::விளையாட்டு

Home
கட்டுரைகள்
::விளையாட்டு

இலங்கை மற்றும் சர்வதேச விளையாட்டுச் செய்திகள்.

வழமை போல இறுதி கட்டத்தில் சொதப்பியது பஞ்சாப் கிங்ஸ் – அடுத்த சுற்றுக்கு முன்னேறியது ரோயல் சேலஞ்சர்ஸ் பெங்களூர் !

ரோயல் சேலஞ்சர்ஸ் பெங்களூர்- பஞ்சாப் கிங்ஸ் அணிகள் மோதும் ஐ.பி.எல். கிரிக்கெட்டின் 48-வது லீக் ஆட்டம் ஷார்ஜாவில் நடைபெற்றது. ஆர்.சி.பி. நாணயச்சுழற்சியில் வென்று துடுப்பொட்டத்தை தேர்வு செய்தது.

அதன்படி விராட் கோலி, தேவ்தத் படிக்கல் ஆகியோர் தொடக்க வீரர்களாக களம் இறங்கினர். இருவரும் தொடக்கத்தில் இருந்து அதிரடி ஆட்டத்தை வெளிப்படுத்தினர். பெங்களூர் சார்பில் விராட் கோலி 25 ஓட்டங்கள் , படிக்கல் 40 ஓட்டங்கள், டி வில்லியர்ஸ் 23 ஓட்டங்கள் என்றவாறு பெற்றுக்கொண்டனர். இன்றைய போட்டியிலும் அதிரடி காட்டிய மேக்ஸ்வெல் 33 பந்தில் 3 பவுண்டரி, 4 சிக்சர்களுடன் 57 ஓட்டங்களை எடுத்தார்.

பஞ்சாப் கிங்ஸ் அணியில் முகமது ஷமி, ஹென்ரிக்ஸ் ஆகியோர் தலா 3 விக்கெட் வீழ்த்தினர்.

May be an image of 3 people, people playing sport and text

பின்னர் 165 ஓட்டங்கள் அடித்தால் வெற்றி என்ற இலக்குடன் பஞ்சாப் கிங்ஸ் அணி களம் இறங்கியது. தொடக்க வீரர்களான கே.எல். ராகுல், மயங்க் அகர்வால் ஆகியோர் சிறப்பான தொடக்கம் கொடுத்தனர். ஸ்கோர் 10.5 ஓவரில் 91 ஓட்டங்கள் இருக்கும்போது கே.எல். ராகுல் 35 பந்தில் 39 ஓட்டங்கள் எடுத்து ஆட்டமிழந்தார். அடுத்து வந்த பூரண் 3 ஓட்டங்களிலும் ஏமாற்றம் அளித்தார். சிறப்பாக விளையாடிய மயங்க் அகர்வால் 42 பந்தில் 57 ஓட்டங்கள் எடுத்து ஆட்டமிழந்தார். அப்போது பஞ்சாப் அணி 15.2 ஓவரில் 3 விக்கெட் இழப்பிற்கு 114 ஓட்டங்கள் எடுத்திருந்தது. அதன்பின் பஞ்சாப் அணியால் வெற்றி நோக்கி செல்ல முடியவில்லை.

கடைசி ஓவரில் 19 ஓட்டங்கள் தேவைப்பட்டது. ஆனால் 12 ஓட்டங்கள் அடிக்க 20 ஓவரில் 6 விக்கெட் இழப்பிற்கு 158 ஓட்டங்கள் சேர்த்தது. இதனால் ராயல் சேலஞ்சர்ஸ் பெங்களூர் 6 ஓட்டங்கள் வித்தியாசத்தில் வெற்றி பெற்று பிளே-ஆஃப் சுற்றுக்கு முன்னேறியது.

விடைபெற்றார் சங்கா – MCC கிரிக்கெட் கிளப்பின் 234 ஆண்டு வரலாற்றில் முதல் பெண் தலைவர் !

பழம்பெரும் MCC கிரிக்கெட் கிளப்பின் 234 ஆண்டு வரலாற்றில் முதல் பெண் தலைவராக இங்கிலாந்தின் மகளிர் கிரிக்கெட்டில் ஆஷஸ் வென்ற முன்னாள் தலைவர் கிளேர் கோனர் லோர்ட்ஸில் பதவியேற்றார்.

ECB யில் மகளிர் கிரிக்கெட் இயக்குநராகவும் உள்ள கோனார், 2020 ம் ஆண்டில் கிளப்பின் வருடாந்த பொதுக்கூட்டத்தில் தலைமைப் பதவிக்கு பரிந்துரைக்கப்பட்டார், ஆனால் கோவிட் -19 காரணமாக அவரது பதவி ஒரு வருடம் தாமதமானது, அதன்காரணத்தால் குமார் சங்கக்கார குறித்த பதவியில் தொடர்ந்தார்.

“எம்சிசி தலைவராக இருப்பதில் நான் உண்மையிலேயே பெருமைப்படுகிறேன்,” என் வாழ்நாள் முழுவதும் நேசித்த விளையாட்டின் நலனுக்காக, இந்த மகத்தான முக்கிய பங்கை வழங்குவதற்கு என் மீது நம்பிக்கை வைத்ததற்கு நன்றி தெரிவிக்க விரும்புகிறேன் என குமார் சங்கக்காரா நன்றி பாராட்டினார் .

“அடுத்த 12 மாதங்களில் கிளப்பின் தலைமை மற்றும் குழுக்களுடன் ஆதரவளிக்கவும், பணியாற்றவும் எனது அனுபவ வரம்பை கொண்டு வர முயற்சிப்பேன். MCC அணியின் ஒரு பகுதியாக இருப்பதற்கு நான் மிகவும் ஆவலுடன் காத்திருக்கிறேன் என புதிய தலைவர் கிளேர் கோனர் தெரிவித்தார்.

கோனர் தனது 19 வது வயதில் 1995 இல் இங்கிலாந்து அணிக்கு அறிமுகமானார், மேலும் 2000 ஆம் ஆண்டில் தலைவர் பொறுப்பை ஏற்றார், ஒரு வருடம் கழித்து ஆஸ்திரேலியாவுக்கு எதிராக லார்ட்ஸில் இங்கிலாந்தை வழிநடத்தினார். இடது கை சுழற்பந்து வீச்சில் ஆல்-ரவுண்டரான கானர், இங்கிலாந்து அணிக்கு 42 ஆண்டுகளில் முதல் ஆஷஸ் வெற்றிக்காக வழிநடத்தி, 2005 ல் 1-0 தொடர் வெற்றியை பெற்றுக்கொடுத்தவர் என்பதும் சிறப்பம்சமாகும். இங்கிலாந்தின் கேப்டனாக ஆறு வருடங்கள் நீடித்ததன் பின்னர் கிரிக்கெட் விளையாட்டிலிருந்து ஓய்வு பெற்றார்.

ஆப்கானிஸ்தான் பெண்கள் கால்பந்து வீராங்கனைகளுக்கு அடைக்கலம் கொடுப்பதாக போர்த்துக்கல் அரசு அறிவிப்பு !

ஆப்கானிஸ்தானில் கடந்த மாதம் 15-ந்திகதி தலிபான் படையினர் முழுமையாக ஆட்சியை கைப்பற்றினார்கள். ஏற்கனவே தலிபான்கள் ஆட்சியில் இருந்த போது கடுமையான கட்டுப்பாடுகளை விதித்து இருந்தனர். அதில் விளையாட்டு போட்டிகள் நடக்கக்கூடாது என்பது முக்கியமானதாகும்.

மேலும் பெண்கள் எந்த நிகழ்ச்சிகளிலும் பங்கேற்க கூடாது என்றும் தடை விதித்து இருந்தனர். அதை மீறுபவர்களுக்கு கொடூர தண்டனைகளையும் அவர்கள் வழங்கினார்கள். இப்போது மீண்டும் ஆட்சிக்கு வந்துள்ள தலிபான்கள் அதைபோல கொடூர தண்டனைகளை வழங்கலாம் என்று கருதப்படுகிறது. அதன் காரணமாக பெரும்பாலான விளையாட்டு வீரர்கள் வேறு நாடுகளுக்கு தப்பி ஓடிவிட்டனர்.

ஆப்கானிஸ்தானில் பெண்கள் கால்பந்து அணி பிரபலமாக செயல்பட்டு வந்தது. உயிருக்கு பயந்த அவர்களும் நாட்டை விட்டு வெளியேறினார்கள். அவர்கள் தற்போது போர்த்துக்கல் நாட்டுக்கு சென்றுள்ளனர். அந்த வீராங்கனைகளுக்கு அடைக்கலம் கொடுப்பதாக போர்த்துக்கல் அரசு அறிவித்துள்ளது. இதனால் அவர்கள் மிகுந்த மகிழ்ச்சி அடைந்துள்ளனர்.

“ 2 மில்லியன் டொலர்களை பெறும் கிலென் மேக்ஸ்வெல் அறிவை பயன்படுத்துவதில்லை.” – வீரேந்திர சேவாக்

ஐ.பி.எல் தொடரின் நேற்றைய ஆட்டத்தில் ராயல் சேலஞ்சர்ஸ் பெங்களூர் அணியும் மும்பை இந்தியன்ஸ் அணியும் மோதின. இந்தப் போட்டியில் ஆர்.சி.பி, 54 ஓட்டங்கள் வித்தியாசத்தில் வெற்றி பெற்றது.

ஆர்.சி.பி இந்த வெற்றியைப் பெற முக்கிய காரணமாக இருந்தவர் ஆஸ்திரேலிய வீரர் கிலென் மேக்ஸ்வெல். அவர் 37 பந்துகளில் 56 ஓட்டங்கள் எடுத்தார். மேலும் 4 ஓவர்கள் வீசி 2 விக்கெட்டுகள் வீழ்த்தினார். இந்த கலக்கல் ஆட்டத்தால் அவருக்கு ஆட்ட நாயகன் விருது கொடுக்கப்பட்டது.

இந்நிலையில் இந்திய அணியின் முன்னாள் அதிரடி ஆட்டக்காரர் வீரேந்திர சேவாக், ‘மேக்ஸ்வெல்லுக்கு திறமை அதிகமாகவே இருக்கிறது. ஆனால் அவர் அறிவை சில நேரங்களில் பயன்படுத்துவதே கிடையாது. மும்பைக்கு எதிராக அவர் அறிவை பயன்படுத்தி நன்றாக விளையாடினார்.

ஆட்டத்திற்குத் தகுந்தது போல அவர் தன் விளையாட்டை மாற்றிக் கொள்ள மாட்டார். அதனாலேயே பல போட்டிகளில் சொற்ப ரன்களில் அவுட்டாகி வெளியேறிவிடுவார். அவர் ஒவ்வொரு ஆண்டும் ஐபிஎல் மூலம் 2 மில்லியன் டாலர்களை வீட்டுக்கு எடுத்துச் செல்கிறார். ஆனால், அதற்கு ஏற்றது போல் விளையாடுகிறாரா என்பது கேள்விக்குறியே’ என்று கறார் கருத்து கூறியுள்ளார்.

டி20 கிரிக்கெட் போட்டிகளில் புதிய மைல்கல்லை எட்டிய விராட் கோலி !

ஐ.பி.எல். 2021 கிரிக்கெட் லீக் தொடரின் 39-வது லீக் ஆட்டம் துபாயில் நடைபெற்றது. இதில் ராயல் சேலஞ்சர்ஸ் பெங்களூர்- மும்பை இந்தியன்ஸ் அணிகள் மோதின.

முதலில் பேட் செய்த பெங்களூர் 6 விக்கெட் இழப்புக்கு 165 ஓட்டங்கள் சேர்த்தது. மும்பை அணிக்கு எதிராக அபாரமாக ஆடிய பெங்களூரு அணி தலைவர் விராட் கோலி 51 ஓட்டங்கள் விளாசினார்.

இவர் தனது 13-வது ஓட்டத்தை கடந்த போது டி20 அரங்கில் 10 ஆயிரம் ஓட்டங்களை எட்டிய முதல் இந்திய வீரர் என்ற சாதனை படைத்தார். மேலும், 10 ஆயிரம் ஓட்டங்களை கடந்த 5-வது சர்வதேச வீரரானார். இதுவரை 314 போட்டியில் 5 சதம், 74 அரைசதம் உள்பட 10,038 ஓட்டங்கள் எடுத்துள்ளார்.

ஏற்கனவே, வெஸ்ட் இண்டீசின் கெய்ல் (14,275 ஓட்டங்கள்), பொல்லார்டு (11,195 ஓட்டங்கள்), பாகிஸ்தானின் சோயப் மாலிக் (10,808 ஓட்டங்கள்), ஆஸ்திரேலியாவின் டேவிட் வார்னர் (10,019 ஓட்டங்கள்) ஆகியோர் இம்மைல்கல்லை எட்டியுள்ளனர்.

ஜடேஜாவின் அதிரடி கைகொடுக்க இறுதி நிமிடத்தில் வெற்றியை ருசித்தது சென்னை !

சென்னை சூப்பர் கிங்ஸ்- கொல்கத்தா நைட் ரைடர்ஸ் அணிகளுக்கு இடையிலான ஐ.பி.எல். 2021 கிரிக்கெட்டின் 38-வது லீக் ஆட்டம் அபுதாபியில் நடைபெற்றது. கொல்கத்தா நைட் ரைடர்ஸ் தலைவன் மோர்கன் டாஸ் வென்று துடுப்பெடுத்தாட்டத்தைச் தேர்வு செய்தார். சென்னை சூப்பர் கிங்ஸ் அணியில் வெய்ன் பிராவோ இடம் பெறவில்லை. அதற்குப் பதிலாக சாம் கர்ரன் இடம் பிடித்தார். கொல்கத்தா அணியில் மாற்றம் ஏதும் செய்யப்படவில்லை.

கொல்கத்தா அணியின் ராகுல் திரிபாதி 33 பந்தில் 45 ஓட்டங்கள் எடுத்து ஆட்டமிழந்தார். தினேஷ் கார்த்தி அதிரடியாக விளையாடி 11 பந்தில் 26 ஓட்டங்கள் அடிக்க கொல்கத்தா நைட் ரைடர்ஸ் 20 ஓவரில் 6 விக்கெட் இழப்பிற்கு 171 ஓட்டங்கள் சேர்த்தது. நிதிஷ் ராணா 27 பந்தில் 37 ஓட்டங்கள் எடுத்து ஆட்டமிழக்காமல் இருந்தார். சென்னை சூப்பர் கிங்ஸ் அணியில் ஷர்துல் தாகூர், ஹசில்வுட் ஆகியோர் தலா 2 விக்கெட் வீழ்த்தினர்.

பின்னர் 172 ஓட்டங்கள் அடித்தால் வெற்றி என்ற இலக்குடன் சென்னை சூப்பர் கிங்ஸ் களம் இறங்கியது. தொடக்க வீரர்கள் ருதுராஜ் கெய்க் வாட், டு பிளிஸ்சிஸ் சிறப்பான ஆட்டத்தை வெளிப்படுத்தினர். ருதுராஜ் கெய்க்வாட் 28 பந்தில் 40 ஓட்டங்களும், டு பிளிஸ்சிஸ் 30 பந்தில் 43 ஓட்டங்களும் எடுத்து ஆட்டமிழந்தார்.

அடுத்து வந்த மொயீன் அலி 28 பந்தில் 32 ஓட்டங்கள் எடுத்து ஆட்டமிழந்தார். அதன்பின் வந்த அம்பதி ராயுடு 10ஓட்டங்களிலும், சுரேஷ் ரெய்னா 11 ஓட்டங்களிலும், டோனி 1ஓட்டங்களிலும் ஆட்டமிழந்தார். இதனால் சென்னை சூப்பர் கிங்ஸ் அணிக்கு சிக்கல் ஏற்பட்டது.

கடைசி 2 ஓவரில் 26 ஓட்டங்கள் தேவைப்பட்டது. 19-வது ஓவரை பிரதித் கிருஷ்ணா வீசினார். இந்த ஓவரின் முதல் இரண்டு பந்துகளில் இரண்டு ஓட்டங்கள் அடிக்கப்பட்டது. 3-வது மற்றும் 4-வது பந்தை இமாலய சிக்சருக்கு தூக்கினார் ஜடேஜா. அதோடு மட்டுமல்லாமல் அடுத்த இரண்டு பந்துகளையும் பவுண்டரிக்கு விரட்டினார். இந்த ஓவரில் 22ஓட்டங்கள் கிடைக்க சென்னை அணிக்கு கடைசி ஓவரில் 4 ஓட்டங்கள் மட்டுமே தேவைப்பட்டது.

கடைசி ஓவரை சுனில் நரைன் வீசினார். முதல் பந்தில் சாம் கர்ரன் ஆட்டமிழந்தார். 3-வது பந்தில் ஷர்துல் தாகூர் 3 ஓட்டங்கள் அடித்தார். 5-வது பந்தில் ஜடேஜா அவுட் ஆனார். கடைசி பந்தில் தீபக் சாஹர் ஒரு ஓட்டங்கள் அடிக்க சென்னை அணி வெற்றி பெற்றது.

இந்த வெற்றி மூலம் பிளே-ஓப் சுற்றுக்கு இலகுவாக முன்னேறியது சென்னை சூப்பர்கிங்ஸ் அணி !

ராஜஸ்தானை இலகுவாக வீழ்த்தி பிளேஆப் சுற்றுக்கு முன்னேறிய டெல்லி !

ஐபிஎல் கிரிக்கெட் போட்டிகளில் இன்று அபுதாபியில் நடைபெற்ற ஆட்டத்தில் டெல்லி கேபிட்டல்ஸ்-ராஜஸ்தான் ராயல்ஸ் அணிகள் மோதின. டாஸ் வென்ற ராஜஸ்தான் அணி பந்துவீச்சை தேர்வு செய்தது.

இதனையடுத்து முதலில் பேட் செய்த டெல்லி அணி நிர்ணயிக்கப்பட்ட 20 ஓவரில் 6 விக்கெட் இழப்பிற்கு 154 ஓட்டங்கள் எடுத்தது. அதிகபட்சமாக ஸ்ரேயாஸ் அய்யர் 43 ஓட்டங்கள் எடுத்திருந்தார்.

இதையடுத்து 155 ஓட்டங்கள் எடுத்தால் வெற்றி என்ற இலக்குடன் ராஜஸ்தான் அணி களமிறங்கியது. ஆனால் துவக்கத்தில் இருந்தே தடுமாறிய அந்த அணி 55 ஓட்டங்கள் எடுப்பதற்குள் 5 விக்கெட்களை இழந்தது. அணியின் தலைவர் சாம்சன் மட்டும் நிதானமாக விளையாடி அரை சதம் அடித்தார். அவர் 53 பந்துகளில் 70 ரன்கள் எடுத்திருந்தார். அந்த அணியில் சாம்சன், மஹிபால் ஆகிய இரண்டு பேரை தவிர மற்ற வீரர்கள் ஒற்றை இலக்க ரன்னை தாண்டவில்லை.

ராஜஸ்தான் அணி 20 ஓவர் முடிவில் 6 விக்கெட் இழப்பிற்கு 121 ஓட்டங்கள் மட்டுமே எடுத்தது. இதனால் டெல்லி அணி 33 ஓட்டங்கள் வித்தியாசத்தில் வெற்றி பெற்று பிளேஆப் சுற்றுக்கு முன்னேறியது. டெல்லி தரப்பில் அன்ரிச் நார்ட்ஜே 2 விக்கெட்டுகளை கைப்பற்றினார்.

இலங்கை தேசிய கிரிக்கெட் அணியின் ஆலோசகராக மஹேல ஜயவர்தன நியமனம் !

இலங்கை தேசிய கிரிக்கெட் அணியின் ஆலோசகராக இலங்கை கிரிக்கெட் அணியின் முன்னாள் அணித்தலைவர் மஹேல ஜயவர்தன நியமிக்கப்பட்டுள்ளார்.

இலங்கை கிரிக்கெட் நிறுவனம் இதனை குறிப்பிட்டுள்ளது.

இதற்கமைய எதிர்வரும் ஐசிசி ஆடவர் ரி20 உலகக்கிண்ண தொடரின் முதல் சுற்றுக்காக இலங்கை கிரிக்கெட் அணியின் ஆலோசகராக அவர் செயற்படவுள்ளதாக இலங்கை கிரிக்கெட் தெரிவித்துள்ளது.

சம்பள விடயத்தில் மெஸ்ஸியை பின்னுக்கு தள்ளிய ரொனால்டோ !

கால்பந்து விளையாட்டில் தலைசிறந்த வீரர்களாக போர்த்துக்கலின் கிறிஸ்டியானோ ரொனால்டோ, அர்ஜென்டினாவின் மெஸ்சி ஆகியோர் திகழ்ந்து வருகிறார்கள். அதிக கோல்கள், விருதுகள், வருமானம் என எதை எடுத்தாலும் இருவருக்கும் இடையில் கடும் போட்டி நிலவும்.

லா லிகாவில் பார்சிலோனா அணிக்காக மெஸ்சி விளையாடும்போதும், ரியல் மாட்ரிட் அணிக்காக ரொனால்டோ விளையாடும்போது இரு அணிகளுக்கு இடையிலான போட்டியை பார்ப்பதற்கு கோடிக்கணக்கான ரசிகர்கள் ஆர்வம் காட்டுவார்கள்.

மெஸ்சிக்கு பார்சிலோனா மிக அதிக அளவில் சம்பளம் கொடுத்து வந்தது. கிறிஸ்டியானோ ரொனால்டோவுக்கு ரியல் மாட்ரிட் அதிக சம்பளம் கொடுத்தாலும் மெஸ்சியைவிட குறைவாகத்தான் வாங்கினார். மேலும், வணிக ஒப்பந்தம் உள்பட இதர வருமானத்திலும் மெஸ்சி முன்னிலை பெற்றிருந்தார்.

ரொனால்டோ யுவென்டஸ் அணிக்கு சென்ற பிறகு, அவரது சம்பளம் வெகுவாக குறைந்தது. தற்போது மெஸ்சி பார்சிலோனாவில் இருந்து விலகி பி.எஸ்.ஜி. அணிக்கு சென்றுள்ளார். இதனால் மெஸ்சி சம்பளம் குறைந்துள்ளது.

இந்த நிலையில் 2021-22 சீசனில் மெஸ்சியை விட ரொனால்டோ அதிக வருமானம் ஈட்டும் நபராக இருப்பார் என போர்ப்ஸ் பத்திரிகை தகவல் வெளியிட்டுள்ளது. ரொனால்டோ வரியுடன் 125 மில்லின் டாலர் சம்பளம் பெறும் நிலையில், மெஸ்சி 110 மில்லியன் டாலரே பெறுவார் எனத் தெரிவித்துள்ளது.

மான்செஸ்டர் யுனைடெ் அணி ரொனால்டோவுக்கு போனஸ் உடன் சேர்த்து 70 மில்லியன் டாலர் சம்பளம் கொடுக்கிறது. வணிக ஒப்பந்தம் மூலம் 55 மில்லியன் வருமானம் ஈட்டுகிறார்.

மெஸ்சி சம்பளம் மற்றும் போனஸ் மூலம 75 மில்லியன் டாலர் ஈட்டுவார் எனத்தெரிவித்துள்ளது.

இறுதி ஓவரில் மாயாஜாலம் செய்த கார்த்திக் தியாகி – த்ரில் வெற்றி பெற்றது ராஜஸ்தான் !

ஐ.பி.எல். 2021 கிரிக்கெட் தொடரின் 32-வது லீக் ஆட்டம் துபாயில் நடைபெற்றது. இதில் ராஜஸ்தான் ராயல்ஸ் – பஞ்சாப் கிங்ஸ் அணிகள் பலப்பரீட்சை நடத்தின. நாணயச்சுழற்சியில் வென்ற பஞ்சாப் கிங்ஸ் அணி தலைவர் கே.எல். ராகுல் பந்து வீச்சை தேர்வு செய்தார்.

அதன்படி முதலில் துடுப்பெடுத்தாடிய செய்த ராஜஸ்தான் ராயல்ஸ் அணி 20 ஓவரில் 185 ஓட்டங்கள் எடுத்தது. அந்த அணிசார்பில் லீவிஸ் 36 ஓட்டங்களையும் , ஜெய்ஸ்வால் 49 ஓட்டங்களையும் எடுத்து ஆட்டமிழந்தனர்.

ராஜஸ்தான் சார்பில் மஹிபால் லோம்ரோர் அதிரடியாக ஆடி 17 பந்தில் 2 பவுண்டரி, 4 சிக்சர்களுடன் 43 ஓட்டங்கள் விளாசினார்.

பஞ்சாப் அணி சார்பில் அர்ஷ்தீப் சிங் 5 விக்கெட்டும், ஷமி 3 விக்கெட்டும் வீழ்த்தினர்.

இதையடுத்து, 186 ஓட்டங்கள் எடுத்தால் வெற்றி என்ற இலக்குடன் பஞ்சாப் அணி களமிறங்கியது. தொடக்க ஆட்டக்காரர்கள் கேஎல் ராகுல், மயங்க் அகர்வால் பொறுப்புடன் ஆடினர். அகர்வால் அதிரடியாக ஆடி அரை சதம் கடந்தார். பஞ்சாப் அணியின் எண்ணிக்கை 120 ஆக இருந்தபோது கே.எல்.ராகுல் 49 ஓட்டங்களில் ஆட்டமிழந்தார். அவரை தொடர்ந்து சிறிது நேரத்தில் மயங்க் அகர்வால் 67 ஓட்டங்களில் ஆட்டமிழந்தார்.

சிறப்பான தொடக்கம் கொடுத்த ராகுல்-அகர்வால் ஜோடி

அடுத்து இறங்கிய மார்கிராம், நிகோலஸ் பூரன் இணைந்து பொறுப்புடன் ஆடினர்.

ஒரு கட்டத்தில் 15 பந்துகளுக்கு 10 ஓட்டங்கள் பெற்றால் வெற்றி என்ற நிலை பஞ்சாப் அணிக்கு நிர்ணயிக்கப்பட்டது, அதுவும் இறுதி இரண்டு ஓவர்களில் அவர்களுடைய வெற்றிக்கு 8 ஓட்டங்கள் மட்டுமே தேவைபட்டது.

19-வது ஓவரை வீசிய முஸ்தாபிஜூர் ரஹ்மான் சிக்கனமாக 4 ஓட்டங்களை விட்டுக் கொடுத்தார், இறுதி ஓவரில் 4 ஓட்டங்கள் பெற்றால் வெற்றி என்ற நிலை இருந்த போதுதான் போட்டியில் மிகப்பெரிய திருப்பம் ஏற்பட்டது.

20 வயதான கார்த்திக் தியாகியின் இறுதி ஓவரில் பஞ்சாப் அணிக்கு 4 ஓட்டங்கள் தேவைப்பட்டது. அப்போது முதல் பந்து டாட் ஆனது. 2வது பந்தில் மர்க்ராம் ஒரு ஓட்டம் அடித்தார். 3வது பந்தில் சிறப்பாக விளையாடி வந்த நிக்கோலஸ் பூரான் விக்கெட்டை பறித்தார்.

இதனால் கடைசி 3 பந்துகளில் 4 ஓட்டங்கள் தேவைப்பட்டது. இதன் பின்னர் 4 வது பந்தும் டாட் ஆனது. 5வது பந்தில் தீபக் ஹூடா டக் அவுட்டாகி வெளியேறினார். கடைசி பந்தில் 3 ஓட்டங்கள் தேவைப்பட்ட போது பாவியன் அலனுக்கு எதிராக அதுவும் டாட் ஆனது. இதனால் ராஜஸ்தான் அணி 2 ஓட்டங்கள் வித்தியாசத்தில் த்ரில் வெற்றி பெற்றது. கடைசி ஓவரில் ஒரே ஒரு ஓட்டத்தை மட்டுமே கொடுத்து 2 விக்கெட்களை எடுத்தார் கார்த்திக் தியாகி.

இறுதியில், பஞ்சாப் 20 ஓவரில் 4 விக்கெட் இழப்புக்கு 183 ஓட்டங்கள் மட்டுமே எடுத்து இரண்டு ஓட்டங்களால் தோற்றது.

இதன்மூலம் கடைசி ஓவரில் இரண்டு ஓட்டங்களால் வித்தியாசத்தில் ராஜஸ்தான் ராயல்ஸ் திரில் வெற்றி பெற்றது. ஆட்டநாயகன் விருது கார்த்திக் தியாகிக்கு அளிக்கப்பட்டது.