இலங் கைக்கு வெளிநாட்டு உல்லாசப் பயணிகள் வருகை இவ்வருடத்தில் 31.9 சதவீதத்தால் அதிகரித்தள்ளதாக உல்லாசப் பயணிகள் சபை அறிவித்துள்ளது.
கடந்த 2009 ஆம் ஆண்டு ஜனவரியில் இலங்கைக்கு 38468 உல்லாசப் பிரயாணிகள் வருகை தந்தனர். இவ்வருடம் அதாவது 2010 ஆம் ஆண்டு ஜனவரி மாதம் இத்தொகை 50757 ஆக அதிகரித்துள்ளது.
ஐரோப்பிய நாடுகளிலிருந்தே இம்முறை பெருந்தொகையான உல்லாசப் பிரயாணிகள் வந்துள்ளதாக புள்ளிவிபரங்கள் தெரிவி;க்கின்றன.
கடந்த வருடத்தைவிட இவ்வருடம் பிரித்தானியாவிலிருந்து வந்துள்ள உல்லாசப் பயணிகளின் தொகை 24.6 வீதத்தினாலும் பிரான்சிலிருந்து வந்தோர் தொகை 25.9 வீதத்தினாலும் ஜெர்மனியிலிருந்து வந்தோர் தொகை 54.1 வீதத்தினாலும் அதிகரித்துள்ளதாக உல்லாசப் பயணிகள் சபை மேலும் அறிவித்துள்ளது.
