ஜனாதிபதி தேர்தலில் தமிழ் மக்கள் சார்பில் பொது வேட்பாளரை நிறுத்துவது தொடர்பாக எழுந்துள்ள சர்ச்சைகளுக்கு தீர்வு காணும்
நோக்கில் எதிர்வரும் ஜுன் மாதம் 09ஆம் திகதி கருத்தரங்கு ஒன்றுக்கு ஏற்பாடு செய்துள்ளதாக ஜனாதிபதி சட்டத்தரணியும் நாடாளுமன்ற உறுப்பினருமான எம்.ஏ.சுமந்திரன் தெரிவித்துள்ளார்.
இன்று காலை யாழ் ஊடக மையத்தில் இடம்பெற்ற செய்தியாளர் மாநாட்டில் எம்.ஏ.சுமந்திரன் இவ்வாறு கருத்து வெளியிட்டுள்ளார்.
இதேவேளை ஜனாதிபதி தேர்தலில் யாரை ஆதரிப்பது என தமிழரசு கட்சி இதுவரை எந்த முடிவையும் எடுக்கவில்லை என்றும் எம்.ஏ சுமந்திரன் குறிப்பிட்டார்.
அத்துடன் இறுதிக்கட்ட யுத்ததின்போது இடம்பெற்ற போர்க் குற்றங்கள் தொடர்பாக நீதிமன்ற பொறிமுறையின் ஊடாக தீர்வு வழங்குவதாக ஜனாதிபதி தெரிவித்திருந்ததாகவும், ஆனால் சர்வதேச பொறுமுறையா அல்லது கலப்பு பொறிமுறையா என்பது தொடர்பான நிலைப்பாட்டினை அவர் தெரிவிக்கவில்லை என்றும் எம்.ஏ.சுமந்திரன் தெரிவித்துள்ளார்.
