தமிழ் தேசியத்தின் போராளி மகரசிங்கம் காலமானார்!

திரு சின்னப்பு மகரசிங்கம் காலமானார்

கடந்த 48 ஆண்டுகளாக பெரிய பிரித்தானியாவில் வாழ்ந்து இலங்கைத் தமிழர் வாழ்வுடன் இரண்டறக் கலந்து எமது உரிமைப் போராட்டத்தின் முதன்மைக் குரலாகத் திகழ்ந்த திரு சின்னப்பு மகரசிங்கம் அவர்கள் நேற்றுப் புதன்கிழமை இரவு பத்து மணியளவில் காலமானார் என்ற செய்தியை ஆழ்ந்த வருத்தத்துடன் தெரிவிக்கின்றோம்.

1925 மே மாதம் 12ம் திகதி மானிப்பாயில் பிறந்த திரு மகரசிங்கம் அவர்கள் மானிப்பாய் இந்துக் கல்லூரியின் பழைய மாணவர். கல்லூரியின் உதைபந்தாட்டடக் குழுவின் சிறப்புமிக்க உறுப்பினர். இலங்கையில் சில காலம் அரசாங்க சேவையில் சேவையாற்றிய பின் பெரிய பிரித்தானியாவிற்குக் குடிபெயர்ந்தார்.

ஆரம்பத்தில் இந்தமண்ணிற்கு மாணவர்களாக வாந்தவர்களை இணைத்துத் தமிழர் ஆதரவுப் போராட்டங்களை நடாத்தினார். ஆரம்ப காலத்தில் எம்மவர் மத்தியில் இடம்பெற்ற அரசியல் நடவடிக்கைகள் அனைத்திலும் திரு மகரசிங்கம் அவர்கள் முன்னின்று செயற்பட்டார். தமிழ் வழக்குரைஞர்கள் இங்குவருவதற்கு முன்னதாக, இந்த மண்ணிற்கு ஆரம்பத்தில் வந்தவர்கள் எதிர்நோக்கிய குடிவரவுப் பிரச்சனைகளில் தனது ஆங்கில அறிவைப் பயன்படுத்தி உதவினார். இந்தப் பிரச்சினைகளில் பிரித்தானியப் பாராளுமன்ற உறுப்பினர்களையும் பிரபுக்கள் சபை உறுப்பினர்களையும் பயன்படுத்தியதன் மூலம் அவர்களை இலங்கைத் தமிழர் பிரச்சனைகளில் அக்கறை கொள்ள வைத்தார்.

அன்னாரின் இறுதிக்கிரியைகள் பற்றிய அறிவித்தல்கள் பின்னர் வெளியிடப்படும்
தொடர்புகளிற்கு: Mrs Maharasingham, 11 Keighley Park Avenue, New Eltham
London SE9 2HF Tel: 020 8859 3600