யூடியூப்பர் SK கிருஷ்ணாவுக்கு சிறை !
யூடியூப்பர் SK கிருஷ்ணா அவருடன் உதவி செய்வது போன்றதான வீடியோ உருவாக்கத்தில் ஈடுபட்ட நால்வருக்கு 14 நாட்களுக்கு விளக்கமறியலில் வைக்குமாறு மல்லாகம் நீதிமன்றம் உத்தரவிட்டுள்ளது.
தேசம்நெற்றில் கடந்த சில தினங்களாகவே சுட்டிக்காட்டப்பட்டு வரும் யூடியூப்பர் கிருஷ்ணாவின் உதவி செய்யும் காணொளிகள் பெரும் சர்ச்சையை ஏற்படுத்தயிருந்தமை தெரிந்ததே. கிருஷ்ணா ஒரு வீட்டிற்கு சென்று உயர்தர வகுப்பு பரீட்சையில் ஏ, 2பி எடுத்த இளம் மாணவியை அநாகரீகமாக நடத்திய காணொளி சர்ச்சையை ஏற்படுத்தியது. இவ்வாறான பின்னணியில் அவர் உட்பட நால்வர் ஞாயிற்றுக்கிழமை (March 09) அந்த வீட்டுக்கு மீண்டும் சென்றவேளை ஊர் இளைஞர்கள் அவர்களை மடக்கி பிடித்து இளவாலை பொலிஸ் நிலையத்தில் ஒப்படைத்தனர். இதனைத் தொடர்ந்து மார்ச் 10இல் எஸ் கே கிருஷ்ணா மல்லாகம் நீதிமன்றில் ஆஜராக்கப்பட்டதும் குறிப்பிடத்தக்கது
