சொறிப் புள்ளைக்கொரு பொம்பிளை தேவையோ? : ஈழமாறன்

ஈழமாறனின் இந்தக் கட்டுரையை வாசிக்கும் போது ஈழமாறனை ஈழத்துச் சோ என அழைக்கலாமோ என்று தோன்றுகின்றது. காரணம் சோவும் அரசியலில் எல்லோரையும் விமர்சிப்பார் ஆனால் பிரைச்சினைக்குரிய தீர்வொன்றையும் வைக்க மாட்டார். அதே நிலை தான் இங்கு ஈழமாறனின் கட்டுரையிலும் காண்கின்றேன். முதலில் இன்று வன்னியில் அகப்பட்டுள்ள மக்களில் கிட்டத்தட்ட 25 வீதத்திற்கு மேல் யாழ்ப்பாண அப்பாவி தமிழர்களும் அடங்குவார் என்பது எப்படிக் கட்டுரையாளருக்கு தெரியாமல் போனது. இவர்கள் 95 இல் யாழ்ப்பானத்திலிருந்து புலிகள் விரட்டியடிக்கப்பட்ட போது புலிகளின் பின்னால் ஓடி வந்தவர்கள்.

ஆயுதப் போராட்டமாக விடுதலைக்காக ஆரம்பிக்கப்பட்டு அது பின் திசைமாறி சகோதரப்படுகொலைகளாக என்று பரிநாமம் பெற்றதோ, அன்று ஆரம்பித்தது தமிழனின் அழிவு. இந்தச் சகோதரப்படுகொலைகளை ஆரம்பித்து வைத்தவர்கள் புலிகள் தானே?? பின் மற்றைய இயக்கங்களும் பழிக்குப் பழி வாங்குவதாக அவர்கள் பங்கிற்கும் தொடங்கினார்கள்.

டக்கிளஸ் போன்றவர்கள் செய்த பாவங்களுக்கு பரிகாரம் செய்வது போல் தற்போது பல நல்ல காரியங்களும் செய்யத் தொடங்கியுள்ளார்கள். இதை மறுக்க முடியாது. டக்கிளஸின் அமைப்பிலிருந்ததற்காகவே மகேஸ்வரி வேலாயுதத்தைக் கூட புலிகள் போட்டுத் தள்ளினார்கள். ஆனால் சிறையிலிருந்த பல தமிழரை (புலிப் போராளிகள் உட்பட) வெளியில் மீட்டெடுப்பதில் தான் பெரும் பங்காற்றியபடியால் தனக்கு என்றும் ஆபத்திருக்காதென்ற நம்பிக்கையிலேயே மகேஸ்வரி வேலாயுதம் இருந்தார். ஆனால் புலிகள் உண்டி கொடுத்தவனுக்கே வாய்க்கரிசி போடும் வல்லவர்கள் என்பதை மீண்டும் நிரூபித்தவர்கள். அதுவும் பெண்களைக் கொல்வதென்றால் அவர்களுக்கு அலாதி பிரியம். ரஜனி திரணகமவில் தொடங்கி திருமதி யோகேஸ்வரன் என்று தொடர்ந்து நீணடு கொண்டிருந்தவை அந்தப் பட்டியல். ஆனால் புலிகளால் போட்டுத் தள்ளப்பட்ட பொதுமக்களின் எண்ணிக்கையை சரியாகக் கட்டுரையாளர் அறியவில்லையென்பது அவரின் கட்டுரையில் தெளிவாகவே தெரிகின்றது.

மகிந்த ஆட்சிக்கு வந்த போது புலிகளே மகிந்த வித்தியாசமானவரென்ற ஒரு புகழுரையை முன் வைத்தனர். அதை நிரூபிப்பது போல் புலிகளை முறியடிப்பதில் முன்பு ஆட்சியிலிருந்தவர்கள் செய்த தவறுகளை சரிசெய்து தனது சாதுரியத்தால் இன்று வித்தியாசமாகவே புலிகளுக்கெதிரான போரை கையாண்டு வெற்றிக் கனியையும் பறித்திருக்கின்றார். மாவிலாற்றில் புலிகள் ஆரம்பித்த போர் இன்று மணலாற்றையும் தாண்டி மகிந்த அரசின் வெற்றியை பறைசாற்ற வைத்திருக்கின்றது. இதற்கு யார் காரணம் என கட்டுரையாளர் ஏன் சிந்திக்கவில்லை??

மகிந்த அரசு ஒரு நியாயமான அரசோ இல்லையோ என்பதை, எனி வரும் காலங்களில் அவ்வரசு மேற்கொள்ளும் நடவடிக்கைகள் மூலமே தீர்மானிக்க முடியும். மகிந்த அரசு வன்னிப் போரில் முழுத்தமிழரையும் அழிக்க நினைத்திருந்தால் தாராளமாக அழித்திருக்கலாம். புலிகளின் இணையத்தளங்கள் பொதுமக்கள் போர்பயிற்ச்சி பெறுகின்றார்கள் என்று புலுடா விட போட்ட படங்களையே வெளிநாடுகளுக்குக் காட்டி அநேகரும் புலிகள் தான் என்று பம்மாத்தும் காட்டியிருக்கலாம். வெளிநாடுகளும் பெயருக்கு அந்த் தடை, இந்தத் தடை என்று கொஞ்சக்காலம் தங்கள் பங்கிற்கு பம்மாத்துக் காட்டிவிட்டு பின் தடைகளையும் எடுத்தவிட்டு எல்லாவற்றையும் மறந்திருப்பார்கள்.

இன்று பொதுமக்களின் இவ்வளவு அழிவுகளுக்கும் புலிகளே காரணம் என்பது கட்டுரையாளருக்கு புரியவில்லையா?? பொதுமக்களுக்கான பாதுகாப்புப் பிரதேசமாக அரசாங்கத்தால் அறிவிக்கப்பட்ட பிரதேசங்களுக்குள் புலிகளுக்கென்ன வேலை?? எல்லாவற்றையும் கருணா கிளப்பிய பிரதேச வாதம் போல் கட்டுரையாளரும் கிளப்பி திசை திருப்ப நினைப்பதேனோ??

எனியும் அடுத்தவரில் குறைசொல்வதையும் பிரதேச வாதங்களை கூறி சுகம் காண்பதையும் ஒதுக்கி வைத்துவிட்டு, முதலில் புலிகளின் பிடிகளிலிருந்து தப்பி வந்த அந்த மக்களுக்கு எவ்வகையில் உதவலாமென்பதை ஒருமித்து சிந்தித்து செயற்படுத்த முன் வாருங்கள். அதன் பின் எமக்கான சரியான அரசியல் தலைமைகளைத் தெரிவு செய்து அவர்கள்களோடு ஒருங்கிணைந்து ஒரு உன்னதமான தமிழ்ச் சமுதாயத்தை கட்டியெழுப்புவோம்.

தற்போது தமிழர்கள் படும் இன்னலுக்குள் எப்படியோ காயங்களுடன் நடமாடிக் கொண்டிருக்கும் அரசியல் தலைமைகளைப் பற்றி வாங்கு வாங்கென்று வாங்கியிருக்கிறீர்கள் சரி> மகாப்பெரும் பலத்துடன் பாராளுமன்றம் சென்ற 22 ஜயும் விட்டுவிட்டீர்களா? அவர்கள் ஏகப்பிரதிநிதித்துவத்திற்குள் அடக்கமானவர்கள் என்பதாலா அல்லது ஜடங்கள் என்பதாலா தவிர்த்தீர்கள்.

இன்றுள்ள எந்தத் தலைமையும் வென்றெடுக்காது என்று புதிய தலைமையைக் கொண்டுவரப்போகிறீர்களா? அதுவரை தமிழ் மக்கள் மகிந்தவின் தலைமையை ஏற்கட்டும் என்கிறீர்களா?

நான் ஒரு யாழ் வாசி. தமது சொந்த வாழ்வில் எதையும் இழக்காத வெளிநாட்டுத் தமிழர்களுக்குத் தெரியாது நாம் எமது பிள்ளைகள் வளர சிறிது நிம்மதியான சூழலுக்காக ஏங்குவது. எந்தத் தலைமையும் தமிழரின் அரசியல் பிரச்சினையைத் தீர்க்காது என்று எங்களுக்குத் தெரியும் அதனால் தான் எங்கள் சொந்தப் பிரச்சினையைத் தீர்த்துவைக்கிற தலைமையாவது எமக்கு இருக்கட்டுமே என்கிறோம்.

இங்கே மக்கள் நாளாந்தம் எத்தனையோ தவிர்க்கமுடியாத தேவைகளை நிறைவேற்ற முடியாமல் (அவற்றை என்னால் பட்டியலிட முடியவில்லை) திணறுகிறார்கள். அவர்களை வெந்து சாக விட்டுவிட்டு புதிய தலைமையைத் தேடி எங்களால் அலைய முடியாது. இன்றைய விளம்பரயுகம் பிரசார வசதிகள்> அந்தத் தலைமையை வெளிநாடு ஒன்றிலிருந்து கொண்டு வந்து சேர்க்கும். அந்தத் தலைமை பல பட்டங்கள் பதவிகளுடன் மக்களை உங்களையும் ஏமாற்றும் சிறந்த தந்திரங்கள் நிறைந்ததாக வந்து இறங்கலாம்!

கொலைகளை யார் செய்கிறார்கள்?
எல்லோரும் செய்கிறார்கள்-
எதற்காகச் செய்கிறார்கள்?
தமிழ் மக்களை விடுவிக்க என்கிறார்கள்-
எந்தச் சிறையிலிருந்து?
ஒரேயொரு சிறைதான் என்றார்கள் –
ஒன்றின் மேல் ஒன்றாய்>
கொலைகளும் நீள்கிறது –
சிறை வேலிகளும் கட்டப்படுகிறது

Well done.
Why nobody talked about akka’s open writing on her discussions with the Norwegian High Commissioner?

புலிகள் அராஜகவாதிகள் என்று வாய் கிழிய பேசிக் கொள்ளும் டக்ளஸ் தேவானந்தா யாழ்ப்பானத்திலிருந்து புலிகள் விரட்டியடிக்கப்பட்டபின் செய்து முடித்திருக்கும் கொலைகளின் எண்ணிக்கை உதிரம் உறைந்து போகும் செய்தி. புலியைக் கண்டவனை கண்டவனைப் பற்றிச் சொன்னதை கேட்டவனை கேட்டுக்ககொண்டு நின்றததைக் கண்டவனை பக்கத்தில் நிண்டவனை என்று சுட்டுத்தள்ளப் படும் அப்பாவி மக்களின் பிணங்களை சில வேளை நாம் எண்ண மறந்திருக்கலாம். மகிந்தவும் பிரபாவும் சுட்டுக் குவிக்கின்ற பிணங்களின் எண்ணிக்கை அதை விட கூட என்பதாலும் கொல்லப் படப்போபவர்களில் அண்ணையும் ஒருவர் என்றதாலும் தமிழ் போறம் காறருக்கு இந்தக் கணக்கு ஒன்றும் பெரிதாகப் பட்டிருக்காது.

தீவுப் பகுதியில் சின்னஞ் சிறு பிள்ளைகள் உட்பட தாய் தகப்பன் என்று ஒரு குடும்பத்தையே படுக்கையில் வைத்து சுட்டுப் பொசுக்கியது மாத்திரமல்லாமல் உத்தரத்தில் கட்டித் தொங்க விட்டு, புலி ஆதரவாளர்களுக்கு கெலிவரச்செய்ததை யாரும் வெகு சீக்கிரத்தில் மறந்து விட முடியாது. பின் வளவில் தெரு முனையில் கடற் கரையில் பள்ளிக்கூட மைதானத்தில் என்று சுட்டுத் தள்ளப்பட்ட யாழ்ப்பாண மக்களின் எண்ணிக்கை புலிகள் யாழ்ப்பாணத்தை கட்டுப்பாட்டில் வைத்திருந்த போது சுட்டுப் பொசுக்கிய மக்கள்இ போராளிகளின் எண்ணிக்கையை விட அதிகமானது என்பது ஒரு அப்பட்டமான உண்மை. புலிகள் அல்லது ஆதரவாளர்கள் என்று ஈபிடிபி சுடுவது நியாயம் என்றால் நீங்கள் புலிகளை அராஜகவாதிகள் என்று சொல்வதற்கு என்ன தகுதி இருக்கிறது”///

கட்டுரையாளரும் ஊருக்கு போய் கனகாலமாயதான் இருக்கும். மேற் சொல்லப்படும் குற்றங்கள் அபாண்டமானவை. அவற்றிற்கு காலம் தக்க பதில் சொல்லும். பல தொண்டர்களை புலிக்கு பலி கொடுத்து தாக்குப்பிடித்த அமைப்பு ஈபிடிபி. அது தேவையா இல்லையா என்பதை மக்கள் முடிவு செய்வார்கள்.

கட்டுரையைப் படிக்கும் போது பிரதேச வாதம் மிகையாக தூக்குகிறது. ஆனந்தசங்கரிகள் யாழ்ப்பாணத்திலும் இருக்கிறார்கள். 2002 ல் ஊருக்கு வராதே என்ற உறவினர்கள் வந்து பார் என்கிறார்கள். நிம்மதி என்கிறார்கள்.அதை நிலைபெற செய்ய வேண்டிய வேலைகளே இன்று தேவை.
காயங்களை கிளறி சொறியும் வேலை வேண்டாம்!

You make an impression in your article that no one rather than you and TNA has not got the ability to speak about the tamil cause, do you have this ability in your own?
The whole tamil community contains not only politicians like you and TNA but also different kind of people and their own political approach. In my opinion in a democratic political system no one should join under an umbrella to voice his own problem as you mentioned in your article?

ஈழமாறன் .. நாங்கள் புரட்சிக் கருத்துக்களை உதிர்க்க வேண்டும் என்பதற்காகமட்டும் எல்லோரையும் நோக்கி சுட்டுவிரலை நீட்டக்கூடாது. நடைமுறை எதார்த்தங்கள் சாத்தியமான தீர்வுகள் பற்றிகதைப்பதே நல்ல கருத்து. மக்கள் மக்கள் என்று மக்களைக்காட்லும் அதிகமானோர் மக்களைப்பற்றி கதைத்துக்கொண்டிருக்கிறோம்…

பல்லி மட்டும்தான் எல்லாரையும் விமர்சித்து எல்லோரிடமும் திட்டு வாங்கி வந்த தேசத்தில் ஈழமாறன் வரவு பல்லிக்கு தெம்பாக உள்ளது. சில வேளைகளில் பல்லியே தன்னை தானே திட்டி கொள்ளும். காரனம் எல்லோரையும் விமர்சித்தால் யார்தான் செயல்படுவதென. ஆனால் ஈழமாறனின் கட்டுரைக்கு பின் பல்லி போல் பலர் மக்களை மக்களே ஆள வேண்டுமென நினைக்கின்றனர். ஆனால் அதிகாரங்களும் கொலை மிரட்டல்களும் அவர்களது கருத்தை இருட்டில் முடங்க செய்கிறது. ஆகவே பல்லியை பொறுத்த மட்டில் புலி இருந்து சிங்கம் வரை விமர்சிக்கபட வேண்டிய மிருகங்களே.
இடையில் புகுந்து திருட்டுபால் குடிக்கும் பூனைகளும் மக்கள் முன் குற்றவாளிகளே. இவர்களுக்குள் உள்ள ஒற்றுமை புலி தப்ப விட்டவர்களை இவர்கள் கொல்வார்கள். இவர்களுடன் பேசினாலே புலிகள் போடுவார்கள். ஆகவே ஈழமாறனின் கட்டுரையில் பல்லிக்கு உடன்பாடுதான்.

புலிகளோ , தமிழ் தலைமைகளோ கொண்டு வராத ஒரு தீர்வையும் , தமிழர் மனங்களை வென்றெடுக்கும் முயற்சியையும் மகிந்த செய்ய முயல்கிறார் என்பதையும் அண்மைக் கால நிகழ்வுகளைப் பார்க்கும் போது தெரிகிறது.

மகிந்த தரப்பால் அவருக்கு எதிரானவர்களை விட ஏனைய தமிழரிடத்தில் அன்யோன்யமாகவே இருக்கிறார். ஆனால் அவருக்கு எதிராக அண்மைக் காலம் வரை இடம் பெற்ற பிரச்சனைகளை வெருட்டியோ அல்லது ஆயுத வழியோ நடத்தி வெற்றி பெற்றுள்ளார்.

ஒரு நாட்டில் பல காலமாக புரையோடிப் போயிருக்கும் ஒரு பூதாகரமான இனப் பிரச்சனையை தீர்க்க “மயிலே மயிலே இறகு போடு” தன்மை சரி வராது. ஒரு தீர்க்கமாக முடிவெடுக்கும் தலைமை தேவை. அது மகிந்தவாக இருக்கும் என்று பிரபாகரனைத் தவிர வேறு எவரும் கனவிலும் நினைத்திருக்க மாட்டார்கள். அதனால்தான் மகிந்த ஜனாதிபதியாக பிரபாகரன் உதவினார்.

மகிந்த மற்றும் மகிந்தவை சுற்றியுள்ளவர்கள் அனைவரும் இதுவரை இல்லாத ஒரு பரிமாணத்தில் சிந்திக்கிறார்கள். யாரை வைத்து எதை செய்ய வேண்டுமோ அதை சரியாக நகர்த்துகிறார்கள். உலகத்தையே தம்மால் கட்டுப்படுத்தும் அளவுக்கு அவரது சாணக்கியம் உயர்ந்திருக்கிறது என்றால் லோக்கல்கள் எம் மாத்திரம்?

மகிந்த கீழ் மட்டத்தில் இருந்து உயர் நிலைக்கு வந்தவர். உயர்குல சிங்களவர்களைத் தவிர தெற்கு சிங்களவர்கள் எவருமே அரசியலில் ஒரு உயர் நிலைக்கு வராத தன்மையே இருந்தது.பிரேமதாஸ கூட கொழும்பு மக்களின் பலமும் , வாய் பேச்சு வல்லமையும் , சில பிடிகளையும் வைத்துக்கொண்டு ஜேஆரை மிரட்டியே தன்னை உயர்த்திக் கொண்டார்.

கண்டி உயர் குல சிங்களவரிடமிருந்து இம் முறைதான அதி உயர் பதவியொன்று கீழ் மட்ட சிங்களவர்களுக்கு எட்டியுள்ளது. தவிரவும் மாத்தறை பகுதியில் வாழும் தமிழ் – முஸ்லீம்களது பலம் பலவீனம் என்பதை நன்கே அறிந்தவர் மகிந்த. ஆரம்ப காலம் தொட்டே தமிழர்களோடு மிக நெருக்கமாகவே மகிந்த இருந்து வந்துள்ளார். அதனால் அவர் தமிழ் பேசுவதை விட தமிழ் நன்றாகவே புரியும்.

இதனால்தான் மட்டக்களப்பை கிஸ்புலாவை தவிர்த்து பிள்ளையானுக்கும் , யாழ்பாணத்தை டக்ளஸுக்கும் கொடுத்தார்.இங்கே சித்தார்த்தரைக் கூட தள்ளியே வைத்துள்ளார். தமிழரிடம் உள்ள சாதி முரண்பாடுகளைக் கூட அவர் நன்கு அறிந்தே வைத்துள்ளார்.

இவை அனைத்தையும் விட மிக முக்கியமானது ஒன்று உள்ளது. இதுவரை இலங்கையில் ஆட்சி செய்த எந்த ஒரு தலைமையின் உறவும் படைகளில் தலைமைத்துவத்துடன் இருந்தததேயில்லை. அது அவர்களுக்கு எந்த ஒரு முடிவையும் எடுக்க பாதகமாகவே இருந்தது. எந்த ஒரு உறுதியான முடிவுவை எடுக்கவும் அச்சத்துடனே எடுக்க வேண்டி இருந்தது. அந்த அச்சமேயில்லாது முடிவெடுக்கும் ஒரு தலைவராக மகிந்த இருப்பதற்கு கோட்டாபய காரணமாக இருக்கிறார். மக்களை அணுகி சமயோசிதமாக காரியங்களை சாதிக்கும் திறனுடன் பசில் இடம் இருப்பதால் , அதற்காகவும் கீழ் மட்ட அதிகாரிகளை நாட வேண்டியதில்லை.

சிங்களவர்களே அஞ்சும் அளவுக்கு மகிந்தவின் பலம் இருப்பதால்தான் ஜேவீபீ கூட அளவோடு கோஸம் போடுகிறது. எல்லை தாண்டினால் பேச வேண்டியவை பேசும். ஜேவீபியை மட்டுமல்ல ஐதேக பல கூறுகளாக சிதறியே இருக்கிறது. சிங்கள தேசியவாதம் பேசும் கெல உறுமய கூட அடக்கியேதான் வாசிக்கிறது.

தற்போதைய நிலையில் வன்னியை மீட்பதுடன் அந்த மக்கள் மனங்களை வெல்லும் பணியை மகிந்த அரசு சார்ந்தவர்கள்தான் செய்கிறார்களே ஒழிய வேறு எந்த தமிழ் கட்சியும் அதற்குள் செல்லவே இல்லை.

சுனாமி காலத்தில் புலிகள் முக்கியமாக கடைப்பிடித்த ஒரு விடயம் , அரச மற்றும் ஏனைய நாடுகள் கொடுத்த உதவிகளை அவர்கள் பொறுப்பேற்று மக்களுக்கு பகிர்ந்தளித்தார்களே தவிர நேரடியாக அவர்களுக்கு அந்த உதவிகளை வழங்க சந்தர்ப்பத்தை வழங்கவில்லை. பாதிப்புக்கு உள்ளான மக்கள் பெற்ற உதவிகளை புலிகள் வழங்கியதாகவே பெரும்பாலான பொது மக்கள் நம்பினர். இதை அங்கு சென்று பணியாற்றியவர்களால் நேரடியாகக் காண முடிந்த காட்சிகள். முல்லைத்தீவு போன்ற பகுதிகளுக்கு SLMயைத் தவிர வேறு எவரையுமே புலிகள் செல்ல அனுமதிக்கவே இல்லை.

அதையே மகிந்த பின்பற்றுகிறார். நேரடியாக எவரையும் இடைத் தங்கல் முகாம்களுக்கோ அல்லது ஏனைய பகுதிகளுக்கோ சென்று உதவுவதை கட்டுப்படுத்தியே வருகிறார். இதனால் அரசே பாதக்கப்பட்ட மக்களுக்கு உதவியதான தன்மையை உருவாக்குவதோடு , தேவையற்ற பிரசாரங்களையும் தடுப்பதற்கு அது வழி செய்துள்ளது.

“வன்னியில் இருக்கும் மக்கள் அனைவரும் புலிகள்.அவர்களை மீட்க எதற்காக நம் வீரர்களை பலி கொடுக்க வேண்டும்” என மகந்தவிடம் கெல உறுமய கூறிய போது “அங்கே புலிகள் கொஞ்சம். அப்பாவிகள் அதிகம். அவர்களும் இந்நாட்டின் மக்கள்.அவர்களுக்கும்தான் நான ஜனதிபதி” என கடிந்துள்ளார்.

ஏற்கனவே கெல உறுமய புத்த பிக்குகளுக்கு ஜேவீபீ ஊடாக மகந்த தாக்குதல்களை தொடுத்தார் என்பது கெல உறுமயவுக்கு தெரியும். அவர்களையும் இரண்டாக பிளவு படுத்தினார். இன்று அதைச் செய்த ஜேவீபியினருக்கும் அதே தாக்குதல் தொடரவே செய்கிறது.

எனவே தமிழருக்கான அதிகார பகிர்வோ அல்லது தீர்வோ மகிந்தவால் வரும் என நம்பலாம். அவரை எதிர்க்க தமிழன் என்ன? சிங்களவனே நிற்க மாட்டான்.

பலமான ஒரு தலைமை இல்லாத போது ஒரு தீர்க்கமான முடிவு எடுக்க முடியாது.
அது சர்வாதிகாரமாகவோ அல்லது அதன் தன்மையோடோ இருத்தல் வேண்டும்.

இலங்கை சரித்திரித்திலேயே மகிந்த போன்ற பலமான ஒரு தலைவன் இல்லாமை தமிழர் -முஸ்லீம்களுக்கு மட்டுமல்ல ஒட்டு மொத்த சிறீலங்காவின் மக்களுடைய பிரச்சனைகளை தீர்ப்பதற்கு பதிலாக மனித பிணங்களின் மீது சவாரி செய்யும் ஒரு அரசியலாகவே தொடர்ந்து இருந்து வந்துள்ளது.

“போராட்டம் என்றால் மனித இழப்புகள் இல்லாமல் இருக்காது ” என்ற தலைவர் பிரபாகரனின் தியரியை நாம் எதிர்க்காமல் ஏற்றுக் கொண்டோமோ? அதே தியரியை நடைமுறைப் படுத்தி இத்தோடு இந்த சாவுகள் முடிவுக்கு வர வேண்டும்.

பிரபாகரன் மகளின் புகைப்படத்தை இணையத்தில் பார்த்து இது ஒரு சிங்களத்தி. எங்களுக்கு என்ன பார்வை கோளாறே? என்று புலன் இழந்த புலத்தாரை விட அங்கு வாழும் மக்களுக்கு சிங்களவனாலாவது நல்ல வாழ்வு கிடைத்தால் அது போதும். அதுவே எமது பிராத்தனையாக வேண்டும். உலகத்தை சுதந்திரமாக பார்க்க முடிந்த தமிழன் நிலமையே இப்படியென்றால், புலிகளின் கட்டுப்பாட்டில் இருந்த மக்களின் மன நிலையை யோசிக்கவே வேண்டியதில்லை.

அந்த மக்களை காட்டும் ஒளிப்பதிவுகளில் பார்த்தால் இராணுவத்துக்கு பயந்து மக்கள் ஓடி வருவது மாதிரியா இருக்கு. இல்லை போகிற இடத்திலயாவது நிம்மதி கிடைக்குமா? என்ற எதிர்பார்ப்பாய் அல்லவா தெரிகிறது?
அந்த மக்களுக்கு இன்று தேவை குண்டு சத்தம் கேட்காத ஒரு அமைதி.
நிம்மதியாக தூங்க ஒரு பாய். மண் மீட்பும் மண்ணாங்கட்டியும்.
போதும் செத்தது. இனியும் வேண்டாம் இந்தக் கொடுமை.

வன்னி மக்களின் சாட்சியங்கள் வரும் போது உண்மைகள் புலப்படும்.
அதையும் புலி வால்கள் ஆயுதத்துக்கு முன்னால இப்படித்தான் பேசுவாங்க என்று சொல்வார்கள் என்பதும் எமக்குத் தெரியும். இருந்தாலும் அந்த பிஞ்சு குழந்தைகளின் முகங்கள் எவருக்கும் பொய் சொல்லாது.

அட பாவிகளா? எத்தனை பிஞ்சுகளை கொண்டுட்டீங்களடா?

ஏன் இவ்வளவு பேர் அவர் மீது பாய்கிறீர்கள்?,/நான் ஒரு யாழ் வாசி. தமது சொந்த வாழ்வில் எதையும் இழக்காத வெளிநாட்டுத் தமிழர்களுக்குத் தெரியாது நாம் எமது பிள்ளைகள் வளர சிறிது நிம்மதியான சூழலுக்காக ஏங்குவது.–மனோ/—-இது சரிதானே!!,இதைதானே ஈழமாறன் “வன்னி மக்களுக்கு அளியுங்கள்” என்று கேட்கிறார்!!./இலங்கையில் எல்லா இன மக்களும் மீண்டும் ஒன்றாக வாழ வேண்டும் என்றால் அதற்கான அடிப்படையாக இருக்கும் ஒரு அரசியல் தீர்வு வென்றெடுக்கப் பட வேண்டும். சிங்களவர்களை தமிழர்கள் நம்புவதற்க்கும்.-ஈழமாறன்/–“இதை வேண்டாம் என்கிறீர்களா?,இதைதான் கருத்தியல் அழுத்தம் என்பதா?.ஒரு கால் அழுகிவிட்டால்(பிரபாகரன்) அதை அறுவை சிகிச்சை மூலம் அகற்றுவது சரி என்றாலும்,அரசியல் அங்கவீனம் தவிர்க்கமுடியாதது,ஏனென்றால்,கால் “உடலின் ஒரு பாகமே”.இனப்பிரச்சனை என்று ஒன்று இருப்பதை சர்வதேசத்தின் கண்களிலிருந்து மறைப்பது ஈழமாறன் கூறிய மேற்சொன்ன விஷயங்கள்தான்.”தான் ஆடாவிட்டாலும் தன் சதையாடும்”,என்ற அதீத உண்ர்ச்சிக்கு, “பிரதேச வாத முலாம் பூசுவது” சரியல்ல.நீங்கள் அகதிகளாக வந்து இறங்கியவுடன் சோறும்,கோழியும் தந்து உபசரித்த “சர்வதேச சமூகம்”,அப்பாவி மக்கள்(அதுவும் இவர்களுக்கு தொல்லயில்லாத)பாதிக்கப்படும்போது பாராமுகமாக இருப்பார்களா?,எங்கே தவறு என்று இதை யோசித்தீர்களா???,நாம் எவ்வளவு “பிரசீடெண்ட்” கொடுத்திருப்போம்?.

ஈழமாறன் உங்கள் தீர்வுதிட்டம் தான் என்ன?

அது தெரியாதா? அவரின் தலமையில் மஞ்சள் தண்ணி தெளித்து வர்க்கப் போராட்டம்தான்!

ஈழமாறன் நீங்களும் அரசியல் கத்துகுட்டிதான் என்பதை மிக தெளிவாக தெரிவித்துள்ளிர்கள்.

ஈழமாறனின் இதர கட்டுரைகளுக்கு ஆகா ஓகோ என்று விமர்சித்தவர்கள் பலர் இங்கு அவரில் குறை காண்கிறார்கள். புலிகளை விமர்சித்தால் ஓகே . மற்றவர்களை விமர்சித்தால் ஏன் ஏற்க முடியுதில்லை.?? புலிக்கும் விமர்சனம் பிடிக்காது. உங்களுக்கும் பிடிக்காது எண்டால் உங்களுக்கும் புலிக்கும் என்ன வித்தியாசம்??

புலியிடம் கடந்த காலங்கள் விமர்சிக்கபபட வேணும், இதர அமைப்புகளைுடன் கதைத்து சேர்ந்து வேலை செய்ய வேண்டும் எனச் சொன்னால் அவர்களுக்கு பொத்துக் கொண்டுவரும். கடந்த காலங்களில் தவற விட்ட சந்தர்ப்பங்களை பற்றிக் கதைத்தால் சரி இப்ப உங்களிட்ட இதுக்கு என்ன தீர்வு இருக்குது எண்டு சொல்லுங்கோ பாப்பம் என்பார்கள். இப்ப அதேபோல புலிகளை ஆதரிக்காதவர்களும் ஈழமாறனை நோக்கி அதே கேள்விதான் கேட்கிறார்கள். மொத்தத்ததில் ஒரே குட்டை மட்டைகள்தான்

மகிந்தாவிடம் கதைக்கப் போனவர்கள் தமிழர்க்கான அரசியல்த்தீர்வு என்ன? என்றாவது கேட்டார்களா? ஏன் கேட்கவில்லை என்று கேட்டால், அவர் ஏதோ தீர்வு வைத்துதிருப்பார், புலியை அடிச்சுமுடித்த பிறகு முன்வைப்பார், என்ற ஊகக் கதைகள்தான் மிச்சமாயிருக்குது.

சிங்களவனை நம்ப முடியாது என்று காலங்காலமாக சொல்லிச் சொல்லியே தமிழருக்கு எந்தத் தீர்வும் கிடைக்காததற்கு தமிழர் தலைமைகளும் ஒரு காரணம். நீங்கள் எங்கே சென்று எப்படி சுற்றி வந்தாலும், இந்தியாவை, அமெரிக்காவை எல்லாம் கூட்டி வந்தாலும், ஆனானப்பட்ட சிவபெருமானையே கூட்டி வந்தாலும்…. கடைசியில் சிங்களவனோடு பேசித் தான் ஏதாவதொரு தீர்வை பெற வேண்டும். இன்னும் நூறு வருடங்களுக்கு போராடினாலும் இது தான் நடக்கப்போகிறது. அரசாங்கமும் தமிழ் தலைமைகளும் சில விட்டுக் கொடுப்புகளை செய்தே எதையும் தீர்க்க வேண்டும். பிடிவாதமாக இருந்தால் எதுவும் நடக்காது.

இந்த கட்டுரையில் முதலையும் நரியும் பாடம் அறிவுப்பாடம் புகட்டகூடிய கதை. கட்டுரையாளர் உவமைகளும் ஒப்பீடுகளும் தான் கேட்டதாகவும் அறிந்ததும் சொல்லுவது “வெண்புறா”இயக்குனர் டாக்டர் மூர்த்திக்கு நிகரானவர்.
இன்று காலை மூர்த்தி ஜி.ரிவிக்கு பேட்டி அளிக்கும்போது அவர் கூறினார்….. “புலம் பெயர்நாட்டில் மக்கள் புரட்சி வெடித்து விட்டது அது ருஷ்சியாவில் தோன்றிய பாட்டாளிவர்கப் புரட்சியை போன்றதாம்” இதை கேட்டு யாரும் பக்கத்தில்லுள்ள கிணத்தில் போய் விழுந்து விடாதீர்கள்.
என்ன செய்ய எல்லாவற்றையும் நாம் கேட்க வேண்டியது விதி. பொறுமை…பொறுமை…பொறுமைக்கு வந்த சோதனை.

//ஈழமாறன் அவர்களே யாழ்ப்பாண ஆங்கில வேளாள மேல்தட்டு வர்க்கத்தின் அரசியல் பிழைப்பு வரலாறு நீங்கள் சொல்வதுபோன்று உண்மையிலும் உண்மை.- Kulam //

ஈழமாறன், குலம் போன்றவர்கள் மட்டுமல்ல பலர் பிரதேசவாதத்தை இலகுவாக பரப்ப கையாளும் முறை இது. உண்மையில் அன்று தொடக்கம் யாழ் மக்கள் கல்வியறிவில் சிறந்து விளங்கினார்கள். அதனால் ஆங்கிலேயர் காலத்திலிருந்து அதற்குப் பின்னரும் பல அரச உயர்பதவிகளில் இருநதார்கள். இவர்களில் சிலர் பிழை விட்டார்கள் என்பதற்காக ஒட்டுமொத்தமாக எல்லா யாழ்ப்பாண உயர்சாதியினரையும் குறை சொல்வது முறையாகாது. கிழக்கு மாகாணத்தில் அரசியல் தலைமை வகித்தவர்களும் தற்போது வகிப்பவர்களும் பலர் யாழ் மாவட்டத்தை பிறப்பிடமாகக் கொண்டவர்கள் என்பதை எவரும் புறந் தள்ளிவிட முடியாது. அதுபோல் குலம் “ஆங்கில வேளாள மேல்தட்டு வர்க்கமென்ற” பதத்தைப் பாவித்துள்ளார். ஆனால் தமிழ்ப் பறங்கிச் சமுதாயம் என்பது யாழ்ப்பாணத்தில் உருவாகவில்லை மாறாக கிழக்கில் தான் உருவானது என்பதை அவர் அறிவாரா?? மொத்தத்தில் கிழக்கில் படித்தவர்களையும் நல்ல அரசியல் தலைமைகளையும் உருவாக்க தவறியது யார் குற்றம். இந்த நிலை இன்று வரை தொடர்வதும் யார் குற்றம். பொதுவாக ஆயுதப் போராட்டம் ஆரம்பித்ததற்கு தரப்படுத்தலும் ஒரு காரணம் என்று சிலர் கதையளப்பார்கள். ஆனால் உண்மையாக அந்தத் தரைப்படுத்தலால் பாதிக்கப்பட்டவர்கள் யாழ் மாவட்ட மாணவர்கள் தான். கிழக்கு மாகாண மற்றும் வன்னி மாவட்ட மாணவர்கள் இதே தரப்படுத்தலினாலத் தான் குறைந்த புள்ளிகள் பெற்ற போதும் பல்கலைக்கழக அனுமதி பெற முடிந்தது. மொத்தத்தில் இன்றும் பிரதேசவாதமென்ற மாயையை வைத்து குட்டையை குளப்பிச் சுகம் காண்பதை விடுத்து, தமது சமுதாயத்தை முன்னேற்ற அந்தச் சமுதாயத்தைச் சேர்ந்த ஒவ்வொருவரும் முன்வர வேண்டும். தீர்க்கமான சிந்தகனைகளும் மனச்சுத்தியும் இருந்தால் எவர் முன்னேற்றத்தையும் எவரும் தடுத்துவிட முடியாது…

பார்த்திபன்-
தங்களுக்கு தான் தெரியுமே தமிழ்த்தலைமைகளைப்பற்றி.. எத்தினை தலைவர்கள் வந்தும் ஒரு பயனுமில்லை. தமிழர்கள் மத்தியில் இருக்கும் தாழ்வுமனப்பான்மையும் உயர்வு மனப்பான்மையும் தான் எல்லாத்துக்கும் காலாக இருக்கிறது. இந்த வகையில் ஒருவரின் கட்டளையின் கீழ் செய்தாலே அதனை நடைமுறைப்படுத்தலாம். இதற்கு ஐநாவே நேரடியாக பொறுப்பெடுத்து செய்யவேண்டும். அப்போ தான் அவை உரிய முறையில் அந்த மக்களிடம் போகும். அல்லது அவனவன் தனித்தனியாக உதவி செய்ய சேர்த்து சொத்து சேர்ப்பது தான் நடக்கும். இது அனைவரும் கண்கூடாக கண்ட உண்மைகள் தானே….

புலிகளின் தலமைபோல் இனிஒரு தலைமை வருவது கடினம். புலிகள் உறுதியாக இருக்கும் வரையில் தான் சிங்களத் தலைமைகள் கொஞ்சமாவது தமிழர்களின் உரிமையை கொடுப்பதற்க்கு இணங்கும். மற்றையபடி டக்ளஸ் போன்றவர்களின் தலைமையில் உரிமைகளை வென்றெடுப்பது என்பது இந்த வருடத்திற்கான சிறந்த பகிடியாக எடுத்துக் கொள்ளலாம்.

//புலிகளின் தலைமைபோல் இனி ஒரு தலைமை வருவது கடினம்//விதுஷா..
இங்கிருக்கும் வரை… இதுவும் சொல்லும் இதுக்கு மேலேயும் சொல்லும்.
அங்கிருந்தால்…அந்த நோக்கமும் இல்லை அந்த சிந்தனையும் இல்லை.

“உரிமைகளை வென்றெடுப்பது” என்றால் என்ன என்று விதுசா நினைக்கின்றார்? தமிழ் மக்கள் பிள்ளை பெற்றுக் கொடுத்தல், கப்பம் கட்டுதல், வரி கொடுத்தல், அவரின் பிள்ளைகளை வெளிநாடு வரை அனுப்பி படிப்பித்தல், அங்கு …….. படம் எடுக்க அதை தமிழ் மக்கள் மெச்சுதல் இத்தியாதி விடயங்களா மக்களின் உரிமைகள் விதுசா?

புலிகளின் தலமைபோல் இனிஒரு தலைமை வருவது கடினம்”
அப்படி ஒரு தலைமை வரவே வேண்டாம். …………….

ஈழமாறன் உங்கள் கட்டுரை ஓகே அத்துடன் பார்த்தீபனின் முதல் பின்ணுட்டத்தில் சொன்ன விடையங்களும் த.தே.கூட்டமைப்பின் வெறும் வாய்சவாலைப் பற்றியும் அவர்களின் தீர்வு சம்பந்தமான உறுதியான கருத்து பற்றியும் ஆராய்த்து உள்ளடக்கியிருந்தால் உங்களுக்கு 99 வீதம் மார்க் போட்டிருக்கலாம் யாதார்த்தங்களை அம்பலப்படுத்தியதற்காக. மகிந்தவை இலங்கையில் இயங்கும் கட்சிகளாக சொல்லிக்கொள்ளும் தமிழ் குழுக்கள் சந்திப்பில் பேசப்பட் பயனில்லா விடையங்களை விட புலம்பெயர் தமிழர் சிலர் அரசாங்கத்தை சந்தித்ததில் பேசப்பட்ட சில விடையங்கள் அல்லது கேட்ட கேள்விகள் சில ஆரோக்கியமானவை என நினைக்கிறேன். இன்றைய நிலையில் எப்படியோ சில மாதங்களில் பாறாளுமன்ற தேர்தல் வருவது நிச்சயம் வரும் தேர்தலில் வெல்பவர்கள் வாய்ச்சவால்மட்டும் விடாதவர்களாக சோரம் போகாதவர்களாக மக்கள் நலன்களுக்காக மட்டும் பேசக்கூடியவர்களாக உள்ளவர்களை பாறாளுமண்றம் அணுப்புவதற்கான வேலைகளை செய்யவே வேண்டும் உண்மையான மக்கள் நலம் உள்ளவர்கள் அதற்கான வேலைகளில் அறங்கவேண்டும் இன்று 20.30.. வருட ஆயுள் செல்லகின்ய கட்சிகள் நிராகாpக்கப்பட்டாலும் நலமே மக்களின் நலனில் அக்கறை உள்ள பிரதேச.கட்சி. சுயநலம் இல்லா மற்றவரை மிதிக்க எண்ணா விட்டுக்கொடுப்புள்ள தலைமைகளை உருவாக்க பாடுபடுவோம் பாறாருமண்ற உறுப்பே இன்றைய நிலையில் தீர்வுக்க அடிப்படை இதை நல்லவர் கைகளில் கொடுக்க தாயக மக்களுக்க உந்துதல் கொடுக்கலாம் புலம்பெயர் திமிழன் தீர்வுக்கோ சரி தாயக விடிவுக்ககோ சரி வெறும் உந்து சக்தி மட்டுமே தீர்மானிப்பதற்கு எமக்கு புலம்பெயர் ஊடகங்களாகட்டும் எவர்க்கும் அறுகதை இல்லை உருப்படியாக அவலப்படும் உறவுகருக்க எதுவும் எங்களால் செய்ய முடியவில்லை நானாகட்டும் இந்த விமர்சன கட்டுரையை எழுதிய ஈழமாறனாகட்டும் யாவருமே ஒரு வகையில் கையாலாகாதவர்கள்தான் போராட்டங்கள் ஆரம்பித்தவர்களின் திசைமாற்றத்தால் நாம் இன்று இப்படி ஆக்கப்பட்டுவிட்டோம் நவீன உலகுக்க ஏற்ப இலங்கை மக்களையும் பெருளாதார சுதந்திர சுவாசத்தக்கு இட்டுச்செல்ல மறப்போம் மன்னிப்போம் முடிந்தால் மக்களுக்கு நல்ல சிந்தனைகளை ஊட்டுவோம் நன்றி நான் இன்றைய தலைமுறையை சேர்ந்தவன் ஆதலால் பிழைகள் பிழைதான் என் தந்தையாக இருந்தாலும் திருந்துங்கள்…..

//போராட்டங்கள் ஆரம்பித்தவர்களின் திசைமாற்றத்தால் நாம் இன்று இப்படி ஆக்கப்பட்டுவிட்டோம் நவீன உலகுக்க ஏற்ப இலங்கை மக்களையும் பெருளாதார சுதந்திர சுவாசத்தக்கு இட்டுச்செல்ல மறப்போம் மன்னிப்போம் முடிந்தால் மக்களுக்கு நல்ல சிந்தனைகளை ஊட்டுவோம் நன்றி நான் இன்றைய தலைமுறையை சேர்ந்தவன் ஆதலால் பிழைகள் பிழைதான் என் தந்தையாக இருந்தாலும் திருந்துங்கள்…..- விஷ்ணு //

யதார்த்தமான வரிகள் வாழ்த்துகள் விஷ்ணு.

ஈழமாறனின் நீளமான கட்டுரை நிறையவே நக்கல்கள்,நையாண்டிகள்,உவமானமாய் அந்தமாதிரி ஒரு நரி முதலைக் கதை,அப்படியே எங்கட தேசத்தின் குரல் அண்ணையின் மாவீரருரையின் மொழிபெயர்ப்பில் விசிலடிச்சான் குஞ்சுகளுக்கென கலந்து விடும் ஊத்தைக் கதை மாதிரியும் கொஞ்சம் கலந்துவிட பிறகென்ன பின்னூட்டங்கள் வந்து குவியுது. ஆனால் மொத்தத்தில் ஆளை ஆள் மாறிக் கிழிக்கிறதை ஈழமாறன் தனியாளாக நின்று கிழிச்சுத் தள்ளியிருக்கிறார். கிழிக்கிறது சரியான சுலபம்.

ஈழமாறன் முதலமைச்சர் பதவிக்காக மகிந்த மரத்தை அணில் ஏற விட்ட நாய் போல் பார்ப்பதாகவும் முதலையாய் மகிந்தவை சுமப்பதாகவும் கூறுகிறீர்களே முதலமைச்சர் பதவியென்ன மகிந்தா வேட்டியில் முடிஞ்சு வைச்சிருக்கிறாரா அவிட்டுக் கொடுப்பதற்க்கு? இது நியமன எம்பியும் இல்லை அந்தஸ்தற்ற அமைச்சும் அல்ல மகிந்த முடிவெடுக்க. மக்கள் மனதை வெல்லாமல் எந்த முதலைக்கும் முதலமைச்சர் பதவி கிடைக்கப் போவதில்லை.

ஈழமாறன் நீங்கள் ஆசை தீர எல்லோரையும் திட்டித்தீருங்கள். அது உங்கள் இஸ்டம். ஆனால் இன்று வன்னியில் நடக்கும் மனித அவலத்துக்கு புலிகளும், புலிகளுக்கு காவடி தூக்கும் புலன் பெயர் கூட்டமும் தவிர வேறு யாருமே காரணமில்லை.

/Who promots this tamils genocide?
If any intellectuals from Tamils understood about this genocide, why did not they act?.The past and present Tamil political leaders in Sri Lanka were well educated lawyers (layers) and they know the international human rights law better than the normal people. Why they did not act?.knew that our home land (Sri Lanka) is under the political games of regional powers and VETO nations, because they want to profit due to war and peace. Have you got any comments about this?./-x and y …
There is nothing called Tamil intellectuals!, they are only basically “interpreters”, that means, lacking their own source – behaving as “SOLICITORS” – they din’t advised their clients (Tamil people)properly, eventhough they profited heavily from their problems – “not the regional powers. one example from theneeweb.de – “The problem in Srilanka is only the “FLAG” ,not the ethnic problem?-

//கடைசியில் சிங்களவரிடம் பேசித்தான் ஏதாவது ஒரு தீர்வைப் பெறவேண்டும்//உரோசியன்.

இதுவே நித்தியமானதும் தீர்கமும்மான அம்சமுமாகும். இந்தக்கருத்து வன்முறையை எதிர்கிறது. ஜனநாயகத்தன்மையை தேடுகிறது. சகோதரதத்துவத்தை வலியுறுத்துக்கிறது. இறுதியில் கூட்டுவாழ்கையும் பல்லினமக்களையும் மகிழ்சியுடன் வாழ்வதற்கான ஐக்கிய இலங்கையை வேண்டிநின்று இறுதியில் இனவாதத்தை முற்றுமுழுதாக துடைத்தெறிகிறது.

உலகத்தை ஏமாற்ரி அரசியல் அடைக்கலம் பெற்ரவரே புலத்துத் தமிழர். புலத்துத்தமிழரை ஏமாற்ரி தம்மை வளர்த்தவரெ புலிகளின் தலைவர்கள். புலிகளின் தலைவர்களை ஏமாற்றி வளர்பவ்ர்கள் புலியின் ஆதரவாளகள்.

இந்தக் கொடியவர்களின் வலையில் சிக்கித்தவிப்பவரே வன்னிமக்கள்

துரை

All of you are fool.If india didn’t put fire in tamil community in 1983,now our contry Srilanka Big singapore!! That time tamils were emotion thats why they couldn’t concentrate Indias cunging behavihour,that was our bad luck.
Wait and see what will happen in future! Hope President Mahinda will show to tamils good way!!!