காலி தடல்ல பகுதியில் சகல வசதிகளையும் கொண்ட நவீன விளையாட்டரங்குக் கட்டிடத் தொகுதி ஒன்று அமைக்கப்பட்டு வருகிறது. நீண்ட நாட்களாக இந்தப் பகுதிக்கு ஒரு குறைபாடாக நிலவி வந்த இந்தக் கட்டடத் தொகுதி 16 ஏக்கர் நிலப்பரப்பில் நிர்மானிக்கப்பட்டு வருகிறது.
நகர அபிவிருத்தி அதிகார சபை இத்திட்டத்தை மேற்கொண்டு வருகிறது. இத்திட்டத்தின் கீழ் அமைக்கப்படும் பிரதான விளையாட்டரங்கு 400 மீட்டர் ஓட்டப் பாதையைக் கொண்டதாகும். மேலும் இந்தக் கட்டிடத் தொகுதி உள்ளக விளையாட்டரங்கு, டெனிஸ், வலைபந்து, கூடைப்பந்து, கைப்பந்து போன்ற போட்டிகளுக்கான விளையாட்டுத் திடல்கள், வாகன தரிப்பிடம், தங்குமிட வசதி, நிருவாகப் பணிமனை போன்றவற்றையும் உள்ளடக்கியுள்ளது.
இதன் நிர்மானப்பணிகளை மூன்று வருட காலத்திற்குள் பூர்த்தி செய்யத் திட்டமிடப்பட்டுள்ளது.
