பிரபாகரன் பயங்கரவாதி அல்ல எனது நல்ல நண்பர்- கருணாநிதி : பிரபாகரனை எதிர்க்கிறேன் – ஜெயலலிதா.

என்ன இவர்!.புலிவால்களை திருப்திபடுத்துவதற்காக இவ்வளவு குழப்பமாகவும் கோமாளிதனமாகவும் கதைக்க வேண்டுமா? இவர் என்ன சொன்னாலும் அவர்களுக்கு துரோகி கருணாநிதி தான்.

தேர்தல். பல்டி. அதில் அவர் தான் ஒரு கலைஞன் என்பதை கருனாநிதி பலதடவை நிரூபித்திருக்கிறார்.
ஜெயலலிதா அவரில் கற்றுக்கொண்ட மாணவியே!அவரின் கலைநுட்பத்தை கற்றுக் கொள்ள இன்னும் பல ஆண்டுகள் தேவைப்படும். மற்றும்படி ஒரு காமராஜ்ரையோ ஒரு ப.ஜீவானந்தத்தையோ தமிழ்நாடு கண்டுகொள்வதற்கு இன்னும் எவ்வளவு…?

ஏன் பிரபாகரன் மகன் சார்லஸ் அன்ரனி கரும்புலி ஆகவில்லை?

இந்தியப் பாராளுமன்றத் தேர்தலில் தமிழக பிரசாரக் களத்தில் இலங்கைத் தமிழர் பிரச்சினை முக்கிய சர்ச்சையாக்கப்பட்டு வாதப் பிரதிவாதங்கள் நாளுக்கு நாள் சூடுபிடித்துவரும் நிலையில் விடுதலைப் புலிகளின் தலைவர் வேலுப்பிள்ளை பிரபாகரன் குறித்து தமிழக முதலமைச்சரும் திராவிட முன்னேற்றக் கழகத் தலைவருமான கலைஞர் மு. கருணாநிதி தெரிவித்திருக்கும் கருத்தை அவரின் தேர்தல் கூட்டணிக் கட்சியான காங்கிரஸ் நிராகரித்திருப்பதைக் காணக்கூடியதாக இருக்கின்றது.

கருணாநிதி இந்தப் பேட்டியளித்த சில மணித்தியாலங்களில் காங்கிரஸ் கட்சி அவரது கருத்துகளை வெளிப்படையாக நிராகரித்திருக்கின்றது. புதுடில்லியில் நேற்று மாலை இதுதொடர்பாகக் கருத்துத் தெரிவித்த காங்கிரஸ் கட்சியின் பேச்சாளர் கபில் சிபால் “கருணாநிதியின் கருத்துக்கள் தனிப்பட்டவை. பிரபாகரன் உயிருடன் பிடிபட்டால் அவரை இந்தியாவுக்கு நாடு கடத்துமாறு காங்கிரஸ் கோரும்’ என்று கூறியிருக்கின்றார்.

“அது கருணாநிதியின் தனிப்பட்ட கருத்தாக இருக்கலாம். ஆனால், நாம் விடுதலைப் புலிகளை ஒரு பயங்கரவாத அமைப்பாகவே கருதுகிறோம். விடுதலைப் புலிகளின் செயற்பாடுகளில் சம்பந்தப்பட்ட அனைவரையும் நாம் பயங்கரவாதிகளாகவே பார்க்கின்றோம். இதுவே எமது நம்பிக்கை’ என்று கபில் சிபால் கூறியிருக்கின்றார்.

பிரபாகரன் குறித்து கருணாநிதி தெரிவித்திருக்கும் கருத்தைப் பயன்படுத்தி பாரதிய ஜனதா கட்சி காங்கிரஸைச் சாடியிருக்கிறது. முன்னாள் இந்தியப் பிரதமர் ராஜீவ் காந்தி கொலை தொடர்பில் கருணாநிதி மீது ஜெயின் ஆணைக்குழு குற்றஞ்சாட்டியதை அடுத்து 1997 ஆம் ஆண்டு ஐக்கிய முன்னணி அரசாங்கத்துக்கு அளித்த ஆதரவை விலக்கிக்கொண்ட காங்கிரஸ், இப்போது இந்தப் பிரச்சினையில் இருந்து நழுவ முடியாது என்று பாரதிய ஜனதாவின் தலைவர்களில் ஒருவரான பிரகாஷ் ஜவ்டேகர் தெரிவித்திருக்கிறார். விடுதலைப் புலிகள் ஒரு பயங்கரவாத அமைப்பு என்று நாம் ஏற்கனவே கூறியிருக்கின்றோம். மோதல்கள் இடம்பெறும் பகுதிக்குள் அகப்பட்டிருக்கும் அப்பாவித் தமிழ் குடிமக்கள் மீது மாத்திரமே எமக்கு அக்கறை? என்றும் அவர் கூறியிருக்கின்றார்.

தொலைக்காட்சி சேவைக்கு கருணாநிதி அளித்த பேட்டியில் தெரிவித்திருக்கும் கருத்துகளை காங்கிரஸ் கட்சி பகிரங்கமாக நிராகரித்திருப்பதால் எதிரணிக் கட்சிகள் இச் சந்தர்ப்பத்தைப் பயன்படுத்தி சர்ச்சைகளை உருவாக்க முயற்சிக்கும் என்பதில் சந்தேகமில்லை. புதுடில்லியில் காங்கிரஸ் பேச்சாளர் கருணாநிதியின் கருத்துகள் தொடர்பில் வெளியிட்ட கருத்துகளை தமிழ்நாடு மாநில காங்கிரஸ்காரர்கள் எந்த விதமாக நோக்கி தேர்தல் பிரசாரங்களின்போது செயற்படுவர் என்பது அவதானிகளால் முக்கியமாக நோக்கப்படுகிறது.