08

நோபல் பரிசைப் பெற்ற 3வது தமிழர்  என்ற பெருமையைப் தமிழகத்தின் சிதம்பரத்தில் பிறந்த வெங்கி ராமகிருஷ்ணன் எனப்படும் வெங்கடராமன் ராமகிருஷ்ணன்.பெற்றுள்ளார்

1971ம் ஆண்டு இயற்பியலில் பிஎஸ்சி முடித்த இவர் 1976ம் ஆண்டு பரோடா பல்கலைக்கழகத்தி்ல் டாக்டர் பட்டம் பெற்றார். இயற்பியல் பயின்றவர் என்றாலும் உயிரியல் துறையிலும் பெரும் மூளை கொண்ட ராமகிருஷ்ணன், அந்தத் துறையில் காலடி எடுத்து வைத்தார். அமெரிக்காவின் கலிபோர்னியா பல்கலைக்கழகத்தில் உயிரியல் பிரிவு பேராசிரியராக பணியாற்றிய இவர் செல்கள் தொடர்பான தனது ஆராய்ச்சிகளை துவக்கினார். இப்போது லண்டனின் எம்ஆர்சி மாலிகுலார் பயாலஜி ஆய்வகத்தில் தலைமை விஞ்ஞானியாக உள்ள இவர் நோபல் பரிசை வென்றுள்ளார்.

இதற்கு முன்பு சர். சந்திரசகேர வெங்கட்ராமன் (சர். சி.வி. ராமன்) 1930ம் ஆண்டு இயற்பியலுக்கான நோபல் பரிசை வென்றார். புகழ் பெற்ற ராமன் விளைவுக்காக அவருக்கு இந்தப் பரிசு கிடைத்தது. இதைத் தொடர்ந்து 1983ம் ஆண்டு இயற்பியல் பிரிவில் சுப்பிரமணியன் சந்திரசேகர் நோபல் பரிசைப் பெற்றார். இவர் சர்.சி.வி.ராமனின் உறவினர் என்பது குறிப்பிடத்தக்கது.

தற்போது 2009ம் ஆண்டுக்கான வேதியியலுக்கான நோபல் பரிசை வெங்கட்ராமன் ராமகிருஷ்ணன் வென்றுள்ளார். வெங்கட்ராமன் ராமகிருஷ்ணன் தற்போது அமெரிக்க குடிமகனாக இருப்பதால் அமெரிக்கராகத்தான் கருதப்படுவார்.

இந்தியாவில் இதுவரை ரவீந்திர நாத் தாகூர், சர் சி.வி. ராமன், ஹர்கோபிந்த் சிங் குராணா, சுப்ரமணியன் சந்திரசேகர், அன்னை தெரசா, அமார்த்யா சென், வெங்கட்ராமன் ராமகிருஷ்ணன் ஆகியோர் நோபல் பரிசினை வென்றுள்ளனர்.

நாளை மறுதினம் 10 ஆம் திகதி நடைபெறவுள்ள தென் மாகாண சபைத் தேர்தலுக்கான பிரசாரப் பணிகள் யாவும் நேற்று நள்ளிரவு 12.00 மணியுடன் நிறைவடைந்ததாக தேர்தல் திணைக்களம் தெரிவித்தது.

தேர்தல் ஏற்பாடுகள் யாவும் பூர்த்தியடைந்துள்ளதோடு தேர்தல் பணிகளில் ஈடுபடும் அரசாங்க ஊழியர்கள் இன்று பிற்பகல் முதல் வாக்களிப்பு நிலையங்களுக்கு சமுகமளிக்க உள்ளனர். தேர்தல் கடமைகளில் ஈடுபடும் 16 ஆயிரம் பொலிஸார் நாளை முதல் கடமையை பொறுப்பேற்க உள்ளதாக மேலதிக தேர்தல் ஆணையாளர் டபிள்யு. பி. சுமணசிறி தெரிவித்தார்.

நேற்றைய தினம் தென்மாகாணத்தில் பல இடங்களில் ஐக்கிய மக்கள் சுதந்திர முன்னணி மக்கள் விடுதலை முன்னணி ஐக்கிய தேசியக்கட்சி ஆகிய பிரதான கட்சிகள் பல பிரதான கூட்டங்களை நடத்தின.
தென் மாகாண சபைத் தேர்தலில் வாக்களிக்க 17 இலட்சத்து 61,859 பேர் தகுதி பெற்றுள்ளதுடன் 670 வாக்களிப்பு நிலையங்களில் வாக்களிப்பு இடம்பெற உள்ளது. தபால் மூல வாக்குகள் எண்ணும் 13 நிலையங்கள் உட்பட 161 நிலையங்களில் வாக்குகள் எண்ணப்பட உள்ளன.

இந்து சமுத்திரத்திலுள்ள 18 நாடுகளில் எதிர்வரும் 14 ஆம் திகதி ஒரே நேரத்தில் சுனாமி முன்னெச்சரிக்கை ஒத்திகை மேற்கொள்ளப்பட உள்ளதாக இடர்முகாமைத்துவ மத்திய நிலையம் தெரிவித்தது.
 
உலக அழிவுகளை குறைக்கும் தினத்தை முன்னிட்டு இந்தோனேஷியாவை மையமாகக் கொண்டு இந்த ஒத்திகை நடத்தப்பட உள்ளது. இந்த ஒத்திகையில் இலங்கை, இந்தியா,  இந்தோனேஷியா,  மலேசியா, அவுஸ்திரேலியா உட்பட 18 நாடுகள் பங்கேற்க உள்ளன.

இந்தோனேஷியாவில் இருந்து 18 நாடுகளுக்கும் ஒரேநேரத்தில் சுனாமி முன்னெச்சரிக்கை விடுக்கப்பட உள்ளது. அறிவித்தல் கிடைத்து எவ்வளவு நேரத்தில் சுனாமி எச்சரிக்கை குறித்த நாட்டை வந்தடையும்,  எவ்வளவு நேரத்தில் மக்களுக்கு அறிவிப்பது எவ்வளவு நேரத்தினுள் மக்களை வெளியேற்றுவது என்பன குறித்தும் ஒத்திகைகள் இடம்பெற உள்ளதாக இடர்முகாமைத்துவ நிலைய தேசிய இணைப்பாளர் கீர்த்தி ஏக்கநாயக்க கூறினார்.

வவுனியா வில் தடுத்து வைக்கப்பட்டுள்ள அகதிகள் பருவமழை தொடங்கினால் பாரிய அவலங்களைச் சந்திப்பார்கள். எனவே  அகதிகளை இனியும் தாமதிக்காமல் வேறு இடங்களுக்கு மாற்ற வேண்டும் என்று ஐக்கிய நாடுகள் சபை, இலங்கை அரசிடம் அவசர வேண்டுகோள் விடுத்துள்ளது.

ஐக்கிய நாடுகள் சபையின் மனித உரிமைகள் விவகாரங்களுக்கான செயலாளர் நாயகம் ஜோன் ஹோம்ஸ் இந்த வேண்டுகோளை விடுத்துள்ளார். இலங்கை விவகாரம் குறித்து ஊடகவியலாளர் மத்தியில் பேசியபோதே அவர் இலங்கை அரசுக்கு இந்த வேண்டுகோளை விடுத்தார். அவர் அங்கு மேலும் தெரிவித்தவை வருமாறு:

பருவப்பெயர்ச்சி மழையை எதிர்கொள்ளக்கூடிய வகையில் அகதிமுகாம்களில் வசதிகளை ஏற்படுத்திக்கொடுத்தால் மட்டும்போதாது. மழைக்காலத்துக்கு முன்பாக பெரும்பாலான அகதிகள் அவர்களின் சொந்த இடங்களில் சென்று மீள்குடியேற இலங்கை அரசு அனுமதிக்க வேண்டும்.

இந்த அகதிகள் மழைக்காலத்திற்கு முன்பாக அவர்களின் சொந்த இடங்களில் வெகுவிரைவில் மீள்குடியேற்றப்பட வேண்டும். அல்லது அவர்களின் உறவினர்கள் வீடுகளுக்குச் சென்று தங்குவதற்கு அனுமதிக்கப்படவேண்டும். அல்லது இந்த அகதிகளை இடைத்தங்கல் முகாம்களில் தங்கவைக்கவேண்டும். அப்போதுதான் அகதிகள் மழையிலிருந்து பாதுகாப்புப் பெறமுடியும். மழைகாலத்தில் அகதிமுகாம்களில் மழைநீர் தேங்கி நிற்பதால் அகதிகள் பாதிக்கப்பட்டு தொற்றுநோய்களுக்கு ஆளாகிவிடுவார்கள். குறிப்பாக மெனிக்பாம் மக்கள் கடந்த காலங்களில் பெய்த மழை காரணமாக பாதிக்கப்பட்டுவிட்டனர் என்றும் குறிப்பிட்டார்.

வாழும் கலை அமைப்பின் நிறுவனரான ஸ்ரீஸ்ரீ ரவிசங்கர் இலங்கைக்கு விஜயம் செய்துள்ளார். இலங்கை விஜயம் செய்துள்ள ஸ்ரீஸ்ரீ ரவிசங்கர் அவர்கள் இங்கு நடத்திய ருத்ரபூஜையில் பல ஆயிரக்கணக்கான பக்தர்கள் கலந்து கொண்டனர் என தெரிவிக்கப்படுகின்றது.

ஐந்தாவது முறையாக இம்முறை இலங்கை வந்துள்ள ரவிசங்கர் கொழும்பில் நடைபெற்ற ‘ இதயங்களையும், மனங்களையும் இணைப்போம்’ என்ற பெயரிலான நிகழ்ச்சியில் பங்கேற்றார்.

இதில் பிக்குகள், முஸ்லிம் அறிஞர்கள், கிறிஸ்தவ பாதிரியார்கள், இந்துத் துறவிகள் உள்ளிட்ட பலர் கலந்து கொண்டனர்.

இந்த நிகழ்ச்சியின் நிறைவாக ருத்ரபூஜையை நடத்தினார் ரவிசங்கர். இந்த பூஜை குறித்து அவர் விளக்குகையில், ” இயற்கையின் ஒவ்வொரு அம்சத்திலும்,  இறைத்துவம் நிரம்பியுள்ளது. இந்த ருத்ர பூஜையின் மூலம்,  இயற்கையின் அனைத்து அம்சங்களும் மதிக்கப்படுகின்றன, கெளரவிக்கப்படுகின்றன” என்றார்.

தென் மாகாண சபைக்கான தேர்தல் எதிர்வரும் 10ஆம் திகதி சனிக்கிழமை நடைபெறவுள்ளதினால் தென்மாகாணத்திலுள்ள பாடசாலைகள் நாளை வெள்ளிக்கிழமை மூடப்படும் என  கல்வி அமைச்சு தெரிவித்தது. நாளை மூடப்படும் பாடசாலைகள் திங்கட்கிழமை வழமைபோல இயங்க ஆரம்பிக்கும்.

தேர்தல் கடமைகளில் ஈடுபடும் அரசாங்க உத்தியோகத்தர்கள் வெள்ளிக்கிழமை காலைக்கு முன் தமக்குரிய வாக்களிப்பு நிலையங்களுக்கு சமுகமளிக்குமாறு தேர்தல் திணைக்களம் வேண்டியுள்ளது. பெரும்பாலான வாக்களிப்பு நிலையங்கள் பாடசாலைகளிலே அமைக்கப்பட்டுள்ளமை குறிப்பிடத்தக்கது.

அம்பாந்தோட்டை சர்வதேச துறைமுகத்தில் நிர்மாணிக்கப்படவுள்ள 15 மாடிகளுடன் கூடிய நிர்வாகக் கட்டடம் மற்றும் எண்ணெய் களஞ்சியசாலை என்பவற்றுக்கான அடிக்கல் நாட்டு விழா ஜனாதிபதி மஹிந்த ராஜபக்ஷவின் தலைமையில் நேற்று (7) இடம்பெற்றது.

அம்பாந்தோட்டை சர்வதேச துறைமுக நிருமானப் பணிகள் கடந்த வருடம் ஜனவரி 15ஆம் திகதி ஆரம்பிக்கப்பட்டன. இத்துறைமுகத்தினுள் 15 எண்ணெய்க் குதங்கள் நிர்மாணிக்கப்படவுள்ளதோடு இதற்கு 76,581,774 அமெரிக்க டொலர்கள் செலவிடப்பட உள்ளதாக இலங்கை துறைமுக அதிகாரசபை கூறியது.

அதில் கப்பல்களுக்கு எண்ணெய் விநியோகிப்பதற்காக 8 குதங்களும் விமானங்களுக்கு எண்ணெய் விநி யோகிப்பதற்காக 3 குதங்களும் எல். பி. காஸ் விநியோகிக்க 3 குதங்களும் அடங்கு வதாக அதிகாரசபை கூறியது.

ஐரோப்பிய ஒன்றியத்தின் பணிகளை ஒழுங்குபடுத்தும் நோக்கில் லிஸ்பன் உடன்படிக்கையை அங்கீகரிக்கத் தேவையான அனைத்து ஏற்பாடுகளும் தமது நாட்டில் உள்ளதாக செக் பிரதமர் யான் பிஷ்ஷர் கூறியுள்ளார். இந்த ஆண்டின் இறுதிக்குள் இந்த உடன்படிக்கை செக் நாட்டால் அங்கீகரிக்கப்படும் என்று தான் நம்புவதாக செக் நாட்டின் பிரதமர், ஐரோப்பிய ஒன்றியத்தின் அதிபர் ஜொஸ் மேனுவல் பரோசோவை சந்தித்துப் பேசிய பிறகு கூறியுள்ளார்.

இந்த உடன்படிக்கைக்கு செக் நாடாளுமன்றம் ஒப்புதல் அளித்துள்ளது. ஆனால் செக் அதிபர் இதற்கு ஒப்புதல் அளிக்க மறுத்து வருகிறார். ஐரோப்பிய ஒன்றியத்தின் 27 நாடுகளும் ஒப்புதல் அளித்த பிறகுதான் லிஸ்பன் ஒப்பந்தம் அமலுக்கு வரும்.