மிக உயர்ந்த இடத்தைப் பிடித்துள்ளது, அதேவேளை வவுனியா 0.01 சதவீதத்துடன் மிகக் குறைந்த இடத்தைப் பிடித்துள்ளது.

கிழக்கு மாகாணம் 17 இலட்சத்து 82 ஆயிரம் மக்கள் தொகையைக் கொண்ட மாவட்டமாக உள்ளது. மட்டக்களப்பு 6 இலட்சம் மக்களையும் அம்பாறை 7 இலட்சத்து 44 ஆயிரம் மக்களையும் திருகோணமலை 4 இலட்சத்து 44 ஆயிரம் மக்கள் தொகையையும் கொண்ட மாவட்டங்களாக உள்ளது.

கனடாவில் இலங்கைத் தமிழர்களின் எண்ணிக்கை கிளிநொச்சி, மன்னார், முல்லைத்தீவு, வவுனியா மாவட்டங்களின் சனத்தொகையைக் காட்டிலும் இரட்டிப்பானது. கனடாவில் தமிழர்களின் எண்ணிக்கை 240,000 முதல் 300,000 ஆக இருப்பதாக தரவுகள் கூறுகின்றன. 1983க்களில் வெறும் 150 பெயரளவில் மட்டும் இருந்த கனடாவில் 2021இல் எடுக்கப்பட்ட கணக்கெடுப்பின்படி 140,000 கனடாவில் பிறந்துள்ளனர். கனடாவை அடுத்து பிரித்தானியாவில் அதிகளவான இலங்கைத் தமிர்கள் வாழ்கின்றனர். 2,00,000 தமிழர்கள் பிரித்தானியாவில் வாழ்வதாக மதிப்பிடப்படுகின்றது. இதைவிடவும் அவுஸ்திரேலியா, ஐரோப்பா, ஸ்கன்டிநேவியன் நாடுகளிலும் மொத்தமாக 2,00,000 இலங்கையர்கள் பரந்து வாழ்கின்றனர். அயல்நாடான இந்தியாவில் 1,50,000 தமிழர்கள் உள்ளனர்.

உலகின் மொத்த இலங்கைத் தமிழர்களின் எண்ணிக்கையில் மூன்றில் ஒரு பகுதியினரே தமிழர்களின் தாயகப் பிரதேசமாகக் கொள்ளப்படும் வடக்கு கிழக்கில் வாழ்கின்றனர். இன்னுமொரு மூன்றில் ஒரு பகுதியினர் இலங்கைக்கு உள்ளேயே வடக்கு கிழக்கிற்கு வெளியே தென்பகுதியெங்கும் சிதறி வாழ்கின்றனர். இன்னுமொரு மூன்றில் ஒரு பகுதியினர் இலங்கைக்கு வெளியே பெரும்பாலும் மேற்குநாடுகளில் வாழ்கின்றனர்.

யுத்தம் 2009 இல் முடிவுக்கு வராமல் தொடர்திருந்தால் வடக்கு கிழக்கில் தமிழ் மக்களின் சனத்தொகையில் கடுமையான வீழ்ச்சி ஏற்பட்டு இருக்கும். 2020 வரை யுத்தம் தொடர்ந்திருந்தால் வடக்கு கிழக்கு தமிழ் மக்கள் இல்லாத பிரதேசங்களாக மாறியிருக்கும். யுத்தம் காரணமாக மக்கள் முற்றாக வெளியேறுவதற்கான வாய்ப்புகள் தான் அதிகமாக இருந்திருக்கும். இது தொடர்பான ஆய்வுக் கட்டுரை சமாதானத்தை வலியுறுத்தி 2004இல் தேசம் சஞ்சிகையில் வெளியானது.

பா உ அர்ச்சனா கையில்: ஆசிரியை கல்யாணியின் மோசடிக் குற்றச்சாட்டை மறுக்கின்றார் வடமாகாண பிரதம செயலாளர் இளங்கோவன் !

ஆசிரியை கல்யாணி திருநாவுக்கரசு பா உ அர்ச்சுனாவோடு தன்னுடைய ஓய்வூதியத்தை மோசடி செய்துவிட்டார் என்று முன்வைத்த குற்றச்சாட்டை வடக்கு மாகாண பிரதம செயலாளர் இளங்கோவன் மறுத்துள்ளார். நேற்று நடைபெற்ற ஊடகவியலாளர் சந்திப்பிலேயே திரு இளங்கோவன் இந்த மறுப்பினை வெளியிட்டார். வடமாகாணசபை மீதும் தன்மீதும் வைக்கப்பட்ட குற்றச்சாட்டு தொடர்பில் வடமாகாண ஆளநரின் அனுமதியோடு இந்த ஊடகவியலாளர் சந்திப்பை ஏற்பாடு செய்து தன்மீது தனிப்பட்ட ரீதியில் மேற்கொள்ளப்பட்ட தாக்குதலுக்கு மறுப்புத் தெரிவிப்பதாக அவர் அதில் சுட்டிக்காட்டியுள்ளார்.

“என்னுடைய பென்சன் 27 இலட்சத்தை பிரதம செயலாளர் இளங்கோவன் கள்ளக்கையெழுத்திட்டு சூறையாடிவிட்டார் “ ஆசிரியை கல்யாணி நேரடியாகத் தன்னுடைய குற்றச்சாட்டை முன் வைத்திருந்தார்.

பா உ இராமநாதன் அர்ச்சுனாவின் முன்நிலையில் இக்குற்றச்சாட்டு யூரியூப்பர்ஸினால் பதிவு செய்யப்பட்டு வெளியிடப்பட்டது. தேசம்நெற் உம் அக்காணொலியை வெளிட்டதுடன் பிரதம செயலாளர் இது தொடர்பபில் விளக்கம் கொடுக்க வேண்டும் என்றும் கேட்டிருந்தது. இது தொடர்பிலேயே பிரதம செயலாளர் இந்த ஊடகவியலாளர் சந்திப்பை ஏற்பாடு செய்திருந்தார்.

இது தொடர்பில் விளக்கமளித்த பிரதம செயலாளர் இளங்கோவன் திருநாவுக்கரசு கல்யாணி அவர்களை தாங்கள் நன்கு அறிவோம் என்றும் அவருடைய கோரிக்கைகள் நீண்ட வரலாற்றைக் கொண்டது என்றும் குறிப்பிட்டு தங்களுடைய ஆவணங்களின் படி அவருடைய நிதி நிலுவைகள் அனைத்தும் வழங்கப்பட்டு விட்டதாகவும் தெரிவித்தார்.

இது தொடர்பில் விளக்கமளித்த பிரதம செயலாளர் இளங்கோவன் திருநாவுக்கரசு கல்யாணி அவர்களை தாங்கள் நன்கு அறிவோம் எனக்குறிப்பிட்டார். அவருடைய கோரிக்கைகள் நீண்ட வரலாற்றைக் கொண்டது என்றும் குறிப்பிட்டு தங்களுடைய ஆவணங்களின் படி அவருடைய நிதி நிலுவைகள் அனைத்தும் வழங்கப்பட்டு விட்டதாகவும் இளங்கோவன் சுட்டிக்காட்டினார். இதற்கு தான் தன்னுடைய வெளிப்படையான பதிலை ஓய்வு பெற்ற பின்னரேயே தெரிவிக்க முடியும் என்றும் அவர் அங்கு சுட்டிக்காட்டியிருந்தார்.

ஆசிரியை கல்யாணி திருநாவுக்கரசுவின் குற்றச்சாட்டை ஆராய 18 ஆண்டுகள் கடந்த நிலையில் மேலுமொரு குழு உருவாக்கப்பட்டுள்ளது. இந்நிலையில் பா உ இராமநாதன் அர்ச்சுனா இது தொடர்பில் தான் பாராளுமன்றத்தில் கேள்வி எழுப்புவேன் என்றும் உறுதி அளித்து இருந்தார். அரச சேவைகளில் முடிவெடுப்பதில் உள்ள தாமதங்களைக் கருத்தில் கொண்டு இவ்வாறான சிக்கலான விடயங்களை சில மாதங்களுக்கு உள்ளாகத் தீர்தது வைக்க அரசு முயற்சிக்க வேண்டும் 18 ஆண்டுகள் என்பது மிக அநியாயமான நீண்ட காலம்

ஆசிரியை கல்யாணி திருநாவுக்கரசுடைய இப்பிரச்சினை நேரடியான விடயமல்ல. அதில் நிறையச் சிக்கல்கல் உள்ளது. அதனால் நிர்வாகத் தடைகளும் அதிகம் உள்ளது. ஆனாலும் இதனை ஆராய்ந்து ஆசிரியை கல்யாணி குறிப்பிடுகின்ற விடயங்கள் சம்பந்தப்பட்ட ஆவணங்களை விரைவில் பெற்று அவருடைய கோரிக்கையை மனிதாபிமானத்தோடு நோக்க வேண்டும். அதேசமயம் பிழையான முன்ணுதாரணங்களை ஏற்படுத்தாமலும் பார்த்துக்கொள்ள வேண்டும்.

இக் காணொலியில் பயன்படுத்தப்பட்டுள்ள காட்சிகள் ஸ்ரிற் ஒப் ஈழம் என்ற காணெலித் தளத்தில் இருந்து பெறப்பட்டது. அவர்களுக்கு நன்றி.

வடக்கில் 16,000 வேலை வாய்ப்புகள் மூன்று முதலீட்டு வலயங்கள் !

வடக்கு மாகாண அபிவிருத்தியை நோக்கி, அரசாங்கம் முன்மொழிந்துள்ள காங்கேசன்துறை, பரந்தன் மற்றும் மாங்குளம் ஆகிய மூன்று முதலீட்டு வலயங்கள் 2025ஆம் ஆண்டின் மூன்றாம் காலாண்டின் இறுதியில் செயல்படத் தொடங்கும் என இலங்கை முதலீட்டுச் சபையின் தலைவர் அர்ஜூன் ஹேரத் தெரிவித்துள்ளார். இத்திட்டங்கள் முழுமையாக செயல்பட்டால், குறைந்தது 16,000 பேருக்கு தொழில் வாய்ப்புகள் உருவாகும் என எதிர்பார்க்கப்படுகிறது. வடக்கு ஆளுநர் நா. வேதநாயகனின் தலைமையில் நேற்று முன்தினம் நடைபெற்ற கலந்துரையாடலில், முதலீட்டுத் தளங்களில் போக்குவரத்து, மின்சாரம், குடிநீர் உள்ளிட்ட அடிப்படை வசதிகள் மற்றும் நில உரிமைச் சிக்கல்கள் உள்ளிட்ட சவால்கள் பற்றிய விவாதங்கள் இடம்பெற்றன.

இந்த மூன்று வலயங்களையும் சுற்றுச்சூழல் நேயமான வகையில் அபிவிருத்தி செய்ய திட்டமிடப்பட்டுள்ளதாக முதலீட்டுச் சபை தெரிவித்தது. குறிப்பாக, காங்கேசன்துறையில் புகையிரத பாதையை துறைமுகம் வரை விரிவுபடுத்துவது, மாங்குளத்தில் காணி விடுவிப்பு நடவடிக்கைகள், மற்றும் பரந்தனில் உள்ள சொந்தமாகும் இடங்களின் சிக்கல்கள் பற்றியும் தீர்வுகள் வகுக்கப்பட்டுள்ளன. வலயங்களை விரைவில் வேலியிட்டு அடையாளப்படுத்த நடவடிக்கை எடுக்கப்படவுள்ள நிலையில், கடந்த கால அனுபவங்களைவிட இம்முறை திட்டங்கள் நடைமுறைக்கு வரும் என முதலீட்டாளர்களுக்கும் பொதுமக்களுக்கும் உறுதியளிக்கப்பட்டது.

பட்டதாரிகள் தனியே அரசாங்க வேலைகளில் மட்டும் தங்கியிருக்காமல் தனியார்த்துறைகளிலும் தொழில் முயற்சிகளிலும் ஆர்வம் காட்ட வேண்டும் என்று யாழ்ப்பாணம் மாவட்ட பதில் அரசாங்க அதிபர் ம. ரதீபன் தெரிவித்தார். யாழ்ப்பாணப் பல்கலைக்கழக புவியியல் துறையைச் சேர்ந்த இரண்டாம் வருட மாணவர்கள் கடந்த வெள்ளிக்கிழமை அரச சேவைகள் பற்றி அறிந்துகொள்ள மாவட்ட செயலகத்திற்கு கள விஜயம் மேற்கொண்டிருந்தனர். அதன் போதே அரசாங்க அதிபர் மேற்கொண்ட கருத்தை வெளியிட்டு இருந்தார்.

பிரதமர் மோடியும், அனுரவின் மொழியில் தமிழ் மக்களுக்குத் தீர்வு: ஐக்கிய இலங்கைக்குள் சமத்துவம், கௌரவம் மற்றும் நீதியுடனான வாழ்க்கை !

இலங்கைக்கு விஜயம் செய்துள்ள இந்திய பிரதமர் நரேந்திர மோடி, தமிழ் அரசியல் கட்சித் தலைவர்களையும் மலையகத் தமிழ் பிரதிநிதிகளையும் சந்தித்து முக்கியக் கலந்துரையாடல்கள் நடத்தினார்.

வடக்கு – கிழக்கு தமிழ் மக்கள் பிரதிநிதிகளுடனான சந்திப்பு தொடர்பாக எக்ஸ் தளத்தில் பதிவிட்டுள்ள மோடி, “இலங்கையின் தமிழ் சமூக தலைவர்களை சந்திப்பது எப்போதும் மகிழ்ச்சியான தருணம். தமிழ் தலைவர்களான இரா. சம்பந்தன் மற்றும் மாவை சேனாதிராஜாவின் மறைவுக்கு இச்சந்தர்ப்பத்தில் அனுதாபம் தெரிவித்தேன். அவர்கள் இருவருமே எனக்குத் தனிப்பட்ட முறையில் நன்கு தெரிந்தவர்கள்,” எனக் குறிப்பிட்டுள்ளார்.

அத்துடன், ஐக்கிய இலங்கைக்குள் தமிழ் சமூகத்திற்கு சமத்துவம், கௌரவம் மற்றும் நீதி எனும் மூன்று முக்கியத்துவமிக்க அம்சங்களுடனான வாழ்க்கையை உறுதி செய்வதற்கான இந்தியாவின் அசைக்க முடியாத அர்ப்பணிப்பு மீண்டும் வலியுறுத்தப்பட்டதாக அவர் தெரிவித்தார். தமது விஜயத்தின்போது ஆரம்பித்துவைக்கப்பட்ட பல திட்டங்களும் முன்னெடுப்புகளும் தமிழர்களது சமூக, பொருளாதார மற்றும் கலாசார முன்னேற்றத்துக்கான பங்களிப்பை வழங்கும் எனவும் மோடி தனது பதிவில் குறிப்பிட்டுள்ளார்.

மலைய தமிழ் பிரதிநிதிகளுடனான சந்திப்பில், இந்தியாவை பூர்வீகமாகக் கொண்ட மலையகத் தமிழர்களுக்காக 10,000 வீடுகள், சுகாதார வசதிகள், புனித சீதை அம்மன் ஆலய நிர்மாணம், மற்றும் சமூக அபிவிருத்தித் திட்டங்கள் போன்ற பல முக்கிய முயற்சிகளுக்காக இந்திய அரசு இலங்கை அரசுடன் இணைந்து செயல்படும் என பிரதமர் மோடி உறுதியளித்தார்.

அமெரிக்க சீன வர்த்தக மோதல் – மசகு எண்ணெய் விலை சரிவு!

சீனா மற்றும் அமெரிக்கா இடையிலான வர்த்தக மோதல்கள் உலக சந்தைகளை சிக்கலான நிலைக்கு கொண்டு சென்றதால் நேற்று வெள்ளிக்கிழமை எண்ணெய் விலைகள் சடுதியாக 8வீத வீழ்ச்சியடைந்துள்ளன. கோவிட் பெருந்தொற்று உச்சகட்டத்திலிருந்த காலங்களில் ஏற்பட்ட வீழ்ச்சிக்குப் பின் பதிவாகிய சடுதியான வீழ்ச்சி இதுவென தெரிவிக்கப்படுகின்றது.

அமெரிக்க ஜனாதிபதி டொனால்ட் ட்ரம்ப் வரிவிதிப்புக்கு பதிலடியாக சீனா ஏப்ரல் 10 முதல் அனைத்து அமெரிக்கப் பொருட்களுக்கும் 34% கூடுதல் வரி விதிக்கும என அறிவித்துள்ளது.

ஐக்கிய மக்கள் சக்தியின் தலைவராக சஜித் பிரேமதாசா மீண்டும் தெரிவு!

கடந்த 3 ஆம் திகதி ஐக்கிய மக்கள் சக்தியின் வருடாந்த மாநாடு கொழும்பு ஹைட் பார்க் மைதானத்தில் இடம்பெற்றுள்ளது . இந்த மாநாட்டை எதிர்க்கட்சித் தலைவரும் ஐக்கிய மக்கள் சக்தியின் தலைவருமான சஜித் பிரேமதாஸ தலைமை தாங்கினார். இம்மாநாட்டில் ஐக்கிய மக்கள் சக்தியின் தலைவராக சஜித் பிரேமதாஸ மீண்டும் தேர்வு செய்யப்பட்டுள்ளார்.

தேசியக் கட்சியான ஐக்கிய தேசியக் கட்சியிலிருந்து பிரிந்து வந்த சஜித் பிரேமதாஸ தலைமையில் 2020 இல் உருவாக்கப்பட்டதே ஐக்கிய மக்கள் சக்தியாகும். அவர் சந்தித்த பாராளுமன்றத் தேர்தலிலும் சரி ஜனாதிபதித் தேர்தலிலும் சரி அவரால் வெற்றி பெற முடியவில்லை.

சஜித் பிரேமதாஸவை பொறுத்தவரை இலங்கை அரசியலில் தோல்வியடைந்த ஆளுமையற்ற தலைவராக காணப்படுகிறார். வெறுமனே தந்தையான பிரேமதாஸ ஜனாதிபதியாக இருந்தார் என்ற நெப்போரிஸத்தினூடாக அரசியலுக்குள் நுழைந்தவர். தெற்காசியாவின் சாபக்கேடான வாரிசு அரசியலின் விளைவுதான் தேசிய மக்கள் சக்தி தவிர்ந்த அனைத்து சிங்கள தேசிய கட்சிகளிலும் காணக் கூடியதாக உள்ளது.

கடந்த இரு தேர்தல்களிலும் இலங்கை மக்கள் குடும்ப அரசியலுக்கு சாவு மணியடித்த போதும் மக்கள் ஆணையை கருத்தில் கொள்ளாத ஐக்கிய மக்கள் சக்தி சஜித் பிரேமதாஸவை மீண்டும் கட்சித் தலைவராக்கியுள்ளது. ஐக்கிய மக்கள் சக்தி பாலியல் சுரண்டல் மற்றும் பாலியல் குற்றங்களில் ஈடுபடுபவர்களுக்கு அடைக்கலம் கொடுத்து அரசியலில் முகவரி வழங்கி வருகின்றமையும் குறிப்பிடத்தக்கது.

ஜனாதிபதி அநுர குமார திசாநாயக்கவின் வேண்டுகோளுக்கு அமைவாக இலங்கைக்கான அரச விஜயமாக இந்திய பிரதமர் நரேந்திர மோடி கட்டுநாயக்க பண்டாரநாயக்க சர்வதேச விமான நிலையத்தை நேற்று இரவு வந்தடைந்தார்.

வெளிநாட்டு அலுவல்கள், வெளிநாட்டு வேலைவாய்ப்பு மற்றும் சுற்றுலாத்துறை அமைச்சர் விஜித ஹேரத் உள்ளிட்டோர் பிரதமர் நரேந்திர மோடி மற்றும் இராஜதந்திரிகள் குழுவினருக்கு சிறப்பு வரவேற்பு அளித்தனர். கொழும்பில் இந்திய சமூகத்தினரும் மோடிக்கு வரவேற்பு அளித்தனர்.

இந்தியப் பிரதமர் மோடியைச் சந்திப்பதற்காக தமிழ் தேசியத் தலைவர்களும் பாராளுமன்ற உறுப்பினர்களும் கொழும்பு சென்றுள்ளதாக தேசம்நெற்க்குத் தெரியவருகின்றது, தமிழ் தலைவர்களை தனித்தனியாக சந்திப்பதற்கு வாய்ப்புகள் இல்லை என்றும் அவர்கள் குழுவாகவே சந்திக்க வேண்டியிருக்கும் என்றும் இச்சந்திப்புக்காக கொழும்புவந்துள்ள செல்வம் அடைக்கலநாதனின் பிரித்தானிய பிரதிநிதி சாம் சம்பந்தன் தேசம்நெற்றுக்கு நேற்றுத் தெரிவித்தார். தமிழ் தலைமைகள் இதுவரை இந்திய பிரதமருடன் என்ன பேசப்போகின்றோம் என்பது பற்றி கலந்துரையாடவில்லை என சாம் சம்பந்தன் தேசம்நெற்க்குத் தெரிவித்தார்.

ஆனாலும் சந்திப்பு நேரங்கள் தங்களுக்கு தெரியப்படுத்தப்பட்டதும் தாங்கள் சந்திப்புக்கு முன்னதாக அங்கேயே இதுபற்றி கலந்துரையாடிய பின் சந்திப்போம் என சாம் சம்பந்தன் குறிப்பிடுகின்றார். மாகாண சபை வேண்டாம், இந்தியப் பிரதமர் இது பற்றி கதைக்காமல் இருப்பதே நல்லது எனக் கருதும் பொன்னம்பலம் கஜேந்திரகுமார் இச்சந்திப்பில் கலந்துகொள்வாரா அவர் என்னத்தை கேட்பார் பேசுவார் என்பது சுவாரஸியமான விடயமாக இருக்கும். ஏற்கனவே முன்னாள் பா உ எம் ஏ சுமந்திரன் இந்தியப் பிரதமரைச் சந்திப்பதற்கு நேரம்கோரியுள்ளார்.

இலங்கை மற்றும் இந்தியாவிற்கு இடையில் “நூற்றாண்டு நட்புறவின் வளமான எதிர்காலத்திற்கான உறுதிப்பாடு” (Friendship Of Centuries Commitment to Prosperous Future) என்ற எண்ணக்கருவை மையப்படுத்தி மோடி இந்த விஜயத்தை மேற்கொண்டுள்ளார்.

இந்திய பிரதமர் இந்நாட்டிற்கு விஜயம் செய்யும் நான்காவது சந்தர்ப்பம் இதுவென்பதுடன், இந்தியா மற்றும் இலங்கைக்கு இடையில் பொருளாதார, கலாச்சார மற்றும் வரலாற்று தொடர்புகளையும் இரு நாடுகளுக்கு இடையிலான ஒத்துழைப்புக்களை பலப்படுத்திக்கொள்வதும் விஜயத்தின் நோக்கமாகும்.

இந்த உத்தியோகபூர்வ விஜயத்தின் போது இந்திய பிரதமர் மற்றும் ஜனாதிபதி அநுர குமார திசாநாயக்க இடையில் இருதரப்பு பேச்சுவார்த்தைகள் நடத்தப்பட உள்ளது. இந்திய ஒத்துழைப்புடன் இலங்கையின் முன்னெடுக்கப்படும் பல வேலைத்திட்டங்களையும் மோடி திறந்து வைக்கவுள்ளார்.

இந்திய வௌிவிவகார அமைச்சர் கலாநிதி எஸ்.ஜெய்சங்கர், தேசிய பாதுகாப்பு ஆலோசகர் அஜித் தோவல், பாதுகாப்புச் செயலாளர் விக்ரம் மிஸ்ரி உள்ளிட்ட இந்திய அரசாங்கத்தின் சிரேஷ்ட அதிகாரிகள் குழுவும் இதில் கலந்துகொண்டுள்ளனர்.

சம்பூர் மின்னுற்பத்தி நிலையம் உட்பட்ட பல்வேறு உடன்படிக்கைகளிலும் கையெழுத்திடுவார் என எதிர்பார்க்கப்படுகின்றது. மகோ சந்தி ரெயில் பாதையையும் திறந்து வைக்க உள்ளார். இலங்கையின் கலாச்சாரத் தலைநகரமான அநுராதபுரத்தின் மாகா போதிக்கும் இந்தியப் பிரதமர் விஜயம் செய்ய உள்ளார்.

தமிழ்நாடு மாநில அரசின் ஆதரவைப் பெறுவதற்காவே கடந்த காலங்களில் இந்திய மத்திய அரசு இலங்கைத் தமிழர்கள் விடயத்தில் கூடிய கவனம் எடுத்து வந்தது. அந்நிலை தற்போது முற்றாக மாறியுள்ளதை யாழ் ஈழநாடு பத்திரிகை அண்மைய ஆசியர் தலைப்பில் சுட்டிக்காட்டியுள்ளது. தற்போது தமிழக மாநில் அரசுக்கும் இலங்கைத் தமிழர்களுக்குமான உறவு நீர்த்துப்போன நிலையிலேயே உள்ளது. ஒரு பகுதி தமிழர்கள் பாலியல் காமுகனாகியுள்ள சீமானுக்கு ஆதரவாகச் செயற்படுகின்றனர். அண்மையில் தமிழகத்தில் நடைபெற்ற அயலவர் திருவிழாவிற்குச் சென்ற தமிழ் பாராளுமன்ற உறுப்பினர்கள் பார்வையாளர்களாக இருந்து விட்டு நாடு திரும்பினர். முதல்வர் மு கா ஸ்டாலினை சந்திக்கவே முடியவில்லை.

இப்பேர்ப்பட்ட முகவரியற்ற அரசியல்வாதிகளாக தமிழ் தேசியவாதிகள் செயற்படுகின்றனர். முதலமைச்சர் மு கா ஸ்டாலினை அவருடைய மாநிலத்துக்குச் சென்றே சந்திக்க முடியாத தமிழ் தேசியத் தலைமைகள் தற்போது சேடம் இழுத்துக்கொண்டுள்ளனர். பிரதமர் மோடியைச் சந்தித்து தங்களுக்கு ஒட்சிசன் ஏற்றுவதற்கு அவர்கள் கொழும்பில் காத்திருக்கின்றனர்.

தமிழ்நாட்டுக்கும் பிரதமர் மோடிக்குமிடையே பெரும் விரிசல் ஏற்பட்டுள்ளது. திராவிடக் கட்சிகளை ஓரம்கட்ட பிரதமர் மோடி ஈழத்தமிழர்களை பயன்படுத்த வாய்ப்பு உள்ளது. ஈழத்தமிழர்கள் இந்திய மத்திய அரசின் நலன்களுக்காக மீண்டும் பயன்படுத்தப்படும் வாய்ப்பு உள்ளது. ஆனால் அதனைப் புரிந்துகொள்ளும் அளவுக்கு தீவிர வலதுசாரிகளாக இருக்கும் தமிழ் தேசியவாதிகளுக்கு போதுமான அரசியல் அறிவு இருப்பதாகத் தெரியவில்லை.

இலங்கை அரசியலைப் பொறுத்தவரை பாராதிய ஜனதாக் கட்சி புத்தரை கிருஸஷ்ண பகவானின் அவதாரங்களில் ஒன்றாகவே பார்க்கின்றது. இலங்கையில் உள்ள சிங்கள – தமிழ் மக்கள் பௌத்தர்களும் – இந்துக்களும் உறவுகள். கிறிஸ்தவர்களும், முஸ்லீம்களுமே சர்ச்சைக்குரியவர்கள் கையாளப்பட வேண்டியவர்கள். இதனை பாரதிய ஜனதா கட்சியின் தமிழ்நாடு மாநிலத் தலைவர் கலாநிதி அண்ணாமலை வவுனியாவில் மிகத் தெளிவாகத் தெரிவித்திருந்தார். வலதுசாரித் தமிழ் தேசியத் தலைமைகளின் வங்குரோத்து அரசியலால் தமிழ் மக்கள் தங்களுக்குள் சாதி, மாதம், பிரதேசம் என்று பிரிந்துள்ளவர்கள் ஏனைய சமூகங்களுடன் மட்டுமல்ல தமிழகத்துடனும் முரண்பட வேண்டிய நிலைக்குச் சென்றுள்ளனர்.

இலங்கைத் தமிழர்களுடைய பிரச்சினையைத் தவிர்த்து கச்சதீவை இலங்கையிடமிருந்து மீட்க உடனடி நடவடிக்கை எடுக்க வேண்டும் என தமிழக முதலமைச்சர் மு.க ஸ்டாலின் மோடிக்கு கடிதம் எழுதியுள்ளார். இந்தியப் பிரதமர் மோடியின் கரங்களை இறுகப் பற்றி கரையேற வேண்டும் என ஜனாதிபதி அனுரவுக்கு மனோகணேசன் அறிவுரை வழங்கியுள்ளார்.

இலங்கைக்கு வருகை தரும் இந்திய பிரதமர் நரேந்திர மோடியிடம் வடக்கு கடற்றொழிலாளர்களின் விவகாரம் குறித்து பேசுவது மிகவும் முக்கியமானது என முன்னாள் அமைச்சர் டக்ளஸ் தேவானந்தா தெரிவித்துள்ளார்.

இந்தியப் பிரதமருடன் கடற்றொழில் அமைச்சர் மற்றும் வடக்கு கிழக்கு தேசிய மக்கள் சக்தி பாராளுமன்ற உறுப்பினர்கள் உரையாடுவார்களா என்பதும் அரசியலில் முக்கிய பேசுபொருளாக அமையும். வலதுசாரி தமிழ் தேசியத் தலைமைகளும் பிரதமர் மோடியைச் சந்தித்து வடக்கு கிழக்கு தேசிய மக்கள் சக்தி உறுப்பினர்களும் கடற்றொழில் அமைச்சரும் மோடியைச் சந்தித்தால் அது தமிழ் தேசிய கட்சிகளின் நிலையை கீழுறக்குவதாகவே கணிக்கப்படும். இந்தியப் பிரதமர் மோடியின் விஜயம் இலங்கை அரசியலிலும் பார்க்க ஈழத்தமிழர்களின் அரசியலிலேயே கூடிய தாக்கத்தை ஏற்படுத்த உள்ளது.