யாக்கையின் வாழ்க்கை!!! நோர்வே நக்கீரா

சப்பெனத் திரிவதைவிட
ஒப்பனை தப்பல்ல நக்கீரா
இளமைத் தோற்றங்கொளின்
மனதும் இளமைகொள்ளுமே

ஒப்பனை கேடு சொல்லி
அப்பனாய் கவிதை ஒன்று
நக்கீரன் தந்துள்ளார்

அளவான ஒப்பனைகள்
அழகான குடும்பத்துக்கு
அதுக்கான சிறு குறிப்பு
அன்போடு பல்லியிவன்

வாசலிலே கோலமிட்டு
வீட்டுக்கு அழகென்றால்
முதுகிலே கோலமிட்டு
ஒப்பனையின் இலக்கணமாம்

இமை காக்க முடியில்லை
இதனாலே கவலையில்லை
கண் மீது கரு வளயம்
கரும் பேனா துணையுடனே

அளவான உடுப்பில்லை
ஆனாலும் அழகென்பார்
பல் கூட துலக்காமல்
அதுக்கும் ஒப்பனையாம்

இங்கேபார் என்பதுபோல்
இடுப்பின் கீழ் சிற்றாடை
இளசுகள் வட்டத்துக்கோ
இதனாலே தடுமாற்றம்

வறுமையின் கோலத்தால்
காதிலே தோடில்லை-அன்று
ஒப்பனையின் வேகத்தால்
நாவிலேயும் தோடுண்டு- இன்று

உள்ளாடை தெரியட்டாம்
உடுப்பு கடை முதலாளி
அது தெரிய உடுக்கட்டாம்
ஒப்பனையின் மேஸ்த்திரிகள்

முடியில்லா முகத்திலே
மீசையுடன் தாடி உண்டு
முடிஉள்ள தலையேனும்
மொட்டைதான் ஒப்பனையாம்

கண்ணுக்கு மை அழகு
ஒப்பனையில் எழுதியது
தொடர்வதனால் அது கேடு
மருத்துவமே சொல்லுகிறது

ஒப்பனையை ரசிப்போம் நாம்
சினிமாவிலும் ராமாவிலும்
வாழ்க்கை என்ன சினிமாவா
ஒப்பனையை வரவேற்க;

நட்புடன் பல்லி;

என்னத்தைச் சொன்னாலும் பல்லி இப்ப நல்லாய் கவிதை எழுதப் பழகிட்டார். வாழ்த்துக்கள் பல்லி.

முடியில்லா முகத்திலே
மீசையுடன் தாடி உண்டு
முடிஉள்ள தலையேனும்
மொட்டைதான் ஒப்பனையாம்

நக்கீரா மிஸ்பண்ணிய ஆண்களின் ஒப்பனையையும் பல்லி கவர் பண்ணீட்டார்.

பல்லியைக் காணவில்லை என்று கவலைப்பட்டேன். கோடைவிடுமுறையைக் கழிக்க எங்காவது பயணித்து விட்டாரோ என்றெண்ணினேன். நான்விட்டதை பல்லி தொடர்ந்திருக்கிறார்.

பல்லி கலக்கிறார்
கலக்கிறது அடிவயிறு

கன்னிகள் எல்லாம்
கனிகளாகி
கன்னிகழிகிறது
13வயதில்
சீதணம் இன்றி
இதுவும் ஒப்பனையாம்
நாகரீகத்தின் கற்பனையாம்
குழந்தை குழந்தை பெறும்
கோலம்தான் ஒப்பனையாம்

தோடு குத்த இடமின்றி
தொப்பிளிலும் தோப்பையிலும்
கண்காணா இடமெல்லாம்
காட்டவென்றே குத்துகிறார்
குத்திக் குத்தியே
கண்கெட்டுப்போய் பின்
புண்பட்டுப்போனதோ?

அப்புவின் கோவணம்
ஐரோப்பாவில் நாகரீகம்

பணம் பிதுங்கும் நாடுகளில்
உடையின்றி அவலங்கள்
உடைக்குப் பதில்
உடலில் கீறப்படும்
உடையில்லா வரைபடங்கள்.
வரைபடமே உடையாகும்
ஒப்பனை தனையும்
கண்டீரோ?
ஒப்பனை செய்ய
கீறவிடமின்றி
அங்கேயும் கீறுகிறார்கள்
இனி எங்கெங்கு கீறிக் கிளிப்பார்களோ?

தடிமன் வராதிருக்க
தலையெடுத்த கதைபோல
முடியில்லா மண்டையில்
மொட்டையும் ஒப்பனையே
நன்றி பல்லி

பிற்குறிப்பு: யாக்கை-மெய் என்பது உடல் அல்லது உடம்பு என்பது பொருள். இனி மீண்டும் ஒருதரம் கவிதையைப் படித்துப் பாருங்கள். கவிதையில் புதுவடிவம் தென்படும்

அழகியல் குறிப்பிற்கு
இழகிய இதயத்தால்
நன்றியோ நன்றி பல்லி

மரத்தில் இருந்து
குதித்த குரங்கு
ஆடை அணிந்தே
நாகரீகம் ஆனது

படுக்கையை விட்டெழுந்து
உடுப்பை மறந்து விட்டு
தடக்கி விளவென்று
மிதுவடி இட்டுக்கொண்டு
இடக்கு மிடக்காய்
போகிறார்கள் பெண்கள்
நாகரீகம் நாறுகிறது.

குளிக்கப்போன பிள்ளை
குறுக்குக்கட்டுடன்
குதிக்கால் அணியுடனும்
குதித்துக் குதித்து
போவது கண்டு
குரங்கு கூடக்
குனிந்து பார்த்தது.
புரிந்துகொண்டது
குரங்கு நாகரீகத்தை.

குண்டூசி குத்த இடமின்றி
வண்டியிலும் குண்டியிலும்
எப்போ தொண்டையில்?

குழந்தைகள் சீ சீ என்பது
சொல்லப் மொழி சீச்சீ
சோறுக்கு சீ
சோச்சீ
பாலுக்கு சீ……?
என்று கேட்கிறார்கள்
திறந்த மனத்துடன்
தேவதைகள் போகும் போது

உடலுக்கு உடைபோய்
உடைக்கு உடலானது
உலகம்
காசிருந்தும்
காய்கிறது வயிறு

சிலிக்கோனில்
பாலில்லை என்று
அலறுகிறான் பாலகன்
அம்மா யாருக்கே
கடன் கொடுத்து விட்டாளாம்
அப்பா சொல்கிறார்

எந்த துச்சாதனம்
ஐரோப்பிய அவையில்
துயில் கலைந்தான்.
துரொபதியாகத்
திரிகிறார்களே
தெருக்களெங்கும்
தேவதைகளின் தேக(ச)ம்.
தேவதைகள் அல்ல
தேவ வதை வதை தேவதை
தேவதைகளே
தேகத்தைத் தையுங்கள்
தேசியம் தெரியும்:
உங்கள் தேகம் போல்
கிடக்கிறது எம்தேசியம்.

தேசியம் அல்ல இது
தேச அவம்

இதுவும் நகைச்சுவைக்காகவே

பல்லி மனம்திறந்து சொல்கிறேன். உங்களது கவிதைகள் அருமை. சொற்களை அழகாக அடுக்குகிறீர்கள். தேசத்தில் ஒரு பரீட்சாத்தமாகதான் கவிதை போடப்பட்டது. பின்புதான் புரியவந்தது. பல்லியைப்போல் பலர்கவித்துவத்துடன் எத்தனைபேர் ஒழிந்திருக்கிறார்கள் என்று. அசிங்கங்களைக் கூட அழகாகத் தரக்கூடியது கவிதை.

கவியின் விதையே
கவிதை
கவிதாவி கடுதாசியில்
விழுந்தாலும் கவிதை
கருவின் விதையல்லவோ
கவிதை

இது என்கவிதைக்கான கவிவரைறை. நான் பல்லிக்கவிதையின் இரசிகன். தொடர்ந்து எழுதுங்கள்.