விரைவில் நடைமுறைக்கு வரவுள்ள 20வது சீர்திருத்தம் தொடர்பாக இலங்கையின் ஒவ்வொரு தரப்பினரும் தங்களுடைய கருத்துக்களையும் எதிர்ப்புக்களையும் முன்வைத்த வண்ணமுள்ளனர். இந்நிலையில் ஐக்கிய மக்கள் சக்தியின் நாடாளுமன்ற உறுப்பினர் கலாநிதி ஹர்ஷ டி சில்வா ராஜபக்ஸக்களுக்கேற்றாற் போல சீர்திருத்தம் உருவாக்கப்பட்டு வருவதாக குறிப்பிட்டுள்ளார்.
பஷில் ராஜபக்க்ஷ நாட்டின் அடுத்த ஜனாதிபதியாக பதவிக்கு வர எண்ணியிருந்ததால், அதற்கான தடைகள் அனைத்தும் நீக்கப்பட்டுள்ளதாக கலாநிதி ஹர்ஷ டி சில்வா தெரிவித்துள்ளார்.
இதனடிப்படையில் நாடாளுமன்ற உறுப்பினராக மட்டுமல்ல அமெரிக்க பிரஜை ஒருவர் இலங்கை ஜனாதிபதியாகவும் தற்போது பதவிக்கு வர முடியும் எனவும் அவர் கூறியுள்ளார்.
